ما هو فايروس العصر ؟؟؟ (موضوع للنقاش)

السلام عليكم و رحمة من الله وبركات
كيفكم يا غاليين ؟
انا مني وعلي الحمد لله تمام مافي أحسن من هيك .
أخواني واخواتي في عندي موضوع للنقاش و بظن واضح من العنوان,
ما هو مرض العصر, أو فايروس العصر, و أقصد من كلامي ما هو الشيء المؤثر على الأجيال و على الشعوب بشكل عام ويعتبر مرض لا نفع منه و هو متغلغل في أذهان شبابنا.
ممكن كل شخص منا يكون عندو فكرة بس بدنا أفكار عن الشيء يلي بدنا نقول عنو فايروس يعني أفكار توضيحية لماذا هو فايروس بنظرك .
و ممكن العضو يلي بيلاقي ملاحظة وحب يناقش فيها يناقش لنشوف بالاخر شو هو الفايروس الاكثر أنتشاراً و الاكثر فاعلية
و منتمنى التفاعل لحتى نعرف نحنا وين
مشكورين يا حضرات

أخي الكريم سيف
شكرا على طرحك هذا الموضوع

فايروس العصر !

بأختصار هو القنوات الفضائية الهابطة ! التي تنشر أفكار منحطة تدعوا الى الفتنه للأسف والتخلف !

الموضوع شيق ولي عودة له بعد قليل

شكراً لمرورك أخي خالد وأنتظر عودتك
و انا معك بأن القنوات الإباحية هي فايروس قوي و فيروس مؤثر جداً
يقال أن أحد زعماء الولايات المتحدة المنصرمين قال في خطاب له
لأدخلن الدعارة إلى بيوتات المسملين, و اظن انه فعل بهذه القنوات التي تحدثت عنها أخي
مشكور أخي بس بظن انو كمان في فايروسات قوية لا تقل فتكاً ن هذا الفايروس
مننتظر الشباب والصبايا لحتى يعطونا أرائهم

إن من اهم الفايروسات الغالبة على حياتنا هي كرة القدم و اهتمام الشباب بها
و لا أقصد الاهتمام العادي و لكن الاهتمام لحد المشاجرات
و سقوط بعض ضحاية هذه المشاجرات
و طباعة نعوات لفريق من الفرق مثل ما حدث عندنا في دمشق بعد مباراة ريال مدريد وبرشلونة الفريقين الاجنبيين الذين لا يمتان لنا بصلة
و قد شاهدت بعد تلك المباراة اشياء لا اتمنى انا يشاهدها نبي لأمته و لا معلم لطلابه
و الله كنت قد استقظت من النوم اظن قبل انتهاء المباراة ببضع دقائق و كانت المبارة في ساعة متاخرة وخرجت للعمل فكان عملي في الليل
و عندما خرجت للشارع وانتهت المبارة يا لطيف ما هذا أناس يبكون و اناس يتشاجرون و انا لم يخرجو من بيوتهم لبعد يومين او ثلاثة و أخرين أغلقوا موبايلاتهم و أنا شخص لست مهتم بهكذا أمور ولكن من اجل الفكاهة أمسكت هاتفي وصرت أتصل على الأشخاص الذين يشجعون الفريق الخاسر و أقول مبروك و ترى ردات فعل مختلفة ومنهم من كان لا يجيب على هاتفه ابداً
و عندما جلست امام كمبيوتري و قررت أنا ادخل إلى الايميل و جدت أشياء مرعبة
و احد كاتب يلي ريالي لا يهين نفسو و يطلع اون لاين
و واحد كاتب ملاحظة البرشا كسار راس الريال
طيب نحنا شو دخلنا فيهم وكل شخص منهم دافع ليتابع المباراة مبلغ يطعم عائلتين جياع على الأقل

أخي سيف ياريت الامور توقف لهون وبس


يعني هي شغلة عادية وهي هي شغلتنا احن العرب اتباع الغرب وتقليدهم


لاتنسى انا دخلنا الحرب العالمية وتحملنا كل الخسائر من دون مايكون النا فيها لاناقة ولا جمل


يعني هي صفة راسخة عنا احن العرب (( التباعية ))

فايروس العصر بالنسبة اللي هو النت أو بالاحرى ((التشات))و((الفيس)).. الخ

يعني في كتيير عرب فينا نعتبرون مدمني نت

الواحد فيون اذا ما دخل عالتشات أو الفيس ليوم واحد بتشوفو عندو حالة اكتئاب والدنيا كلا مو وسعانتو ومو طايئ يحكي مع حدى

