أولا شكرا ع الموضوع المهم
أنا بشوف أنه البنت لما بتكون عم تحكي هيك شي لأخوها ... معناها ما في أي مشكلة و ما في شي غلط
أنا ضد علاقات الحب السرية ... و يلي بتصير من دون علم الأهل .... و بتعتمد ع الكذب ع الأهل
لأنه بهالطريقة البنت بتكون عم تطعن أهلها بظهرهم ... و بتكون عم تخون الثقة يلي عطوها اياها
بس إذا هي من الأساس حطت أخوها بالصورة .... و خبرته بكل شي خطوة بخطوة ... و هاد الشي كان جدي
يعني في مشروع ارتباط جدي .... وين المشكلة بالموضوع ؟؟؟
بالعكس هي خبرت أخوها مشان يوقف جنبها ... و يوجهها و ينصحها ... و يعطيها رأيه بهالشخص
الأخ لازم يكون صديق قريب جدا من أخته ... خاصة بهالمواضيع
و إذا ما عجبه الوضع ... بيحاكيها بهدوء و بيفهمها ليش لاء ....
و إذا عجبه الوضع ... اوكي ... بيكون كل شي تمام
بالمقابل ممكن الأخ يرفض و بشدة حب أخته بحالة معينة ... لما بيكتشف فجأة أنه هي بتعرف شب من فترة و عم تطلع و تفوت معه
بدون ما تخبر حدا من أهلها على الإطلاق ... عم تكذب و تكذب طول الوقت ... و مو معروف أساسا شو نهاية هالعلاقة
أكيد بهالحالة رح يكون الوضع صعب كتير على الأخ ( لأنه رح يعتبرها خانت ثقته ) ... و رح يعتبر حاله الأخ المخدوع ( و أنا برأيي الحق معه )
أما بحال خبرته .... بعتقد بهالحالة ... المفروض ما يكون في أي مشكلة