ثورة نسائية ضد الرجل والمطالبة بالتغيير والاصلاح الفوري
حرب قائمة من زمن بعيد
ومازالت قائمة
وستظل قائمة
حرب بين الرجل والمرأة
رغم كل الحب والود الذي يجمع بينهما
رغم كل التأثير الذي يضم الاثنين على فراش واحد
بالرغم من الشوق الكبير لكل منهما للآخر
الا ان الحرب بينهما دائماً على اهبة الاستعداد
لماذا؟؟؟
بيقولوا على طول انو السبب دائماً المرأة!!
وانا بقول انه 80% من اسباب هالحروب هو الرجل
لاحدا يقلي ليش؟؟؟
لانو السبب معروف
تمسك الرجل بالعقلية الشرقية القديمة اللي اغلب الاحيان بتكون متخلفة
تمسكه بالذرائع اللي بتخليه دائماً هو الاول والاخير بالحياة
متل..الرجال قوامون على النساء
(مو عاطييهن فرحتهن لحدا من كتر مو شمتانين فينا وانو الله فضلهن علينا)
لو كنت امراً لاحد ان يسجد لاحد..لامرت المرأة ان تسجد لزوجها
(على راسي كلام الرسول عليه الصلاة والسلام وانا تحت امرو كمان)
بس هالرجال مابينعطوا وش
وكمان
المرأة لازم تدور سبع مرات حوالي زوجها قل ماتنام وهية عم تسألو اذا كان بدو منها شي!!!
لاحول ولاقوة الا بالله...سبحانك ياربي
انا ماعم اعترض على كلام الله ورسوله
بس عم احكي عن الرجل وتمسكه بهذه الذرائع
و ياترى هالحكي بيلبق لرجال هالايام؟؟؟؟
لا والله مابيلبقلهن... عنجد مابيلبيقلهن
بهالطريقة رح ياخدوا تارهن منا...نحنا النساء اللطيفات الضعيفات البريئاتhttp://82.137.208.23/images/smilies/.../53576.gif.jpg
وهنن عم يتحكموا فينا على كيفهن
لايمتى بدنا نضل عايشين هيك؟؟؟
لايمتى بدها تضل الحرب قائمة بيني وبينك ايها الرجل؟؟؟
ياترى بتقبل بتبادل الادوار؟؟؟
اكيد لأ
ممكن تقلي ليش؟؟
بجميع الاحوال.. النساء تطالب بالتغيير الفوري
والمطالبة بالاصلاحات الجذرية لهالمشكلة
ياترى شو ممكن نضع بنود لهالاصلاحات؟؟؟
انا رح حط اول بند
المطالبة بتغيير نظرتك الدونية للمرأة
المطالبة بنسيان ان الرجال قوامون على النساء
ولنبدأ من جديد
يلا حطوا انتوا البنود الاخرى
بانتظاركم شباب وصبايا
ياريت الشباب يحطو بنود للمطالبة بحرية المرأة مو بأسر المرأة
(الموضوع للنقاش من وجهات نظر مختلفة حول الحرب الابدية وارائكم الصريحة فيها)
بانتظاركم احبتي
منقول
