هذا سبب واحد من اسباب الحـزن فينـي!
[كثير من البشر يسأل عن اسباب الحـزن فينـي!
وكثير من البشر وده يعرف بدنيتــــي وش صـار!
وعلام اللي يقابلني يشوف الدمـع فـي عينـي!
وانا توي صغير السن حزيـن وشـارد ومنــهـار!
انا بحكي بقول الحين عن اللي صار فـي سنينـي!
ولكن قبل لا اتكلم ابـــــــــــيكم تحكمـو يـا اخيـار!
تعالوواشهـدو يانـاس تعالـو طالـــــعـو فينـي!
تعالو شاهدوا جسمي غدى ناحل وعقلي طـار!
انا مانـي تـرى مدمـن ولا ضاعـت ملايينـي!
وربي يابشـر حالـي سبايـب وقتـي الغـدار!
تعالو واسمعوا منـي وش اسبـاب الحـزن فينـي!
وش هي سبة دموعي وش اللـي بدنيتـي اسـرار!
(يتيمٍ) ايه انـا عايـش يتيـم محـدٍ يراعينــــي؛؛
ولاحدٍ عني جاء يسـأل وحيـدٍ جالـسٍ بالـدار؛؛
(يتيـم)ٍمافـي بالعالـم رحـومٍ جـاء يواسينـي؛؛
(يتيم)ٍ عايش بحسـره وضيقـه عيشتـي مـرار؛؛
(يتيمٍ) فـي نهـار العيـد محـد جانـي ينادينـي؛؛
يقول لي خذ حلاو العيد زمانٍ كنا فيـه صغـار؛؛
(يتيمٍ) صـاح ياموتـي رجيتـك رجـوه تجينـي؛؛
يومٍ استاذي قال بكره يجـون ابائكـم ياصغـار؛؛
شهادتكم تـرى بكـره وابوكـم لازم يجينـي؛؛
بسلمها انا بيده وشهـادة شكـر مـع ازهـار؛؛
وجاء بكره وجيت امشي ولاحدٍ ماسـك ايدينـي؛
ومن أي طالب دخل ماسك بدين ابوه صرت اغار؛؛
وكنت الاول ولكـن دموعـي كانـت بعــــينـي؛؛
نزل دمعي وسط حفلٍ كبير وحاضرينـه كثـار؛؛
مقصر زادها الاستاذ مـا بـارك صـار يعزينـي؛؛
شهاده كانت بيدي احسهـا جمـرة مـن نـار؛؛
ترى هذا سبب واحد من اسباب الحـزن فينـي!
يكفي يابشـر ولا اكمـل وافشـي الاســـــرار؟
