للشباب والبنات أرجو التفاعل

السـ عليكم ورحمة الله وبركاته ـلام :

الموضوع عبارة عن موقف لو وضعت فيه ماذا ستكون ردت فعلك ؟؟؟

مع احترامي لاخواتكم .. لكن مجرد كلام .. !!

تخيل انه في يوم من الايام صارحتك شقيقتك وقالت لك :

انها تعيش قصة حب و اعجاب مع شاب ماذا ستكون ردت فعلك

هل ستثور وتوسعها ضربا وربما مزقتها ؟

ام انك ستتفهم الموقف وتكتم غيظك وتبحث عن الهدف من هذه العلاقة ؟

ام ستعمل على التفريق بينهما بأي وسيله وتبدأ في فرض طوق امني ؟؟؟!!!

وحصار رهيب حول شقيقتك ؟

وهل ستخبر جميع افراد الاسرة ام ستتكتم على الموضوع و تحله بمفردك ؟

ماذا ستفعل بالضبط ؟ هذا السؤال ليس موجه للشباب فقط

بل لك انتِ ايضاً اختي بما ان الموضوع يخصك وانت جزء منه ماذا في

نظرك على الشب ان يفعل في هذه الحاله ؟

اترك حوار النقاش لكم

تحياتي

يعني ليش بحل هيك مشاكل اول شي بيخطر على بالكم انتو الشباب الضرب ليش الضرب بالذات ؟؟؟

انا براي حسب البنت اذا كانت صغيرة ومشاعرها مو ناضجة بشكل كافي فهي بتحتاج لمين يوجهها سواء كان اخوها الكبير او اختها وبفضل انو ما حدى يعرف من العيلة لازم نحترم خصوصيتها يعني لو انا الشب
بحاول اتفهم الموقف كمان للبنت قلب ولازم نحترم مشاعرها
وهيك بقدر اعرف اكتر وبشكل مريح كل شي بدي افهمو عن هالشب وهيك بقدر انا شوف الموضوع بشكل عام

واظهرلها السلبيات وبصير عملية اقناعها اسهل وبحاورها متل الاطفال لادخل على قلبها واقترب منها اكتر ما بقدر

وحاورها بالموضوع وشوفها ابعاد للموضوع هي بالاصل مو شايفتها او ما بتعرفها
اما اذا التجئت للعنف ما رح يحل المشكلة بالعكس ببتعقد وبتحس حالها مظلومة ومهضومة حقوقها

وبتشعر بالحقد وبجوز تلجا لطرق غلط لان العنف ما بولد الا العنف

اما اذا كانت البنت ناضجة وواعية فهي اكيد عم تعرف شو عم تعمل ومسؤلة عن اختيارها وهاد ما بيمنع انها ترجع لاهلها واخواتها وتصير القصة رسمية بس بتضل الناضجة عم تعرف كيف عم تصرف وبتحسب حساب خط الرجعة اكيد
وانا بفضل بشكل عام الاخ الكبير لازم تكون علاقته وثيقة و حميمية باخواته الاصغر وخصوصا الاناث لازم تكون علاقة صداقة
ويشبع عند خواته كل شي بتحبه البنت مشان لا سمح الله ما يجي الغريب ويستغل هالشي

لان العلاقات بين البنات والشباب اكترها بتكون اسبابها من نقص الحنان من الاهل وخصوصا الاب للبنات

مشكور اخي عاشق موضوع جميل ومن قلب الواقع
اي وانت عاشق قلنا بكل صراحة شو بتعمل خبرنا

وانا بفضل بشكل عام الاخ الكبير لازم تكون علاقته وثيقة و حميمية باخواته الاصغر وخصوصا الاناث لازم تكون علاقة صداقة
ويشبع عند خواته كل شي بتحبه البنت مشان لا سمح الله ما يجي الغريب ويستغل هالشي

أختي سارة أنا معى رأيك ورأيك قمة العقلانية
وانا هيك ولو انو بتبع السياسة النفسية معهم لبعدهم عن الحب
لأنو بلنهاية الشب يلي بحب بنت
لازم يكون بيعرف طريق البيت
لأنو الحب مو مجرد كلام جميل وبس
وما بحب شب يستخدم أعراض الناس بس
ليسكر الفراغ العاطفي عندو
وتحياتي ألك
:z025:

