لماذا فقط شوفير التكسي ؟؟؟

اصدقائي اعضاء المنتدى
انا بصراحة ارى ان هناك اجحاف حقيقي يحق شوفير التكسي فنحن عندما نركب هذه السيارة اول شي نفعله نظن اننا اشترينا السيارة والشوفير معا لوسمح اخفض صوت الذياع لوسمحت سكرالشباك...وهكذا وعندما نصل ننظرمباشرة الى العداد(45)فيقول الشوفير (50 )فينظرإليه باستنكار ويبدأالزبون بالتذمر والصراخ من أجل 5ليرات لماذا ؟حتى يشعر بالنصر وشو (ماخورفنا )اما عندمايخرج من محل البسة ويكون قد دفع(1000) ليرة سعر بلوزة يخرج والضحكة ملئ الفم صاحب المحل مابيكون (خورفو )لا ابداوالله بيكون ربحان 3 اضعاف حق القطعة وبس يطلع من محلو هو بيضحك علي اناعندي فكرة عن الاسعار لانو في شخص من العيلة هو اللي بيجيب البضاعة للتجار والله حرام تركوا شوفير التكسي بحالوبقا لانو هيدا الامر عم اسمع عنوكتييير :z06:
وانتو شو رأيكون؟

اكيد لأ ما اشترينا السيارة والشوفير .. بس الطريقة اللي بيتعامل الناس فيها مع الشوفير هي الاساس
هلأ انا لما اطلع بتكسي ولنفرض كان برد بدي قلو سكر الشباك ..رح يسكرو ،، لأنو رح يسكرو مؤقتا لبين ما اوصل .. او نصل لحل يرضي جميع الاطراف

فيه حال الراديو عالي .. انا مو طالعة بزفة هو مجرد مشوار بطلب منو بلطف يوطي صوت الراديو ومابظن رح يرفض مو لأنو انا عم أأمرو بس لأنو هو اصيل .. بالاحرى ماعم أأمرو عم اطلب منو ولبى الطلب

بالنسبة للعداد كل الناس بتعرف قد ماكان الشوفير ابن عالم وناس مرح يرضى ياخد على قد العداد وبعدين 5 او 10 ليرات مرح تأثر شي

شوفير التكسي انسان وبيحقلو يرفض او يقبل لكن هي امور عادية يعني مابدا مشكلة هههههه

هلأ انتي ازا طلبتي مني سكر الشباك او مثلا وطي صوت تلفزيون او وراديو ... وبعدا قلتلك مثلا بدي منك كاسة عصير وانتي رفضتي .. بهالحالة ظلمتيني؟؟ وهنتيني ؟؟ !!
ولازم قدم شكوى عليكي .. اكيد لأ

المسألة مسألة اخلاق وحسن معاملة لا اكتر ولا اقل

وتشكرات نانو

تحياتي الك

يسلمو نانو عالموضوع ...

بس بالمناسبة اسمها تكسي ...

لو ماكانت هيك ما كان حدا دفع أضعاف تكلفة وسائل النقل الجماعية ...

الواحد بيدفع مشان يشتري راحتو ...

صحيح هو مو شفير عندي ...

بس مفروض يأمن لي وسائل الراحة اللي أنا بدي اياها ..
واللي هي بتكون ضمن حدود المقبول ..

وبالنهاية ... صدقيني لو لمست إنو تعاون معي وكان متفهم ..

ما رح تفرق لا عشرة ولا خمسة ولا خمس وعشرين .. وقتها


مشكورة من جديد نانو

تحياتي

والله حسب موديل الشوفير مو التكسي ههههههه احيانا بتطلعي مع شوفير والله بنسيك الدني وما بتحسي بالطريق على قد مانو محترم وابن عالم وناس ،، واحيانا بتطلعي بتكسي لعمة بتفكري حالك طالعة مع شي وزير او شي امبرطور اي وقتها اجباري عنك بدك تتعاملي بنفس معاملتو يعني حركة لا ارادية ...
مع احترامي لجميع شوفيريات التكسي يلي بالبلد ...
بس عنجد عنا الشوفيرية نهفة من نهفات المجتمع ... :z025:

لازم نحترم شوفيرالتكسي متلومتل اي انسان عم يسعى برزقتو:ndm:

مشكورين جميعا لمروركم بس انتو ليش ناقمين على الشوفيرية :z027:حرام عليكم والله في شوفيرية حبابين وبعدين اولاً واخراً هو انسان وعندو التزامات وبيطلع مع كل شخص :ndm:الله يعيييييييييييييييييييييينو

مشكورة عزيزتي نانو على الموضوع الجميل
ولي عودة بإذن الله
تحياتي
:z025:

من النادر جدا ان تركب في تاكسي ويكون صاحبها مؤدبا.هذه حقيقة.
ياأما بحطلك شريط كاسيت ضيعجي على اعلى صوت وبتحس السيارة عم ترج فيك رج.
ياأما اذا كان معك فتاة(أخت-صاحبة-أم-جدة)جالسة ورا فهو لازم يطلع عليها لحتى توصلوا.
:z06:
ياأما ما معو فراطة ليرد لك باقي المبلغ ويتمأمأ ويتفأفأ لحتى تقل له يالله بلا الله يسامحك.
ياأما اذا حدا ضايقه (شوفير اخر) فهو بيطالع راسه من الشباك ويبلش السب من الزنار وتحت وممكن يكون معك نسوان حريم أطفال الخ...
عدا عن ذلك مشكلة ال5 ليرات وال10 هي محلولة ممكن الواحد يتركها زكاة عن صحتو.
بس صدقوني ياجماعة أفضل شوفيرية محترمين شفتهم وركبت معهم هم الهنود بالامارات,لما كنت بالامارات.

مراحب
انا برأيي انو الشي بينقسم عالاتنين, الشوفير والراكب, بعض الشوفيرية عندن شغلات بتنرفز صح بس كمان بنفس الوقت ما بيعطي الحق للزبون انو يركب الشوفير مع السيارة’ لأنو بيضلو الاتنين بني ادمين فهون المسؤولية بتنقسم بالنص, اما بالنسبة لموضوع الدفع ما مشكلة انو الواحد يكارم الشوفير لأنو تعب معو ليش لتعتبر خورفة؟؟ يعني التكسي احيانا بيكون وزنو دهب من صعوبة وجودو. كمان بدنا نعتبر الموضوع خورفة؟؟