تطلعين معي ولا انشر صورك..!

أختي الكريمة بعد كل ما لاحظته في حياتي الطويلة والمتعددة بالتجارب سواء في الدول العربية أو الأجنبية فقد اكتشفت بأن الرجل والمرأة كقطبين مختلفي الشحنات ، وهو ما يعني اذا التقت الأفكار سواء كانت سوداء أو بيضاء فهما في نفس التيار ، أما في حال تنافرهما وهي الحالة التي أشرتي إليها فذلك يعني أنها شُحنت من أعمالها مع هذا الانسان أو غيره ، وهو على حد سواء بالنسبة للرجال والنساء ، ولا ننسى أن النفس أمارة بالسوء ، وبالتالي لابد من نتائج تنعكس على واقع وحياة هؤلاء الاشخاص سواء في حياتهم الحالية أو في تربية أبنائهم ، وهو ما يسمى بالعقاب على الافعال ، ولكن بالنسبة لمن لا ناقة لهم في هكذا موضوع وهم من يمكن القول بأنه افتراء من شخص معين فان الله هو صاحب الحق في العقاب أما في الدنيا فالانسانة الشريفة معروفة سواء عند أهلها أو الناس الاخرين وبالتالي لايمكن على قول الشوام (( ما بيغبر على صرمايتها غير بالحق ))

ومع ذلك فان الايمان بالله هو مفتاح الصراحة مع النفس والاهل والناس وبالتالي لا أثر لإنسان فاسق على إنسانة شريفة وهذا رأيي الشخصي

شكرا لكم على المرور الرااااائع..
تحياتي واحترامي..

اخواتي اللي ذكروا انو الغلط على البنت في غلط منها احيانا ومن بعض البنات اللي من الاول عطو الشاب وش
لكن صار الان انواع ابتزاز عجيبة مالها دخل فيها البنت يعني عنا ايام المدرسة كنا نخاف كتير من البنات وبالذات البنت الدينة كتير تخاف لانوا البنات وغالبا بيكرهوها كتير منن بينتقمو وبيعطو شاب صور للبنت هنن مصورينا وهي ماي حاسة عليهن
وبيعطو رقما للشاب وباسلوبه العجيب وذكاؤه الغريب بيبتزها((((وكتير صار قدامي مواقف ابتزاز حتى من بنات بكونو متعاونين مع شباب وبيخوفو البنت )))لقيت العجب من الاساليب
وصارت لي مواقف:متل مرة اتصل رقم على جوالي قال بدو (( ... )) اللي هي انا وقال انتي فلانة استغربت كتير بعدين عرفت انو في مرة رقم تاني بعتت عليه مرة رسالة وكتبت اسمي وانا محسبتو رقم معلمتي المهم انو اتصل ورديت وانا عم رحب فيها(معلمتي)رديت وعرفت ولد وسكرت)))المهم رديت على اللي بيعرف اسمي وسكتت قام قال انا اخدت رقمك من وحدة صاحبتك وبعرف بيتك وازا ماحكيتي معي رح افرجيك شي ماشفتيه وعندو صور الي ومن هاد الكلام انا عرفت انو كزاب وحكيت لاخوي اللي صار وكل الكلام اللي قالو وعطيتو الجوال
*من رايي لازم الوحدة تقول لاهلا اول ماتحس بشي حتى لو قالت بياخة كل شي بدايتو موقف عادي بعدين بيتطور وازا مابتقدر تسال حدا كبير بتعرفو او حتى تطلب نصيحة من شخص معروف او شيخ على النت المهم ما تتصرف من عقلى
والافضل يعرفو اهلا

هلأ المعروف عن البنات أنون عاطفيات زيادة عن الزوم أول ما الشب بيحكيها يومين ولا أكتر بتعتبرو حبيبها وبتأمن فيه متل أخوها وهاد الغلط

وهيي من الاصل ماكان لازم تتعرف على هيك شب وتعطي صورها وإزا صار ما صار لازم الاهل يكونو أول العارفين

وبالنسبة لحكي اختي حورية الشهباء أنا بأيدا كل التأييد لأ نو مو بس الشباب اللي بيعملو هيك حركات

في مرة بنت عنا بالمدرسة هيي كتير حبابة بس مابترافئ مين ماكان وفي بنات رادوها ترافئون بس ما رضيت وبعد فترة عملو حفلة عندون بالبيت

وضلو يترجو البنت كتير حتى تجي معون وهيي خجلت منون وراحت معون عالحفلة

تاني نهار كانو صورا بالحفلة منشورين عالفيس بوك وكل الناس شافتا واستغربت انو مستحيل هي البنت محترمة مستحيل تعمل هيك شي

بس للأسف الموضوع كبر كتيير ووصل للمعلمات بس بعدين البنت شكت لمعلمة الحاسوب وهيي سالت الشباب وحسنت تعرف مين اللي نشر هي الصور

وعاقبوون للبنات وتم فصلو لمدة اسبوعين وعطو لكل وحدة فيون انذار

يعني من الاخر الخطر مو بس من الشباب ممكن البنات يعملو هيك شي وأكتر

بالأخير الله يعينا وعيش كتير بتشوف كتير