يوميات المحروسة لطيفة (كتير بتجنن)

طبعا هون رح اسرد يوميات المحروسة لطيفة

طبعا راق لي فاأحببت تشاركوني

لانو عنجد حلوة كتير وبتفلت ضحك تابعوني

عنجد متل لهجة السورية مافي

تابعونا


الام : ولك لطفية يا لطفية .. وينك ولي الهي يعدمني ياكي ان شاء الله http://albailassan.com/vb/images/smilies/rami5.gif

البنت : الي ليكني يامو خير اؤمريني

الام : روحي اكنسي الارض اوام قبل ما يرجع ابوكي .. يلا ع السريع لشوف http://albailassan.com/vb/images/smilies/rami23.gif

البنت : اي امرك

لطفية عم تتوتت لحالها : اي العما شو هالعيشة هي لسه شطف و طبخ و نفخ http://albailassan.com/vb/images/smilies/rami4.gif لك ايمتى اتزوز و اخلص من هالسجن بئا

اشششششش....تششششششششش...اشششششششش .....تشششش http://albailassan.com/vb/images/smilies/rami26.gif(صوت المكنسة القش عم تكنس الارض ومع دلء سطل المي على الارض)
الام: استعجلي لك امي...ما بقا الا يجي ابوكي...

البنت : طولي بالك عليي لك يا مو...من وقت تلوع السمسات وانا ما عم اهدا... http://albailassan.com/vb/images/smilies/rami4.gif

الام : يلا خفيها...وبلا كتر حكي.....شهشلي اوام... http://albailassan.com/vb/images/smilies/rami5.gif

البنت : امرك يامو على راسي

طرررررررررررق طررررررررررررررررررق... http://albailassan.com/vb/images/smilies/rami6.gif

البنت وهي تمسح ايديها وكفيها على جوانب خصرها بفستانها المرفوع بزنار كي لا يتسقسق بماء الشطف

البنت بصوت عالي : ولك مينو هاد؟؟؟؟؟ http://albailassan.com/vb/images/smilies/rami26.gif

الصوت من وراء الباب : السلام عليكم...نحنا خطابين لك اختي.... دلونا قال عندكن بنات للخطيبة

بتركض الام من اربعتا على الباب وهي عم تقول لبنتها : روحي روحي ولك لطفية اوام زهزيلي حالك
وتفتح الباب الام : لك اهلين وسهلين بهل آمة وهل عين...تفضلي لك اختي تفضلي...]

وتدخل ثلات من النساء واحداهن تقول بابتسامة صفراوية تتبعها رمقات للام من فوق لتحت : اهلين تؤبشيني ]

مووه مووه .. مووه مووه ...( حزفت بقية بوسات النسوان حرصا على عدم الاطالة...بتعرفو بوسات النسوان ما بدو مين يحكيلكن)

الام بينها وبين حالها ( ولي على امتك شرأتيني من فوقي لتحتي..اسم الله حولي وحوليي من عينك)

تفضلو تفضلو لجوى على الديوان....والله القعدة بارض ديار انشط واحلى...و هالوردات مفتحين بتعرفو حاكم الجو هلأ بيجنن

وحدة من النسوان تقول بنعومة : اي والله شايفة لك اختي..الله يسترنا من نار جهنم....شي شوب نار...حما الله وكيلك...كش برا وبعيد ...

ترد التانية عليها : اي والله لك اختي..(ثم تنظر الى فيء شجرة بجوارها وتقول ) بس فيء هل شجرة كتير ظريف تؤبشيني...مفيمة على الديوان كلو....تسليم الله والنبي

وهن يتحاورن بموضع الشمسات والشجرات تدخل الفتاة لطفية...وهي تحمل صينية القهوة مع كاس من الماء البارد...
ومن ثم.. http://albailassan.com/vb/images/smilies/rami112.gif

يتبع http://albailassan.com/vb/images/smilies/rami1.gif

لطفية( عم تكفر بالعبري) http://albailassan.com/vb/images/smilies/rami5.gif ينعن ابو هل الشغلة كل يومين التالت بتنطلي شي أم صطيف ..شي أم اربعة واربعين ..شي أم بريص http://albailassan.com/vb/images/smilies/rami23.gif

وركدي يا لطفية..سسوري شعراتك....تبرفني...لبسي كعب اي و الله رح يطئ ضهري..مشان 10 سانتي اي و الله ألله ما قالا ! http://albailassan.com/vb/images/smilies/rami7.gif

وعدي تزكري تعليمات الست الوالدة الله يحفظها http://albailassan.com/vb/images/smilies/rami21.gif

اوعك اوعك ها...تطفطفي قهوة .. بيحكو عنك شرنة http://albailassan.com/vb/images/smilies/rami2.gif

بتلبسي احلى واعة على بدنك..يفضل جلد النمر...و كل ما كان محزئ و ملزء مكسم و شافف بتزيد علاماتك و فرصة اللحاق بالقطار:

بتنفشي شعرك سواء كان شعرك طويل قصير او صلعة ما بتفرء .. و لو بتحطي شي بروكة شقرا بيكون احسن http://albailassan.com/vb/images/smilies/rami3.gif

ازا اجو على غفلة و مالك متحممة بتغطسي بانينة البارفان :19:

ازا سمرة بتحطي مبيض لتبيضي..ما بدنا الناس تئول انو بنتنا حلوة بس سمرة ! http://albailassan.com/vb/images/smilies/rami6.gif

بتعلمي حالك مستحية غصبن عنك ...ما عنا بنات قاتلين حالون ع الزوازة http://albailassan.com/vb/images/smilies/rami23.gif

بعدها لطفية فاتت لعند الجماعة .....بعد ما راجعت تعليمات الست الوالدة وهي عم تتمايل وتتمايع ......ورجليها رجل رايحة يمين ورجل رايحة شمال

يتبع http://albailassan.com/vb/images/smilies/rami112.gif

شو رئيكن اكمل القصة ولا لاء

اذا عجبتكن ردو مشان اكمل

لسا في احلى طبعا :z023:

هههههههههه معا حق هاللطيفة .. مسلسل حلو رورو

انا متابعة مافي شي وراي

...

الله يساعدها ها لطفية .......... بس دخيلك الحلقة الجاية ايمتى؟

اهلين فيك دمعة شكلك اندمجتي بالقصة تابعينا خيتو

شكرا على مرورك دكتور فاااادي طبعا اليوميات كل يوم رح انزل قصة

والقصة بتحلى مع حلقات الجاية اكتر

تابعونا لاتفوتوها

ام صطيف : يو تؤشيني...خجلانة.؟؟؟

ام اربعة و اربعين : تركيها تقبريني....شوفي شلون جلد وشها رح يهر من الخجل....

