ميزات المرأة الحلبية & الى العزبان فقط
حتى المخطوبين ما يفوتوا
"
يا ابني اذا كنت على وش جواز ...فلازم تختار بنت مناسبة ......ومالك احسن من الحلبية ليش؟
مو القصة تحيز بس بتعرفو لحتى أعمل دعاية للحلبيات هههههههه
1_ الزوجة الحلبية بتفوتك على أرقام غينس العالمية ااااااوف كيف !!!! لانو اذا كان وزنك 68 كيلو مثلا فرح يصير بعد أقل من أسبوعين فوق المية مع الزوجة الحلبية .
2_ بتطعميك كل يوم أكلة :
كبب ...محاشي ....أوزي ....يبرق....ششبرك.....سفرجلية ....سماقية......أرمان ولبنية.....كل شي بيخطر على بالك...
3_ الحلبية بتكون حنونة وطيبة كتير يعني بتعاملك متل ابنا بتشعر معها بالحنان
والأمان ....وخصوصاً لما ......هي بتعرفوا بس تكبرو هلق انتو صغار ما رح اكتبا ههههههه
افتكرتو الفراغ فيو كلمة عيب لاء قصدي لما بتحتضن ابنا بتتجسد أحلى معاني الحنان هيك مو غير شي
4_ الحلبية لما بتحب جوزا بتحبو بجنون يعني بجد بصير متل روحا او تنقول نصا التاني وما بعود
في أي فرق بينا وبين جوزا يعني بتخليه يشطف ويجلي ويكنس متلا متلو .
5_ الحلبية بتعيشك دوماً بجو مرح لانو روح قلبها من بيت شقاع لبيت رقاع يعني كل يوم بدك توديها
لمحل وهيك بتتسلى عالطريق .
6_ الحلبية يعني القالب غالب يعني بعد عمر طويل شي 40 سنة بتكون صرت ختيار فالحلبية بدافع
عنك يعني بتكون صارت مرتك الحلبية مترين بمتر اللهم صلي عالنبي .
7_ الحلبية بتربي ولادا على أحسن الخصال وهي لبقة & ذكية& نبيهة& مذوقة& مثقفة & حلوة&
حلوة& حلوة& ( ولك ياابن ال......... طلاع من الصقاق وكتوب وظايفاااااااااك )
8_ الحلبية معا هوس بالنظافة والتظبيط بهالبيت يعني كل يومين ام محمد الحواسة عندها .
يعني بالمختصر المفيد : كلا على بعضا حلوة حلوة حلوة
يارب مابدي شي بالدنيا غير انك تزوجني بنت من فسط حلب
:z033:
