مين قال البكلوريا بتقرف؟؟؟؟؟
أنا ما بعرف ليش الكل بكرهو البكلوريا والله هي مو سيئة لهي الدرجة يعني أنا من تجربتي الشخصية اكتشفت انو الها كتير فوائد
:
_ انو رح تتعلم أكتر عن نفسك و شخصيتك و تعرف شو بتحب وشو بتكره لانو رح تضل طول الوقت قاعد لحالك .. بقا ما في حل غير انو تحكي مع حالك.........
_ رح تبدأ قبل شي 6 أشهر بتطبيق دروس عملية وأول درس رح يكون "مصطلح حظر التجول "
_ رح تتخلص من الوزن الزائد و تصير رشيق ... لانو ما رح يجيك نوم ورح تسد نفسك عن الأكل دائما ...
_ ما رح تصاب أبدا بسرطان الجلد و حروق الشمس وجميع الأمراض الناتجة عن التعرض لأشعة الشمس ....لأنك ما رح تشوف الشمس طول هالسنتين ....
_ رح تشوف بحر العلم شو واسع و كبيييييييير .. لأنك رح تدرس و تدرس وما رح يخلص شي من شي ...
_ رح تنمي البكلوريا مخيلتك ..لانو رح تضل تحلم و تتمنى انو يثور بركان على جميع المراكز الامتحانية أو انو تهرب على شي محل ما يعرفك فيه حدا او مثلا يلغو شي اسمو بكلوريا و الجامعة ما بقا تضل حلم بعيد ....
_ رح تتمتع بجمال الخصوصية .. لانو اهلك رح يعطوك غرفة لحالك ويمنعو أي حدا من مجرد الاقتراب من حدودك لأنك آل يعني عم تدرس..
_ رح تحافظ على صحة عيونك لأنك رح تحلم حلم بشي اسمو تلفزيون أو كمبيوتر ...
_ رح تشعر بشعور الفقراء والمحتاجين .. لانو رح ينسحب منك الموبايل و الmp4 و ال USB وكل وسائل الرفاهية ....
_ رح يخف الازدحام المروري و يقلو حوادث السيارات .. لانو ما بقا في سواقة سيارات و تشفيط لبعد الفحص ...
_ و أخيرا إذا الله فتحها بوشك و خلص هالكابوس و صرت دكتور نفسي رح تنجح نجاح باهر لانو أثناء البكلوريا رح تكون عشت و عاينت جميع الأمراض النفسية على ارض الواقع ابتداء بانفصام الشخصية والتوحد و انتهاء بالهلوسة و الهذيان .....
ولسا بتقولو البكلوريا بتقرف ؟؟؟؟؟؟ والله ظلمتوها.......
