أأنتِ حلبية؟؟

قلت نعم : وأعمل الكبه اللبنية والسماقية والكبه النية
وأعشق النظر إلى القلعة الأثرية.... وسماع القدود الحلبية


قالت: ولكنكم تاكلون الكبة نية ! ولهجتكم قحية ! وتشبهون وجه الفتاة بالصحون المطبخية
والكل يضحك عند سماع المسلسلات الحلبية , لما فيا من ألفاظ تخرج من الحلقية




قلت ومازال لدي من الصبر بقية
أما الكبة : فقد تعلمها منا الأكثرية ... ذلك لأنها لذيذة وشهية
ولهجتنا قحية لأن معظمها عثمانية والكل يتباها بمن له جدة تركية
اما عن تشبيه الفتاة فهذا غزل للبنت الحلبية
واذا كان الكل يضحك عند رؤية المسلسلات الحلبية
فهذا يعني أنها خفيفة الظل وتذكرنا بالأيام الأولية



سألتها : الأخت من أين ؟

قالت سورية

قلت يعني ((أهلاوية))



إذا إنت شامية
فأنتم أهل للسان ينقط عسلية ومطه للكلمة حتى يصبح آخرها منسية ... وتاج راسي عندكم جملة شعبية


وإذا إنت حموية
فأنتم أهل للشهامة وحلاوة الجبن والعيون الخضر والعسلية... وعندكم الحاضر هو الماضي والكمال في العقلية


أما وإن كنت حمصية

فأنتم أهل للذكاء والفطنة والنكتة والفزورة و ديك الجن وجمال القد في الفتاة الفتية وعند لفظكم حمص بالضمة .... تعرف الهوية


وأظنك إدلبية
أو لاذقانية
أو طرطوسية
فهل يعيبهم قول ( أشو) أو قلتلو


فالعيب في سوء الخلق وعدم التحضر والتأخر عما وصلت إليه العالمية فيا أخت من أين ما تكونين فأنا وأنتِ من سورية الحبيبة ... بلد العلم والفن والخيرات الغنية


وأبوس روحك ..... كفاكِ نقداً للهجة الحلبية

منورة أنسة سارة

مشكورة

سارة انت من وين ؟؟؟؟؟؟؟؟؟؟؟؟

آم اندارت علي وسألتني _وبى تئشه شئد بتكر هالمخلوءه هههه_ :



_ أنته من وين ؟؟ لا تئللي من "حلب" ...

_ ليش "خيت" , يما عازك وعوازك ..... اشبون أهل"حلب"؟؟

_ لا العفو , ما قصدي , "سؤال عادي" ....بس يا ريت تقللي , ليش وشك "انقلب" ؟؟

_ لا خيت , لا تواخزينا , "هلّلئ اتذكرت" , أنو "الأوادم" ما بسألوا غير عا "الدهب" ..

_ "بإنزعاج" طيب ممكن , ألغي السؤال , وتعتبر كأنه لا انسأل ولا "انكتب" ؟؟

_ اي ليش"جئ" , عئولك اش بدنا بهيك شي أقله بوصل , للملامة ,و "العتب" ..

_ ما قلتللي , اش اتغديت اليوم , "عجب" .؟؟؟

_ رجعنا لسيرة "حلب" !!؟؟؟

_ لأ ..... ؟ ليش شو صار , الظاهر هالزلمة "انجدب" ؟؟؟

_ لأنه يا خيت , سألتيني : "أش اتدولئت اليوم" ... و راي يكون جوابي : "كل ما آكل لئمة بتخيلا من طبخات حلب "

_ بعتذر عن السؤال "الظاهر الطابع غلب" !!!

_ لا تتمشئعي "يوم" , واحكي "بشويش" ويا ريت "بأدب" ....

_ طيب بعتذر "كمان" , واذا ما بتفهمني غلط .... بحسن اطلب منك "طلب" ؟؟

_ دخيل جنئ وجك , وقت بتحسن لئشك ... اطلبي , واعتبري أنه "وجب" ...

_ العفو ,.... كان بدي اسأل عن جامعة "الريدنك" , بتعرفا عنها شي "عجب" .؟؟

_ هي , عنا ب "حلب" .؟؟؟

طب لا تعصبي ... و راي ائلك .. هي بتبعد "يا خيت" عن لندن شي ساعة زمن _ هي اذا اتمشينا بالسيارة , ونحنه عبناكل عرانيص , وبنفصفص بزر اللي بالعلب _

وهاد "مترو أنفاق" راي يوصلك "مباشرة" عليها

حطي اجرك , وقولي يالله "قصدي دوسي عالرابط" : http://www.reading.ac.uk/

واذا استفدتي "خيت" , خدعتك بمحمد , لا تنسيني بطنجرة "محشي " وصحن "كبب"



( يمو عالنبي , ضللها "جمعتين" أو "تلاته" ......................... وبتفتح "الرابط" اللي شلفتلها اياه .)




هل تعلمون ؟؟؟


لقد أتاكم أجر إسعادي _لدقائق_ بعرضكم هذا الموضوع

الذي جعلني أترجل هذه "المقامة"

باللهجة التي هي ليست بالغريبة على قلبي , وروحي

لكن مؤكد بأنها باتت , غريبة على "اللسان"



تحياتي .....

عجبني اكتر شي كلامك عن البنت الحمصية الله يعطيكي العافية