شــــبابنا والتلطيش (المعاكسة) حصــــريآ أنــتاج ســـوري والتلطيش انواع عنا, ايمتى رح يتغيروا ؟؟؟؟
السلام عليكم ورحمة الله وبركاته
والتلطيش عنا انوع طبــعآ مو كلوا متل بعضوا
الأغاني الرائجة بين الملطشين ..
وطبعا اختيار الاغنية بيكون حسب الحالة العاطفية
مثلا
صدمة عاطفية
هاني شاكر ومطرب العلاقات
وغلـــــــــــطة
عشق وغرام حب وهيام
تامر حسني والله يباركلي فيك
اما ازا القصة فرفشة وتلطيش بالجملة
ما الهن غير فارس كرم وختيار العكازةٍ..
______
وعندك جماعة العين بصيرة والايد بصيرة
وهني الأغلبية يلي كاسحين السوق كسح
هدول بيمشوا وبيوقفوا وهني عم يغمزوا ويلطشوا
ومن اهم اقوالن المأثورة:
لك على رمشي السابو بيمشي..
ولي على بعضي
لك اول مرة بشوف قمر ماشي عالارض
أي والله حقك ترفسي القمر وتعدي محلو وتلفي رجل على رجل...
_________
وفي شباب التلطيش عندن هواية لا اكتر ولا اقل
وهدول ما بيقصدوا اماكن تجمع الصبايا وما بيفكروا يلحقوا أي بنت اصلا
بس ازا صادفتن وحدة
بيقوموا بواجبن على اكمل وجه
مثلا واحد واقف على باب محلو
بتمر من قدامو بنت لابسة ومترتبة
مابيقصر وبيطلع هالمحورئ بطرف عينو بجارو وبيقلو
شووو جاااااااااار رخصان اللحم والا غليان القماش..
وازا مرت من ادامو بنت محجبة بيقلا
عزمك عالحج وازا فئست مننزل عالمسبح..
اما ازا كانت لابسة برمودا بيقلا
لك تؤبري قلبي شو جايه تشطفيلنا المدخل..
وازا مروا اداموا مجموعة من الامورات
فبيقول
لك الله لا يفرق بيناتكن
تتجوزوني انتو الأربعة
والله الشرع ما بيحكي شي
.
_________
وفي عنا مجموعة الملطشين يلي بيخترعوا جمل وعبارات للتطليش
عباراتن ما فيا غزل بنوب
بيخترعوا من باب الغلاظة والتئرييئ ليضحكوا الشباب اللي معن
حتى ينالوا لقب((يااااي شو مهضووم))
شو رايك تتجوزيني عندي بسكليت بكتبلك الدواسات مقدم والدواليب مأخر
(يئئئطع عمرك)
وازا شاف بنت ماشية ومستعجلة بوقف بوشا وبيقلا
ياا انسة ياا انسة
ماااعرفتيني
انا فارس
فاارس احلااامك
(هه هه هه)
وازا كانت ماشية ومعا ولد صغير بيلحقا وبيقلا
هاتي الولد من ايدك احسن ما اخدو بالمحاكم هه
(كه كه كه)
وازا كانت عم تتصل من تلفون بالطريق
تلفون عمومي يعني
بيقرب بغلاظة وبيقلا
ازا حدا دقلي قوليلن انا ماني هون..!
________
وفي تلطيش بيسموه البنات تلطيش تعجيزي
مثلا
بيكون ماشي بنتين بيمرئ شب وبيقول
احلى وحدة فيكن يلي ماشية بالنص
!!
او
الذ وحدة فيكن التالتة يلي عاليمين
!!
وبيتركن صفنانييين
__________
فيما يلي نورد اليكم بعض مصطلحات الشباب في التلطيش:
شلخة:جميلة جدا
شقفة:جميلة لكنها اقل درجة من الشلخة
تحشي تحشي: انتبه فربما شقيقها او والدها قادم
بااربي:الجمال المرتبط بالرشاقة
بنت خاروف:انها ثرية قابلة للاستغلال المادي
خورفا: أي استغلها ومشي الحاال
وبعتزر ن اعضائنا ازا مافهمتو كل الموضوع لانو حكي شامي بحت
هههههههههههههههههههه
وفيه تلطيش من النوع الاستخفافي مثلا
اذا شافو بنت لابسة سبورت (رياضي ) بيئلا يئبرني الرياضة والرياضيين لاجلك لك تطلعي على ئبري جري
واحيانا بيئول يي هادا انتي تاخرنا الي ساعة عم استناكي هي اخر مرة بطلعك رياضة هههههههههه
وفيه كتير وكتير مع تحياتي