الام : اي والله يا جماعة بنتي كتير خجولة...لا عندا لا فوتات ولا طلعات تؤبش قلبي

ام بريص : اي واضح واضح تشكلي اسي...ونعم الترباية..... http://albailassan.com/vb/images/smilies/rami1.gif

كرع كرع كرع......كرع كرع كرع ( صوت كرع القهوة ) http://albailassan.com/vb/images/smi...20%2889%29.gif

ام صطيف : ان شاء الله دايمة القهوة...

الام : تسلميلي انشاء الله صحة وهنا...

يتغامزن الاخوات الثلاثة ثم تقول كبيرتهن ام اربعة و اربعين : ياريت تناديلنا الامورة من جوا http://albailassan.com/vb/images/smi...%20%284%29.gif

الام : اي من عيوني....( ولسا ما خلصت الام جملتها بتنط لطفية)

لطفية : شو يامو ناديتيلي http://albailassan.com/vb/images/smilies/rami9.gif ( وهي ماسكة ايديها وراخية بنظرها على الارض...قال تقبروني خجلانة ) :10:

ام بريص : قربي تقبريني لعندي قربي شوي :10:....يسلمولي هل شعرات يلي هادلين على كتافك متل ما بيهدل الشلال بالوادي

لطفية : اخخخخخخ.... http://albailassan.com/vb/images/smilies/rami17.gif

ام بريص : يو تقبريني ما تاخزيني علق شعرك باسوارتي الدهب http://albailassan.com/vb/images/smi...20%2811%29.gif

لطفية : مو مشكلة خالة :80: ( قال عندا دهبات يعني...يبعتلا حما هي واسوارتا....هي حركات خطابين....انا يلي بعرف...بدها تشوف ازا كان شعري شعري ولا حاطة باروكة....يو تتأمعي الهي) http://albailassan.com/vb/images/smilies/rami23.gif

ام صطيف: تعي تعي حبيبة قلبي تعي عدي جنبي انا:...شحني مو حاطة لا اسوارات...ولا حتى عقدي شيت الخمس متار ...حاكم الله وكيلك يا اختي ام لطفية ابن عمي منبه عليي ما اطلع وانا مشكشكة بالدهبات والالماس http://albailassan.com/vb/images/smilies/rami21.gif.....حاكم يقبرني بخاف تطرقني عين...لا سمح الله....حنون يقبرني.. (تتغما بعيونها شوي بغلاظة ثم تتابع)
يوه..!!....شبكي يا امورة...يلا تقبرني لطفية...عدي جنبي عيوني انتي

لطفية بتبتسم وبكل هدوء بتروح بتقعد جنبها ( من وين رح تعمليني حبيبتك وروحك...ناقص تعمليلي بالحكاية مجنون ليلى كمان..يا حبيبي على كولكة النسوان...ما بتخلص...شو بحبو يمسحو جوخ

الام عم تتطلع وهي ساكتة وعم توزع ابتسامات كنا كن يلي عم يعمل دعاية معجون سنان http://albailassan.com/vb/images/smi...20%2891%29.gif( هلا بدها تفهمني انو جوزها ملان وممتلي....انا شو بدي بجوزها...تنباع بالعزار هي وهو....انا بدي اعرف وضع جيبة العريس...يوووووو تتحورء)http://albailassan.com/vb/images/smilies/rami23.gif

يتبع ...

هههههههههههه ولي على حكي النسوان :z025:

متابعة

...

لطفية مستحية ..و هي عم تجاوب على أسئلة اللجنة بصوت ناعم ..وابتسامة زغيرة من دون ما تفتح تما مشان ما يبينو سنانا الفرئ http://albailassan.com/vb/images/smilies/rami12.gif

و الله سشورتلكن الغرة و لفيتا ع السريع ....كل ماسألوا سؤال بتئول...:ايه...مزبوط خالة ... وبتهز راسا بتقوم بتنهز معو الغرة..كلياتا سوا:

وهنن عم يحكو مع الست ام لطفية عن المستشفيات وارتفاع سعر المازوت و غلاء السكن ... لطفية فجأة نطت

يييي عليكي يا لطفية و على هالنسوة نسيتي تحطي العدسات الخضر http://albailassan.com/vb/images/smilies/rami17.gif..عجبكن هلا طاروا الزباين ..عفوا قصدي طار نصي الحلو..!

اي و الله مليت من هالسيرة..على تعي عدي حدي و فرجيني شعراتك و جيبي القهوة http://albailassan.com/vb/images/smilies/rami23.gif

ما بيعرفو انو الدنيي تغيرت وصار لازم يجيبو معون البضاعة ( العريس طبعا ) لحتى اعملو معاينة http://albailassan.com/vb/images/smilies/rami12.gif

انشالله يطلع دئنو متل هداك الولد يلي كنت حبو ايام المدرسة ..و ألو سكسوكة مدحت و انف دياب

اي و الله انا كمان ما خليت حدا من شباب الحارة يسلم من شري http://albailassan.com/vb/images/smilies/rami9.gifقصدي من جمالي الخلاب http://albailassan.com/vb/images/smi...20%2815%29.gif

و يا ما طلطلت عليون من هالشبابيك واعدت بالكافيتيريات و شي ع الباب نتبادل النظرات الحب و الاعجاب http://albailassan.com/vb/images/smi...20%2843%29.gif

اي يبعتلن حمى و لا واحد عندو شجاعة ليعترفلي بحبو http://albailassan.com/vb/images/smilies/rami4.gif

معئول شو صايريين شباب هل الجيل بيستحو http://albailassan.com/vb/images/smilies/rami23.gif

يعني لازم البنت تروح ركد لعندون و تقلون الكلمة السحرية

و الله ما خليت و احد ما طبئتو ورقم موبايلي شحو كاتبتو على شباك غرفتي

ولك ازا خايف ع الفواتير لا يتصل يعمل مس كول بس .... انا برجع اتصل فيه

مزوئة انا مع المحبين حرام اكسر بخاطرون شو ما عندي اخوات شباب انا... http://albailassan.com/vb/images/smi...%20%289%29.gif

مين رح يصحلو هالجمال والعيون الخضر او الزرق او البنفسجي ..كيف لكن...انا لطفية مو حيا الله

يتبع...

