ليه تقتل الحلم الكبير
ليه تسدل اليوم الستار ؟!
ليه صرت في الصف الأخير
و رميتني في جوف نار ؟!
انظر الى حيلتي صرت الأسير
للهم .. ما اطيق اصطبار ؟!
خليتني بعدك سهير
ساويت ليلي بالنهار !
في خافقي هم ٍ غزير
يضرب على قلبي حصار !
و الدمع كالمزن المطير
بأسبابك أبكي وسط غار !
أدري بأنك مو صغير
عاقل وتجزم .. ما تحار !
و ادري بأنك شي خطير
درة .. وأنا كنت المحار !
أعْرفك و بعلومك خبير
اتصيبني بالانبهار !
شفتك إلى العليا تسير
خطوك ترى يقدح شرار !
صارم كما السيف الشطير
واليوم .. مدري شاللي صار !
أقفيت عن أصحاب خير
وغرقت في موج البحار !
مبصر .. وأصبحت الضرير
احذر .. ترى دونك عَثار !
ابليس ما اوحى لك بخير
بالله .. وقعت القرار ؟!
تدري ؟! يصير اللي يصير
لك دعوتي سر و جهار !
بأرسم طيوفك في الهجير
وانقش ظلالك في النهار !
و أخاطبك عبر الأثير :
ارجع .. ولا ترض انكسار !
قم .. أكمل الآن المسير
و الحق له أوضح مسار !
في القبر منكر مع نكير
ما فيه سبيل ٍ للفرار !
بعدك ترى يوم عسير
واقرأ ختام (الانفطار) !
(كاسر) غدا بعدك كسير
وإن كان اسم مستعار !
ارجع .. تنام نومة قرير
ارجع .. لهذيك الديار !
ارجع .. تراني لك نذير
درب الهوى مليان عار !
ارجع لربك .. واستجير
إن تبتعد تلقى الصغار !
و إن طالت الغيبه كثير
ارجع .. تراني في انتظار !
ارجع .. تراني في انتظار !
بي بيقلم ســائـــد
