عرض للطباعة
الغرب لماذا يختلط معنا !
لأسباب مصلحية مثل النفط أو المال أو سرقت بعض الأفكار لدينا أن وجدت طبعا !
وعند أختلاطنا بالغرب ماذا نأخذ منهم !
العادات السيئة الأفكار الشاذة وووو كل شيء سيء لا نأخذ منهم والله شيء مفيد حتى العلم نشتري الشهادات للأسف ولا نتعلم
تحياتي وأتمنى من الجميع التفاعل منعنا
للاسف اخي خالد قلة اللي بيناقش بهالمواضيع
نحنا مناقش بغير مواضيع بس هيك موضوع بهمنا الناس تعرف وجهة نظرنا ونحاول نغير وجهة نظرهم بتلاقي قلة اللي عم يشاركو
لاحول ولاقوة الا بالله
والله جايتنا أيام للأسف الله يفرج عنا
والله يستر من الجاية !
مشكلة شبابنا مابيفكر بالمستقبل بيقلك انا شب وبدي أنبسط بحياتي ! ولما يخلص بسط بيكون الكل سبقوا وهو أخر الناس !
لاحول ولاقوة الا بالله
الموضوع عنجد كتير جميل ومشكورين و يعطيكم الف عافية
بس في فكرة عندي يمكن مو صحيحة ما بعرف يا جماعة ملينا من الحكي يعني بأي مجال كان بدنا نحكي نحنا منحكي بس ما حدا بيحسن يغير شي بهالواقع المرير يلي عايشين فيه للأسف
و نحنا منتمنى انو يصير عنا تطور متل تطور الغرب ونسبقهم بالحضارة و في معلومة يمكن ما حدا بيفكر فيها نحنا متطورين اكتر من الغرب بأخلاقنا وقيمنا يلي بلشت تتناقص و منتمنى انو ترجع متل الاول و احسن لأنو بظن انو مقياس مهم للتطور الاحترام بين البشر و الاخلاق الحميدة يعني مو بس التكنولوجية وانا سبق أن ناقشت بعض فتاتين واحدة منهم تعيش بالنروج وواحدة منهم تعيش في السويد و قلت أني أعيش في مجتمع متقدم على مجتمعهم بقرنين هاد رأي بس متقدم أخلاقياً و دينياً
يمكن ما عنا التطور التكنولوجي نفسو بس حضارتنا شاهدة و قيمنا لا تزال موجودة و الحمد لله عند الاغلبية
و إنشاء الله منكون حسنا نطور بشي من الأفكار الموجودة عند البعض بانو نحنا شعب متخلف
و منتمنى انو نحسن نواكب الغرب بالتطور التكنولوجي بس بعد ما نحسن نطور افكارنا ونعرف شو الصح وشو الغلط اول شي
يعني ممكن يكون التلفاز من الشغلات الاكثر خطر علينا بس هيهات مين يعرف وين الخطر فيه
طولت بالرد بعرف بس إنشاء الله كون حسنت احكي شي مفيد يوصل الفكرة يلي عندي
مشكورين