نص حلبي أحّي

قام يوسف ليلبس، بحبش عالتاسومة وأكلت معو الشغلة نص ساعة، وما لاقى غير الاسكربينه، بعق لأموا: صاير منظري هردبشت، وعبيتمقلسوا علي رفقاتي، ما عبتطسي منظري.
- قالتلو أمه: حاج تنق، التوك منك، مو من رفقاتك، بدك تتبهنك وتتبهور وتجخ وانت لسا تلميذ، بقا لما تصير زلمه اش بتساوي، انجوق رفقاتك وحاج تكر وتتسهسك معون، الصوج علي عطيتك وج. استنا شوي بلكي بنزل بسوم لك كلاش، مفكر حالك حربوق، خرج تشتري لحالك، أشكرة بيضحكوا عليك، أصلا مبين عليك طشم، وتنح.
ردحلا وقال: اتاري، عبتخاوزي بيني وبين اخواتي البنات، هنن بس، بتاخدين تش وبتزوزقين، مرستقين حالكون مع بعض، بدي اشكيك لأبوي.
- قالتلو: حاج تأنكل وتضرب عونطا وتفسفس لأبوك، اصطفل، بدي اقولو عبتشرب تتن، وانو القصة كيت كيت.
- قام تعشبق فيا، وغبق، ومجق ايدا، وشلح تيابه وزتون، وتكمكر، وقالا: دخيلك والله بسرجلني.