قصيده كتبها واحد متعقد من المكياج تقول :
يا صانع المكياج الله يجازيك
خليتني مخدوع في شكل خلي
الله يحرق مصنعك مع مبانيك
والمعرض الموجود في حيك
ادعي عسى تعمى وتنشل رجليك
هذا دعائي دوم لا جيت أصلي
خليتني اركض ورا البنت هاذيك
واشوفها أجمل غرام ٍ حصللي
قلبي عشقها يا(عيني) توماتيك
وان شافها قلبي يرحب يهلي
هي رحبت بي وقالت الله يحييك
وقالت هلا باللي عشق زين شكلي
وقالت أنا أجمل بنت في اللي حواليك
شف حسني الأخاذ وروجي العسلّي
طالعتها ثم قلت هالقلب يبغيك
ومن شاف حسنك خلى غيرك يولي
اريد اشوفك دون مكياج يكسيك
واريداشوفك بالجمال المحلي
قالت بدك افرك الوجه تفريك
واشيل هالبودر وروجي وكحلي
قلت أي نعم قومي عسى الروح تفديك
اريد جمالك هالطبيعي يهلّي
قالت دقايق راجعه لك واراويك
ذاك الجمال اللي لعينك يسلّي
ويوم رجعت لي شربكتني الشرابيك
وحسيت الأرض تدور وأنابمحلي
الخد كنه يا(حبيبي) سيراميك
والوجه شارع مثل شارع حولي
الوجه كنه بيت كله شبابيك
من هالحفر في وجهها اللي يعلّي
كله سبب مكياجك الله يجازيك
خليتني مخدوع في شكل خلي
ونصيحتي لكل شاب من غيرتشكيك
لا لا اتسرع ثم تنغش مثلي
اللي بلا مكياج خلها حواليك
واللي تحط مكياج ...
خلها تولي