ما تبلا اللهجة السورية .............. و الله احلى لهجة .............. مشكورة رورو ............. عم نستنى بقية الحلقات .......... لا تتأخري علينا

:z027: يلا كملي متابع أختي رورو

تاريها مو قليلة هاللطفية .. متابعة انااا:z025:
...

اقتباس:

---

المشاركة الأصلية كتبت بواسطة anadoctorfady

ما تبلا اللهجة السورية .............. و الله احلى لهجة .............. مشكورة رورو ............. عم نستنى بقية الحلقات .......... لا تتأخري علينا

---

اهلين فيك وشكرا كتير على متابعتك فعلا احلى لهجة

نورت والله

اقتباس:

---

المشاركة الأصلية كتبت بواسطة En.Khaled Alfaiomi

:z027: يلا كملي متابع أختي رورو

---

اهلين فيك خااالد اي تابع لسا في احلى :z027:
شكرا كتير على متابعتك تحياتي لك

اقتباس:

---

المشاركة الأصلية كتبت بواسطة دمعة فرح

تاريها مو قليلة هاللطفية .. متابعة انااا:z025:
...

---

اي والله ماهي سهلة لكن هي لطيفة مو حيا الله :z027:
شكرا على متابعتك ردمعة فرح نورتي صفحتي

بهالاثناء لما لطفية بتندب حظها و ماضيها المشرف مع شباب الحارة http://albailassan.com/vb/images/smilies/rami16.gif

بيلمع طرف عين ام لطفية و هي عم تبتسم هديك الابتسامة المفششة تفشاية ..!!!


ام لطفية : بالله و بلا صغرة المحروس إبنكون شو بيشتغل ؟؟!!!...


أم اربعة واربعين : يؤبر ئلبي إن شاء الله ،، هادا يا أم لطفية خانم ،، إبنا ( ابو الروض ) على سن و رمح ، عندو عرباية وببيع فستق و بزر و بوشار ، بنص الطلعة تبع سوء الجمعة ،، يعني بأيدو مصلحة بتأص الدهب أصصصص !!!...


ام لطفية : - و عيونها طالعة متر عن وشها -http://albailassan.com/vb/images/smilies/rami26.gif بياع فستق ( تروح عينو !!!...)، أيه أنعم و أكرم و الله !!!..


أم صطيف : هو صحيي ما كمل دراستو ، و طلع من صف السابع ،، بس يشكل آسي ، فتح و زكي ، و بيفهم بالأصول !!...


لطفية: - عم تحاكي حالها - ( كمان مو دارس ،،، يا حبيبي .. يا حوينتك يا لطفية!!!...)

ام لطفية: اي و الله ،، هو مبين من ركازتكم أنكون عيلة بتفهمو بالأصول و الواجب http://albailassan.com/vb/images/smilies/rami16.gif ( ماحدا بيأول عن زيتو عكر !!!.... )
و بترجع بتكمل ام لطفية حديثها ...
وويعني مشان السكنة وين ؟؟؟!!!.. و لا لسا مو حاسبين حسابكون ؟؟!!...

أم بريص : ( و الله ما بدكون إلا سكنة لحالها كمان http://albailassan.com/vb/images/smilies/rami28.gif!!.. على شو يا بعدي على هالطول الفارع ..،ولا على هالشعر المنكوش .. ولا على هالعيوني الحولة http://albailassan.com/vb/images/smi...20%2857%29.gif و لا على هالأنف يلي متل أنزوعة غطى الطنجرة !!!!....) لااا ، يوه معئول ما نكون عاملين حسابنا على السكنة !!!!...


أم اربعة و اربعين : و الله يا ام لطفية خانم بتعرفي شلون أسعار البيوت هالأيام ، يعني الله يكون بعون الشباب يا حق !!...http://albailassan.com/vb/images/smilies/rami11.gif


ام لطفية : أميييين !!!.. شايفة شايفة و الله الشباب مالون عرفانين وين بدون يروحو بحالهون .... http://albailassan.com/vb/images/smilies/rami17.gif


أم صطيف : مشان هيك ساوينالو غرفة على الأسطوح ،، بالبيت العربي عنا ... http://albailassan.com/vb/images/smilies/rami28.gif
و ازا الله يسر بدنا نكملو حمام صغير بشئيت الغرفة !!!....
و بيستعملو المطبخ تبعنا نفسو ، يعني الطبخ مالو سألة ،،، و لا أنتي إلك فكر تاني ؟؟!!!!...


لطفية : - كمان بينها و بين حالها - ( يووو يبعتلو حمى يلي دلاكون علينا !!!....) http://albailassan.com/vb/images/smilies/rami5.gif


ام لطفية : أيوووووووه ،، يعني السكنة معكون ،،، و بغرفة عالسطح ،، و الله ما بعرف أبو لطفية شو رح يكون شورو بهالموضوع .... http://albailassan.com/vb/images/smilies/rami26.gif

يتبع ..

و بعد ما بلشت المناورات و الحديث عن العريس المصون و مواصفاتو الجزابة ( يؤبش قلبي ابو الروض )و بهالاثناء لطفية عم تسمع و تلطم ع خدها من القهر http://albailassan.com/vb/images/smilies/rami17.gif

ام صطيف: هو بصراحة يا اختي ام لطفية اخي مصمدلو قرشين ناوي يفتح فيون بيت .. بس بتعرفي هلأ البيوت سعرها كتير غالي .. فبدو كمان كم سنة لحتى يجمع حق البيت

ام لطفية : اي اي معك حق اختي .. الله يعطيه العافية و ينولو يلي ببالو .. بس ما شاء الله حولو و حواليه شكلو شغيل كتير لحتى قدر يطالع حق بيت من ورا عرباية فستق http://albailassan.com/vb/images/smilies/rami26.gif

ام بريص: ( رح تطرقلي ياه عين ولي على امتها..قل اعوذ برب الفلق http://albailassan.com/vb/images/smilies/rami23.gif) اي ما شاء الله ولا قوة الا بالله...يؤبر قلب اختو....اخي تعيب ياست ام لطفية ...من الشغل للبيت ومن البيت للشغل...ما عندو طلعات هيك وهيك الله يرضى عليه ويوفقو..

ام صطيف : اي كمان اختي واحد صرلو هديك الحسبة بالمصلحة .. اكيد بدو يطالع حق بيت ..

لطفية عم تحكي مع حالها : هديك الحسبة .. ( العما بقلبو العما ) .. ليش اديش عمرو المحروس http://albailassan.com/vb/images/smilies/rami26.gif

ام لطفية و كأنها قاعدة بنص قلب بنتها : ليش اديش صرلو المحروس بهالشغلة .. الله يوجهلو الخير الهي..

ام اربعة واربعين: بدك تقولي شي 30 سنة يعني .. ما شاء الله حولو شغيل ريتو يشكل آسي الهي .. من لما كان صغير كان حابب هالمصلحة ويضلو ينئ فوق راس ابي لحتى يجيبلو العرباية .. يؤبش قلبي الهي..

ام لطفية : 30 سنة .. http://albailassan.com/vb/images/smi...20%2873%29.gif ( تروحو دحكلة الهي ) .. شو باينتو العريس من اول ما وعي على الدنيا و انتو حاطينو بهالمصلحة.

ام بريص وهي عم تضحك ضحكة صفراوية هي هي هي هي http://albailassan.com/vb/images/smi...20%2872%29.gif : يحرء حريشك يا ام لطفية شو دمك خفيف ....شو من اول ما وعي على الدنيي...ما قلنالك انو طلع من صف السابع من المدرسة....قلنالك ولا ما قلنالك....؟؟؟....قلنالها ولا ما قلنالها يا صبايا http://albailassan.com/vb/images/smilies/rami26.gif

الجمع : قلنالها لك اختي...قلنالها

ام لطفية و علامات الاستعجاب باينة على وشها http://albailassan.com/vb/images/smilies/rami28.gif : ليش المحروس اديش عمرو بلا زغرة...؟؟؟!!!!

ام صطيف : يعني بدك تقولي فات بالاربعين هلا.....والله مي متاكدة...مدري هلا مدري قبل بكم سنة...والله العمر ما عاد فيه بركة يا جماعة...شو هل حكي...اي ما عاد فيه بركة بنوب بنوب

لطفية http://albailassan.com/vb/images/smi...0%28142%29.gif( يو تتقوصو.. ..شو شايفيني عوكة ولا ناقصة ايد ولا رجل لا سمح الله لحتى بدكن تجوزونا رجال اد ابي .....تروحو فرم ....يا حوينة السسوار...والله كان حقو مصاري)

ام لطفية (سكنة باسطوح و عريس ختيار....شو شايفيني عم دلل على بنتي بسوق الجمعة انا) http://albailassan.com/vb/images/smilies/rami5.gif

يتبع ..

انا مو موافقـــة شو هاااد :bomb:على أساس عريس لقطة يعني :wheelchair:

يلي يشوفك دمعة فرح على انك انتي لطيفة شكلك اندمجتي بالقصة كتير وصرتي تتخيلي انتي مكانها :z027:

وبعد المناوشات و المناورات رحلت كل من الاخوات ام بريص و ام اربعة واربعين و أم صطيف على امل انو لطوف ست الحسن و الجمال توافق على ابو الروض على سن و رمح

أم لطفية : يتقوصو الهي هنن و هيك عريس .. ليش شو مفكرين بنتي بايرة ولا شو http://albailassan.com/vb/images/smilies/rami5.gif

لطفية : اي شو بدك فيون يامو .. اي انا لو توقع السما ع الارض ما باخدو لهالمقصوف الرقبة .. لك انا لطوف يلي كلي دلال و جمال آخود واحد اد ابي .. اي ما حزرو

أم لطفية : لك تؤبشي قلبي انتي شو حلوة .. طالعة لامك .. اي والله والله ما رح جوزك الا العكيد ابو العز .. تشكلي آسي الهي .. انتي بيلبئلك عكيد يشكلك بالاساور و الدهب

لطفية مستحية لك يامو شو عكيد ما عكيد .. انا ما بدي لا العكيد و لا ابو الروض .. انا بدي اتزوز عن حب http://albailassan.com/vb/images/smilies/rami9.gif

ام لطفية : حبك برص الهي http://albailassan.com/vb/images/smilies/rami28.gif.. وليك لطفية ما تكوني شايفتيلك شي شوفة يا مقوصة..؟؟؟ .. والله بسابع سماه لو اسمع انك عاشئتيلك واحد لخلي ابوكي يحرمك من شوفة عتبت الباب .. وخلي اخوكي شوكت يئتلك بنص الدار و يجرك من شعراتك

لطفية : لك شو شوفة ما شوفة يامو .. ليش اخي شوكت عم يخليني اطلع من البيت http://albailassan.com/vb/images/smilies/rami17.gif .. اي من لما شاف مدحت ( يؤبر قلبي مدحت هو و غمازاتو ) يتحركش فيني ( اي يسلملي هو والحركشة تبعو ما احلاها http://albailassan.com/vb/images/smilies/rami9.gif) حرمني شوفة الباب

ام لطفية : شبكي عم تحكي هيك تضربي انتي و مدحت معك .. يلا اوام روحي غيري اواعيكي وتعي ساعديني بالغدا

لطفية : اي انتي شو وراكي غير تحكيلي تعي اعملي هيك وتعي اعملي هيك .. شو هالعيشة يا http://albailassan.com/vb/images/smilies/rami5.gif

طج طج طج طج ..صوت الباب عم يندقhttp://albailassan.com/vb/images/smilies/rami6.gif

ام لطفية : ولك لطفية .. لطفية .. يا لطفية .. لطفية وجع الهي وينك ولي

لطفية : اي ليكني يامو شو في ؟؟

ام لطفية : روحي شوفي مين ع الباب ..

منوووووووووووووهااد .. لك منووووووووو هااااااااااااد ..

زييييييييييييييق ( صوت فتحة الباب )

لطفية : لك هادا انت .. لك شو جابك لهون . http://albailassan.com/vb/images/smi...0%28131%29.gif

نصار : لك ايه انا .. لك ايه ايه انا http://albailassan.com/vb/images/smilies/rami1.gif .. ما عاد فيني صبر يا لطفية ماعاد فيني صبر

لطفية : لك يوه ولاك نصار .. روح هلأ روح :.. والله اذا اخي شوكت شافك هون والله ليدبحك ويشئفك

نصار : بااااااااااااااااطل عل رجال ... شو هالحكي .. اخوكي شوكت هيك بدو يعمل فيني .... لك أأاااخ أااااخ بس لو ما كان أخوكي بس .. http://albailassan.com/vb/images/smi...%20%287%29.gif

لطفية : ولك نصار روح من هون عم قلك ..

يتبع ..

أم لطفية ( من جوا البيت ) : لك شوعم تعملي على الباب ولك لطفية .. مين يلي ع الباب

لطفية : لا يا مو لأ .. .هادا زبال الحارة أبو حدو قال بدو الزبالة من عنا

نصار : زبااااااااااااال http://albailassan.com/vb/images/smi...0%28110%29.gif.... لك زباااااااااااال يا لطفية زبااااال .. لك أخخ اخخخخخخ http://albailassan.com/vb/images/smi...0%28129%29.gif

لطفية : لك يالله روح من هون بقا روح .. شو بدي أعمل انا يعني ..

نصار : بحبك يا لطفية بحبك .. http://albailassan.com/vb/images/smi...20%2834%29.gif .. بس بدي أعرف هادا أخوكي شو بدو مني ايه ما بخلي حدا غيري ياخدك لو تطبق السما على الأرض

لطفية : لك يوووه http://albailassan.com/vb/images/smi...20%2857%29.gif.. يا فضيحتي لك ليكو أخي شوكت جاية من راس الحارة مع المختار أبو فهمي .. يالله ولك نصار امشي من هون أمشي..

نصاار : (وهوعم يصرخ بأعلى صوتو ) ايه خليه يشوفني .. وخليه يواجهني أخوكي هلي عاملي حالو رجال ... وينو .. لك وينووووووووووو .. اتركوني عليه ... ولك تركوني عليه http://albailassan.com/vb/images/smi...%20%288%29.gif

لطفية : ولك يا اجدب وطي صوتك .. بدك اخي يموتني http://albailassan.com/vb/images/smilies/rami4.gif

نصار : اي فشر http://albailassan.com/vb/images/smilies/rami5.gif يلمس شعرة من شعراتك الحرير وانا هون .. لك لطوفتي ارحميني بوسة بس بوسة

لطفية رح تدوب من الخجل :يووووه نصار بلاه هالحكي .. ولك انئلع من هون تضرب . الليلة تعا جنب شباك غرفتي و منحكي شوي

نصار : لك دخيييييييييييييييييييييييييييلو انا.. دخيلو الخجلان ريتو يؤبرني و يطلع ع ئبري بالكعب العالي .. ابوس روحووووووووو انا http://albailassan.com/vb/images/smi...20%2839%29.gif

شوكت من بعيد : ولك نصار يا ... http://albailassan.com/vb/images/smilies/rami5.gif - مسبة مشفترة - شو عم تعمل حد البيت

و فززززززززززززززز بيهرب نصار ( الهريبة تلتين المرجلة )

و لطفية شو رح يصير فيها يا ترى http://albailassan.com/vb/images/smilies/rami7.gif

يتبع..

ياجماعة وينكم حابة اشوف ردودكم حتى اعرف انكم متابعين والله القصة بتجنن صح كلامي دمعة فرح :z09:

عم تسألي دمعة فرح !!!؟ .. ماتكمليييي انا عم استنى
انا متابعة كملي لنشوف شو تعمل هاللطفية .. ولا مابدك تكمليا مشاني :z09:
...

ولييييي وقع قلبا لطفية وهريببببة لجوا

رورو لكن مابدك اندمج بالقصة لازم اندمج واعطيكي ردود افعال :z027:

كملي كملي لقلك وجيبلي صحن بزر معك لا تنسي

...

يلا رورو حرقتلي دمي

وين الباقي

ولا راحت لرمضان الجاية بالجزء2

الله يكون بعونك يا لطفية

مشكورة رورو

دمتي بخير

اقتباس:

---

المشاركة الأصلية كتبت بواسطة دمعة فرح

ولييييي وقع قلبا لطفية وهريببببة لجوا

رورو لكن مابدك اندمج بالقصة لازم اندمج واعطيكي ردود افعال :z027:

كملي كملي لقلك وجيبلي صحن بزر معك لا تنسي

...

---

رح اكمل مشان خاطر عيونك

اي اي جيبي بزر لانو القصة كلمالها عم تحلى لسا فيو اكشن :z027:

اقتباس:

---

المشاركة الأصلية كتبت بواسطة ****** FOR EVER

يلا رورو حرقتلي دمي

وين الباقي

ولا راحت لرمضان الجاية بالجزء2

---

لاعاش مين يحرء دمك ولووو مان فور ايفر اكيد رح اكمل

اهم شي لقيت متابعين وعنجد بتشكركم كتير عالمتابعة

تحياتي لك

اقتباس:

---

المشاركة الأصلية كتبت بواسطة السكون

الله يكون بعونك يا لطفية

مشكورة رورو

دمتي بخير

---

شفت شلون انس الله بيكون بعونها شكرا على المتابعة تحياتي

نصار فز و هرب و لطفية واقفة ع الباب عم تندب حظها لانو شوكت شافها معو http://albailassan.com/vb/images/smi...%20%285%29.gif

لطفية: لك الله لا يوجهلك الخير يا نصار http://albailassan.com/vb/images/smi...20%2819%29.gif

و تفز ركد لغرفتها و تقفل عليها الباب

شوكت فات ع البيت و هو معصب و عم يجعر بأعلى صوتو ..

شوكت : لطفية .. ولك لطفية وجع الهي .. افتحي الباب احسن ما اكسرو فوق راسك

ام لطفية : شوفي يامو شبك عم تصرخ يا بعدي..؟؟!!

شوكت : لك يامو بنتك بدا توطي راسنا بالارض .. لك انا شوكت دراعو اليمين للعكيد ابو العز ودراعو الشمال للمختار ابو فهمي ...لاقي اختي واقفة ع الباب مع نصارhttp://albailassan.com/vb/images/smilies/rami5.gif .. نصار ولك لطفية نصار .. آاااااااااااخ بس آااااااااااخ

ام لطفية : صحيح هالحكي ولك لطوف .. لك ريتني ائبرك الهي ..افتحي الباب يا شرشوحة افتحيه

لطفية عم تبكي و تتمسكن http://albailassan.com/vb/images/smilies/rami4.gif: لك يامو والله ما ساويت شي .. نصار كان عم يسأل عن ابي بس .. صدقيني ما عملت شي ..

شوكت : ولك لطوف http://albailassan.com/vb/images/smilies/rami5.gif مفكرتيني اجدب ما عم شوفك كيف بتطلعي عليه .. العما بعيونو العما .. انا بفرجيه لهالـ ( #$%#^$@# ) http://albailassan.com/vb/images/smi...0%28110%29.gif - سبة مشفرة -

لطفية : دخيلك يامو دخيلك احكيلو ما يعمل شي بنصار .. والله الزلمة اكابر وما عمل معي شي

أم لطفية : اكابر قلتيلي ما .. اي الله لا يوجهلك الخير على هيك عملة

الام و هي عم تخاطب شوكت ابنها المدلل : لك خلص يا ابني خلص بئا مو ناقصين وجع راس .. تعا تؤبشني حطلك لقمة تاكلها

شوكت : نفدتي هالمرة يا مقصوفة الرقبة http://albailassan.com/vb/images/smilies/rami5.gif.. بس انا بعرف كيف ربيه لنصار http://albailassan.com/vb/images/smi...20%2859%29.gif.. ما رح اتركو يهرب من ايدي .. رح قطعو شئفة شئفة .. وما بكون شوكت على سن و رمح ازا ما عملت هيك http://albailassan.com/vb/images/smi...%20%283%29.gif

لطفية عم تحكي حالها : اي روح يا .. تضرب بشكلك .. عاملي فيها ابضاي وانت بس تشوف زهرية بتصير اد الصوص

و بفوتت ابو شوكت ع البيت http://albailassan.com/vb/images/smilies/rami7.gif

يتبع...

ابو شوكت فات ع البيت و لطفية راحت غرفتها و سكرت على حالها الباب و شوكت عم يتوعدلا انو يموتها

ام شوكت : اجيت يا تؤبر قلبي .. نورت أرض الدار ابن عمي

ابو شوكت : الله يرضى عليكي الهي ..

ام شوكت : حطلك لقمة تاكلها تؤبش قلبي http://albailassan.com/vb/images/smilies/rami9.gif

ابو شوكت : اي حطيلنا شي ناكلو و بطريقك ناديلي لطفية عندي ياها جوز كلام http://albailassan.com/vb/images/smilies/rami18.gif

ام شوكت : امرك يا عمري :

ام شوكت راحت تحط الغدا

لطوف قاعدة بغرفتها وماسكة هالموبايل و عم تبعت مسجات

توت توت توت توت .. صوت كبس ازرار الموبايل

لطوف عم تبعت مسج لنصار ( يا عيني ع الحب )

نصار يا تؤبر قلبي
هيك بتعمل فيي لك يا اجدب
ما بتخاف عليي حبيبي
شوكت كان رح يموتني


و توت بتبعت المسج
بعد ثواني بيوصل الرد
توت توت .. توت توت ..

لطفية يا روحي
و يا بلسم جروحي
يا بعد شواربو لنصار
لك فشر شوكت يلمسك و راسي عم يشم الهوا
انطريني اليوم جنب شباك الغرفة
محضرلك قصيدة بتشل


لطفية : ولي على قلبي .. قصيدة .. لك تؤبر قلبي انت و حكياتك شو ظراف .. انا ازا ما اخدتك يا نصار رح انتحر http://albailassan.com/vb/images/smi...%20%287%29.gif.. رح اشرب كاز http://albailassan.com/vb/images/smilies/rami4.gif

و بينما لطفية عايشة بالاحلام و الاوهام .. بتسمع صوت امها عم تناديها

ام شوكت : ولي لطفية .. بشو سرحانة يا مقصوفة الرقبة اه .. بشو عم تفكري http://albailassan.com/vb/images/smi...20%2835%29.gif؟؟؟ قومي اتلحلحي اوام ابوكي بدو ياكي

لطفية بينها وبين حالها : ( العمى ممنوع نفكر كمان بهالبيت و شو بدو هاد كمان http://albailassan.com/vb/images/smilies/rami28.gif.. الله يستر ما يكون شوكت حكالو عن نصارhttp://albailassan.com/vb/images/smi...%20%285%29.gif ).. لا يامو ما في شي .. ليكني جاية

ابو شوكت عم يحاكي لطفية : شو يا بنتي سمعت قال جاييكي خطابين اليوم

لطفية : اي يابي ابو الروض اخوه للمختار ابو فهمي

ابو شوكت : اي وانا عطيت كلمة للجماعة و ان شاء الله كتب الكتاب الخميس الجاي

لطفية نطو عنوناتها لبرا http://albailassan.com/vb/images/smilies/rami26.gif: شــــ شـــ شــــووووووووووووووو http://albailassan.com/vb/images/smi...0%28128%29.gif

ابو شوكت : ولي عم تعلي صوتك بوشي

لطفية : لا ما قصدي يابي .. بس انا .. انا .. انا http://albailassan.com/vb/images/smi...0%28104%29.gifما بدي ابو الروض ما بدي ياه ..

ابو شوكت : شو ع كيفك ما بدك ياه .. هاد اخر كلام عندي ما عجبك تصطفلي

لطفية عم تبكي و تندب حظها و حبها لنصار .. يا ترى شو رح يصير

يتبع

وينكم ياجماااعة :z09:

:z09::z09::z09:

هاد ظلم .. مابيصير شو بالزور يعنييي

عجبني السرد لمفصل للوقائع :: نصار : مسبة مشفترة هههههههههههههههه


وين الباقي ......


نزلي كل القصة بسرعة

بدنى نشوف نصار شو رح يعمل

بعد ما يسمع الخبر هههههههههههه

هلين فيك دمعة شكرا عالمتابعة

اهلين فيك ايمن نورت يوميات المحروسة لطيفة :z027:
رح اكمل القصة :z027:

ام شوكت اجت لابو شوكت و هي متزورة منو و من الحكي يلي حكاه مع لطوف

لانو هي بدا تجوز بنتا للعكيد .. و ابو شوكت بدو لطوف لابو الروض ..

ام شوكت : لك يا بعدي يا تؤبرني .. ليش هيك حاكيت لطفية .. اي والله والله ما بزوزها ابو الروض

ابو شوكت : ليك على هالسيرة http://albailassan.com/vb/images/smilies/rami28.gif .. لك انا لما بحكي كلمة الكل بيسمعلي فهمانة ولك http://albailassan.com/vb/images/smilies/rami5.gif.. لطفية رح تاخد ابو الروض يعني راح تاخدو

ام شوكت : لك ابن عمي ..

ابو شوكت بيقاطعها : و بتردي بوشي يا مرة .. ولا كلمة سمعانة ولا كلمة

و بلش مسلسل النكد و الصريخ ببيت لطوف بعد مسلسل الضحك و الهبل

لطفية بتبكي بغرفتها و ناطرة ضو القمر يطلع لحتى يجي نصار و تشوفو

بهالاثناء شوكت يلي عامل حالو ابضاي فات ع غرفتو و لقى هناك مرتو زهرية ناطرتو

شوكت : لك تؤبشي قلبي زهورتي كيفك يا قمر

زهرية : جيت يا مقصوف الرقبة .. وينك لهلأ اه وينك .. لك وين صايع بنص الحارة

شوكت : لك شبكي بنت عمي روئي عليي

زهرية : لك تعمى عينك الهي .. انا بدي افهم بس شو يلي مصبرني عليك ما بعرف .. و عاملي فيها ابضاي و رجال و عم تصرخ على اختك كمان اي روح من خلقتي ياه .. الئرف يئرفك انت و هيك عيشة ..

و شوكت اد الصوص بين رجلينها بيطلب منها السماح لانو اتأخر ع البيتhttp://albailassan.com/vb/images/smilies/rami7.gif

يتبع .

و تحت أصوات خنائ زهرية و شوكت
و دموع لطفية
و خطط ام شوكت لتزوز لطوف للعكيد يلي شنباتو من اول الحارة لآخرها
و ابو شوكت يلي مصمم انو يزوز لطوف الحلوة الامورة لابو الروض
الاوضاع هديت شوي و وصلنا للاكشن


لطفية بغرفتها عم تطل من الشباك ناطرة حب حياتها الاول و الاخير
قصدي العشرطعش و الاخير ازا الله راد
نصار راكب ع الطرطيرة http://albailassan.com/vb/images/smi...20%2840%29.gifو عم يسوقها بأقصى سرعة ليوصل لحبيبة القلب http://albailassan.com/vb/images/smi...20%2834%29.gif
و حامل معو قصيدة كاتبها http://albailassan.com/vb/images/smi...20%2839%29.gif
و هو عم يحلف و يتوعد لشوكت بئتلة عمرو ما رح ينساها http://albailassan.com/vb/images/smi...0%28101%29.gif
بينما هو بالطريق و از بـ ؟؟


عايشة وحدا بلاك وبلا حبك يا ولد
حاجة تحكي عن هواك ضحكت عليك البلد


هي النغمة تبع جوال نصار http://albailassan.com/vb/images/smi...20%2856%29.gif


مين عم يدق لنصار
خيرية http://albailassan.com/vb/images/smi...20%2899%29.gif


لك خيرية ما غيرها http://albailassan.com/vb/images/smi...20%2873%29.gif


حب نصار الاول
يلي قطعتلو كرت مشان ابو الشود مفتول العضلات
نصار قلبو ما طاوعو ما يرد عليها
وقف الطرطيرة ع جنب
و رد http://albailassan.com/vb/images/smi...0%28132%29.gif
نصار و هو يشعر بقليل من الارتباك لانو صرلو شي اسبوعين ما حكا خيرية من لما تخانئو اخر مرة: علووووو ( الو بس لانو شب بيحكيها هيك ) حمش يؤبر لطوف ..


خيرية بكل دلال و غنج : الووووووووووو نسووورتي .. بونسوارhttp://albailassan.com/vb/images/smi...20%2863%29.gif كيفااااك يا تؤبرني


يتبع http://albailassan.com/vb/images/smi...20%2817%29.gif

صار: ( العما بقلبها عم تتغزل فيي http://albailassan.com/vb/images/smilies/rami28.gif .. لك آااااااااااااخ هلأ جاية لما صار قلبي للطفية http://albailassan.com/vb/images/smilies/rami17.gifhttp://albailassan.com/vb/images/smilies/rami9.gif ) اهلين خيرية .. خير شو بدك .. مو شايفة اديش الساعة

خيرية : يوه على هالسمعة .. هيك بتحكي معي لك تؤبرني .. او البنت لطفية خلتك تنسى الايام الحلوة يلي بيناتنا

نصار بكل رجولة عم يزعق على خيرية : ولك خيرية رقمي بتنسيه سمعانة .. و اسم لطوف ما بتجبيه ع لسانك عم تفهميني http://albailassan.com/vb/images/smi...0%28111%29.gif.. و ازا شفتو مرة تانية بموبايلي رح تشوفي شي ما يعجبك http://albailassan.com/vb/images/smi...20%2823%29.gif

لك يؤبشنييييييييييييييييييييييييي الرجال المخلص انا:

و طج توت توت توت http://albailassan.com/vb/images/smi...0%28147%29.gif


نصار سكر الخط بوش خيرية http://albailassan.com/vb/images/smilies/rami13.gifو قلبو عم ينده حبو لطوف http://albailassan.com/vb/images/smilies/rami9.gif..


ركب ع الطرطيرة و كمل مسيرتو نحو الهدف المنشود
الا وهو منزل لطوف


لطوف وائفة ع الشباك
و صفانة وهي عم تسمع انغام الست
هيفا وهبي


رجب حوش صاحبك عني
رجب صاحبك جننيhttp://albailassan.com/vb/images/smilies/rami28.gif


و عم تضحك : هي هي هي .. لك ايييييييييه على ايامك يا رجب
حتى هيفا غنت عنك
تؤبشني لساتني بتزكرك وبتزكر عنونك الحولة
لك لطوف فيئي العما هلأ نصار جاي ..


و وصل نصار لعند حبيبة القلب و البنكرياس
و ......


يتبع

اي وبعدين .. شو صار ..هلأ إلا هون بتقولي يتبع :z027:.. كملي شو صار :z03:

و اخيرا التأم شمل الاحباب

نصار شوي شوي عم يئرب لعند لطفية

و لطفية قلبها عم يرقص رقص كلما حست انو صوت طرطيرة نصار عم يزيد و يقرب لعندا

لطفية : نصار .. يا بعد روح لطوف :.. لك ريتك تشكل آسي إلهي .. بس شوفك بنسى كل المعجبين الماضيين .. وما بفكر الا فيك

نصار : لطوفتي يا بعد طرطيرتو لنصار انتي .. لك تؤبشيني اي .. ريتني روح فرم ودعس إلهي

وصل نصار لعند لطفية
و طبعا لطوف ما خلت طحين ما حطتو على وشها .. وما خلت اي شادو ما استعملتو
و الخدود يخزي العين .. عاملتهم بوتكس

و الشفايف حاطة عليون جلوس بنفخون

لانها مرة شافت نصار عم يسمع نانسي

فقالت اكيد بيسمعها لانو بيحب شفايفها و خدودها

لهيك كان لازم تلجأ لبعض طرء التنفيخ

مشان ما تخسر حبيب القلب و الكبد

نصار : لك آااااااااااااااااااااااخ .. قليلي لك لطوف .. احكيلي .. مين فيه يشوف هالجمال وما يجن اه ؟؟

