-
امتال جدودنا
امتال جدودنا
قلبي على ولدي ...وقلب ولدي عالحجر
الاسكافي حافي ...والحايك عريان
الدكان جنب الدكان ...والرزق على الرحمن
طحان مابيغبر على كلاس
التعلب شاف العنب عالي ..قال قلبي من الحامض لاوي
حفر جبل بمسمار ...اسهل من مناقشة حمار
بيكاكي عنا ..وبيبيض عند غيرنا
توب العيرة مابيدفي
حارتنا ضيقة وبنعرف بعض
حاميها حراميها
دق المي وهية مي
صفي النية ونام بالبرية
عرج الجمل من شفتو
البغل بين الحمير ركيض
بيعمل من الحبة قبة ومن الزبيبة خمارة
يلي بيفوتك حصرم بتاكلوا عنب
طلع القمر وتدور ونسي زمانه الاول
حولا وعم تغمز القمر
ياشاري الهم من قلب صاحبو
كتير الغلبة حطوا بالصدر لقوا بالعتبة
عم يتحركش بالحمى مشان تجيه البردية
قال يافرعون مين فرعنك ..قال مالقيت حدا يردني
الشاة المذبوحة لايؤلمها السلخ
قال الاعمى للاطرش خلينا نشوفك ..لا الاعمى شاف ولا الاطرش سمع
اجدادنا كان يمتلوا كتير هلأ انقرضت هالشغلة اختراع الامتال يعني يلي متذكر متل ممكن يضيفوا
-
شكرا إلك ... موضوع ظريف ... و تفاعلي
تم التثبيت ^_^
فرصة نتذكر كلام جدودنا الممتع و يلي كلو حِكَم :)
بانتظار مشاركات الكل ....
-
انا رح بلش بمتل :)
المدلل مربّى ... و المربّى غالي
-
لك الشكر سناء....
...................................
جارك القريب ولا اخاك البعيد
-
بكرا بيدوب التلج ... و بيبان المرج ...
-
نظرا لعدم وجود تفاعل اطلااقا ( و لا حتى مشاركة ) من باقي الأعضاء ...
رح يتم إلغاء تثبيت الموضوع حاليا ....
و أكيد إذا صار في تفاعل .. بنرجع بنثبته من جديد ^_^
-
ذكرتنيني بموضوع الامتال
هوة المشكلة الاعضاء يمكن حابين القراءة دون المشاركة بغالبية المواضيع
وهالشغلة لها عدة اسباب...... (تم حذف الاسباب)
وهي كم متل من عندي
لو شاف الجمل حردبتو لوقع وانكسرت رقبتو
قالو للكذاب حليف.. قلون إجاني الفرج
يلي بياكل على ضرسو بينفع نفسو
الباب يلي بتجيك منو الريح سدو واستريح
يا آخد القرد على مالو بيروح المال وبيضل القرد على حالو
خنفسة شافت ابنها عالحيط قالتلو تقبرني متل اللولية بالخيط
-
يلا و هي كام مثل من عندي ...
الله ما انشاف ... بالعقل انعرف
الرجّال جنّى ... و المرة بنّى
العين .. مغرفة الكلام
إن كبر ابنك ... خاويه
^_^
-
الله يرحما للتيتا كانت ام الامتال
يسلمووو ايديك انس
صار للدبانة دكانة وصارت تسكر ع بكير
-
قلو شوجابرك ع المر قلو الامر منو
موضوع حلو كتير ياريت يتفاعلو الاعضاء معو