انا كاتب عن نفس موضوع تقريبا اخي عاشق بي بي صيغة سؤال ويعني مهم كتير لا منتدى بسسسسسسسسسسس مالقية يعني تفاعل تقريبا من ومهم شي مقبول وغير مقبول حبيبي سبب بتعود لا محافظيين وغير محافظيين بي عائلات وهاد شي مهم تتفرع الامور الى اثبات وجود بنت وهيك اموررررررررررررر وهيك شي وبتمنى تشووفو وتجاوبني وهاد رابط http://www.mgtrben.com/portal/thread39699 على فكر هو موضوع كلو في اربع اسئلة يمكن مهمين جدا جدا لحياتنا شخصية

حبيبي غياث ألي الشرف أني شارك بموضوع
كتبو قلمك
يلا رايح على الرابط
:z023:

بما ان الموضوع يخص الشباب فقط..

لازم الشاب هو لي يجاوب على الاسئلة..في انتظار اراء باقي الشباب حول هذا الموضوع..

أشكرك اخي عاشق الوطنية على مواضيعك الرائعة..

تقبل خالص تحياتي..

شكراً لمرورك روح
:z025:

عاشق مشكور لسؤالك وبصراحة مابعرف كيف بدي جوابك
بس على ماعتقد انو مو من الممكن انو العلاقة توصل بينا للقطيعة لانو ساعة هي بتكون بعلاقة حب وانا مامعي خبر فانا وصلت لدرجة القطيعة لانو لو هي ما حكتلي عن هل العلاقة على الاقل كان لازم حس انها مخبية عني شي وادور عليه لحنى اطمن انو هالشي اللي مخبيتوا مو شي غلط.
ولو كانت العلاقة اللي بتحكي عنها حب متبادل بينها وبين شخص ثاني وعلاقة شريفة ( مشروع زواج )فلا مانع بس لكن رح الح عليهم انو الشب اللي هي على علاقة معوا انو يدخل البت من بابو وليس من الشباك مهما كان وضعوا المادي والاجتماعي فهو الشخص اللي اختارتوا بحريتها الا اذا كان في عندو شغلات ما بيتقلبها الناس بمجتمعنا وبتضر على على علاقتهم بالمستقبل فبحاول امنع هل العلاقة عن طريق الحوار مع اختى وبالضغط على الشاب باي شكل من الاشكال هذا اذا كان داخل على علاقة بشكل جدي
ومهما كان اخي او اختي غلطان ما رح اقدر اضرب او اتبع معو اسلوب غير الحوار
ارجوا ان يكون هالتعليق البسيط اوصل الفكرة اللي في راسي
وارجوا ان تتقبلو مروري وتعليقي
ودمتم

مشكور أخي ساد 4 ساد
على مرورك الكريم
شرفت صفحتي
أخوك محمد

موضوعك قيم ورائع صديقي
كل الشكر الك
انا ما بعرف اذا بئدر احكي فيه كوني بنت
بس بحب عبر عن راي اخواتي او اهل بيتي
اول شي نحنا بالبيت عنا صراحة تامه البنات مع الشباب مع ماما وبابا
تاني شي اهلي مو من الناس يلي بيرفضو الحب بس يكون بعلمهم
اخواتي ما بيتدخلو لان بابا موجود ولو صار وعرفو اي شي بوجود بابا ما بيعملو اي شي
بابا واخواتي الشباب الحمدالله متفهمين كتير عاطينا الحريه يلي نحنا محترمينها يعني بشكل اوضح عطونا المفتاح وعم يراقبونا من بعد

يعطيك الف عافيه صديقي على موضوعك المميز ورح تابع معك ردود اصحابنا
تقبل مروري

أكيد صديقتي تينا
صفحتي منورة بوجودك
وردك جميل جداً
والله يدملك البابا والماما
فوق راسك وراس اخواتك
تحياتي ألك
وميت أهلاً وسهلاً فيكي بمنتداكي
المخلص عاشق الوطنية
محمد
:z025: