اسمعك كمل كلامك بعد احبك ويش قلت.....
تحسب اني يوم اطالع غيركم ما اسمعك
لاوربي مااتنهد مااتصدد ماثقلت
اسمعك واشوف غيرك واحمدلله اني معك
انت اللي طول عمري ماعرفت ولاجهلت
ضعف نفسي لين ربي في فؤادي ربعك
جيتني مثل الجنون ....يوم فارقتك عقلت
وهاك شفني بعت عقلي ...جيت بجنون اتبعك
وين افارق حبك اللي لاتركته له وصلت
وين اجمع نفسي اللي لا نثرتك تجمعك
كيف ابطلع من غرامك وانت في قلبي نزلت
كيف ابنزل دون قلب(ن) حالف الا يطلعك
اسئله واجد لو انك واحدان منها سالت
كان ماتعبت نفسك وانت تفرك بااصبعك
ايه احبك بس كمل بعد احبك ويش قلت
المهم ان طال صمتي ....ادري اني اسمعك