الصراحة يا سيفو كل شي بهي الحياة اله ايجابيات وسلبيات
والمفروض أنه الأهل هن المسؤليين عن توجيه أولادهم للطريق الصح ويبعدوهم عن الطريق الخطأ

فالقنوات الفضائية والانترنت والسهر وغيره إذا ما كان تحت نظر الأهل ومراقبتهم
وتحت نظرة الدين والشرع
فأكيد الولد رح ينحرف ويتوجه للغلط

فأنا بنظري انو سوء التربية هو الفايروس
خاصة هدول الأهل اللي بيقولوا للأهلم لا تدخنوا وهم عم يدخنوا

كلامك رائع مان شي جميل جداً
وكلامك فيه وجهة نظر
مشكور على مرورك حبيب

انا براي فيروووووس العصر البطالة

والي بيترتب عليها افات المجتمع وانحراف الشباب

والعولمة واضمحلال ثقافتنا باللغة العربية

ودخول كلمات غريبة صرنا نستخدمها بدل عنها ونتباهى ونفتخر بهالشي

البعد عن قيمنا واخلاقنا


شكرا اخي سيف مواضيعك شيقة واكثر من رائعة تقبل مروري

أخي والله فيروس العصر هو انتشار الديانات الكثيرة والطوائف الكثيرة !
والدول والتعصب !

هذا هو فيروس العصر المدمر للأسف ! أميركا تتحكم بنا في هذه الأمور !

أنظر الى القنوات الفضائية كلها تتحدث عن طائفة معينة وتستضيف فلا وعلان لتصبح المشاكل والكلام والتعصب للأسف


لدي عودة بأذن الله

الله وكيكلك ما بدنا نقول فايروس العصر
لازم نقول عصر الفايروسات

لكن الانسان الذي يتقي الله يتقي كل الفايروسات
من الاعلام الى التكنولوجايا الى الفساد والفيروس الكبير الكسل الى اخره من مشاكل العصر

اسمحوا لي بالمشاركة .... انا رايي ان اكبر فيروس اصابنا في عصرنا .. والذي يلخص جميع ما كتبه الزملاء الاعضاء من تبعية والفضائيات والبطالة و.... هو الابتعاد عن الدين الصحيح الخالي من التعصب او من التفريط ....
فنحن قوم عزنا بالاسلام وذلنا ابتعادنا عنه ..... وبعتقد اذل من هيك ما رح توصل امتنا ..
والسلاام ختــــــــــــــــــــــــــــــــــــــــــــــــ ــــام

انا بايد الحميع وبراي فايروس العصر هو التاثير الغربي على العرب بجميع اشكاله

يا جماعة كل يللي كتبتو صح وما في شك منو ابدا" وبتاتا" بس انا كمان في عندي راي على هالموضوع الا وهو فايروس العصر هو الفراااااااغ
يعني كتير من شبابنا ماعندون شي يسوه فهادا الشي بيأدي الى انحلال اخلاقي بالمجتمع
يعني لو كل واحد عندو شغلة او عندو شي يملي وقت فراغو والله ما بيضل عندو وقت للتفكير بامور تانية ايكون بعيد فيها عن الامة وعن المقصد يللي اجا فيها للحياة

الله كلام صح وانا بايدك به لحكي

ألف شكر لكل يلي شاركوا معنا و مشكورين على مروركم أما بعد :
أصدقائي وأعزائي بالنهاية استنتجنا بظن انو الفايروس الاساسي هو بعدنا عن دينا يلي نتج عن امور دسا الغرب بينا متل النت و الفضائيات وا لكرة و الحديث بتعدد الأديان والملل و ما عنا شي نضيفو على هالحكي يعني عنا هالكم شغلة هن لهونا فيون ونحنا ما بنغير خلص هن هيك بدون لازم يصير متل ما بدون و الفراغ يلي عم يصير عنا لانو هن خلقوا هاد الفراغ و وضعوا بينا و نحنا ما كان عنا وقت فراغ ولا كسل بس هن هيك عودونا هلئ انو ما نعمل شي غير الجلوس والاستمتاع بملذات الحياة
و حالياً برأي انو النتيجة من هالحوار هي أنو نحنا بحاجة للرجوع للدين وبس و هاد هو الحل الاول والاخير الالتزام الديني هو الحل
مشكورين مرة تانية