وبلش يغني بصوتو الشجي
يعني لطفية حست صوتو كأنو صوت كلب عم يعوي بس خشلت تحكيلو
واشجانا نصار بأطرب الالحان

و شو عملتي فيي يا با يا با
يا هالصبية يا با يا با
قلبي و عينيي والله يا با
دابو بجمالك
و نظرات عنونك دبحوني
ما بنام الليل جن جنوني
شو اعمل حتى لائيكي
حدي على توووووووووووووووول



لطفية : يوووووووووووووه نصار كن بئا.. حاج تخجلني .. ولك حاج تغني هلأ بتفيئ اهل الحارة

نصار : لك ايه يفيئو .. يفيئو يا لطفية يفيئو ..شنو انا ما عاد فيني خبي الحب يلي عم يحرئني .. هيك حاسو عم يتغلغل جوات جوات صمصوم قلبي ..

لطفية عم تزيح بنظراتا و ترفع عيونا لفوء بحركة تخلي نصار يدوب بمكانو

لانها كانت حاطة هديك الكحلة و الرموش يلي طولها اد رموش الطاووس

و نصار المسكين مفكر انو رموشها طبيعيين

اي ما علينا

لطفية : يوووووو تتحورء الهي .. عم قلك كن بئا لك نصورتي .. هلأ بيفيئ شوكت و ما بيخلينا نتهنى بليلتنا

نصار : ولي ولي ولي ولي .. ولي على ئلبي انا اي .. لك ولي على بعضي و على تولي وعلى كل عظمة فيي .. لك شو هالصوت شو هالابتسامة.. طوشتيني جننتني بهدلتيني .. صرت امشي بالشارع و شعري منكوش و ريحتي لنص الحارة كلو من حبك يلي مجنني .. يلي مالكني

و بلش نصار يسترسل بالغزل و لطوف وشها انقلب بندورة

و فجأة تزكرت كلام ابوها و كلام امها كل واحد منون بدو يزوزها حدا
اغرورقت عينا لطوف بالدموع ..

نصار شاف عنونات لطفية عم يلمعو
دبت فيه النخوة و الرجولة العربية

نصار عم يحكي مع حالو :( لطوفتي عم تبكي ).. ما عاش يلي بدو يبكيكي يا ملاكي انتي

لطوف : نصار .. اهلي بدون يزوزوني .. امي بدا تزوزني للعكيد . وابي بدو يزوزني لابو الروض

نصار : لك فشر حدا يتزوزك وراسي عم يشم الهوا .. عم تفهميني لك لطفية .. انا رح اشحد الجيوش وحارب الحارة كلها كرمال هالعيون الخضر
لك لطوفتي مو مبارح عيونك كانو زرق؟؟!!
دخيلو انا يلي لون عيونو بيتغير على لون تيابو
دخيل الله يلي خلئك اي

لطفية انحرجت شوي بس ما كانت بتعرف انو نصار هالاد اجدب وما رح يكتشف انون عدسات ...

يتبع ....

ويستمر اللقاء بين العاشق و المعشوق
بين نصار ولطفية يعني ..
و التنين غرقانين بحب بعضون و عم يتبادلو نظرات الغزل و الشوق

نصار: لطووفتي .. يا عمري انتي

لطفية : اؤمرني تؤبشني

نصار : دخيل هالصوت .. حبيبتي اسمعي كتبتلك شعر

لطفية : ولي على قلبي شعر كمان.. سمعني يا تؤبرني .. بدي اسمعو بصوتك يلي بيدوخني

نصار : اااااااااااخ يا لطفية ولك آاااااااااااخ
ان القلب في حبك دايب
و العين من عشقك عم تبكي دم
يا لطفية يا حرامية
سرقتي قلبي و مهجبتي
فصرت متل المجانين
عم اركد بالشارع و شعري منكوش
اعم احفي
لك عم انسا البس شحاطي
وعم نام الليل بالبرد لانو حبك بيدفيني

لطفية بينها وبين حالها : مفكرلي حالك نزار قباني ..اي ولا كلمة راكبة على بعضا http://albailassan.com/vb/images/smilies/rami28.gif

نصار : لطوفتي وين سرحتي مو عاجبك الشعر http://albailassan.com/vb/images/smilies/rami17.gif

لطفية : قال مو عاجبني قال .. لك بيجنن تؤبرني بيجنن

نصار : تؤبشيني الهي .. ريتك تمشي على رمشي وتهدي على خدي

لطفية : العما شو امشي ع رمشك هي شو شايفني قملة

نصار : ولك لطوووووووووووووووف لا تدبحيني .. ولي عليكي شو لزوزة بس تعصبي دخيل هالخدود التفاح

وبينما هالتنين على هالحالة .. بيفيئ شوكت من النوم وبيسمع صوت جاي من غرفة اختو

شوكت : زهرية .. ولك زهرية .. فيئي تضربي انتي وهيك نومة

زهرية : شو في لك شوكت مو شايفني نايمة هففففف منك

شوكت :ولك مو سامعة يلي سامعتو .. لطوف الله لا يوجهلا الخير .. هاتي الفرد هاتي http://albailassan.com/vb/images/smilies/rami5.gif.. بدي قوصها واخلص منها http://albailassan.com/vb/images/smi...%20%283%29.gif

زهرية : ولك روء ابن عمي ولـ ,,,,,,

شوكت : حلي عني اتركيني ..انا بفرجيها بدي اغسل شرفنا بدمها http://albailassan.com/vb/images/smi...%20%288%29.gif

شوكت بيطلع من غرفتو وهو معصب وبيروح لغرفة لطفية و بيدفش الباب

شوكت : لطووووووووووووف

لطفية : ولي على قلبي شوكت .. لك اهرب نصار اهرب

نصار ما صدق على حالو وفز هرب
وهو عم يصرخ ويقول : لطفية رح اخطبك لا تخافي

شوكت ما تحمل المنظر ولحق ورا نصار و قوصو بالفرد
بس نصار البطل لو قوصوه ميت مرة ولا طلقة رح تجي فيه
بتعرفو يعني لزوم الاكشن

و لطفية http://albailassan.com/vb/images/smilies/rami17.gif

يا حوينتك يا لطووووووووووووووووووووووووووف http://albailassan.com/vb/images/smilies/rami7.gif

يتبع ...