عليــــــى الطـــــــــلاق بتــــــلاتـــــي!!!!

السلام عليكم ورحمة الله وبركاته


في موضوع محيرني وبنفس الوقت مضايقني كتير
وحبيت تشاركوني فيه..
وسؤالي اليكوم ....!!

شو رأيكم بكلمة عليي الطلاق بتلاتة ..!!!!

شو رأيكم بالرجل يلي عطالعة والنازلة بقول هالكلمة
وبيحلف فيها بين الناس .. وعلى مرتو كمان .؟وعلى أتفه الأسباب..
مثلا بقلها .. على الطلاق بتلاتة مابتعملي كذا .. او مابتروحي على كذا ..؟؟
او تحرمي على ازا صار كذا .. وعلى الرايحة والجاية بيستعملها وسيلة ضغط على زوجتو فيها ..؟؟
ويحرمها من أشياء ممكن تكون ضرورية جدا .. او تكون غالية عليها ..
ومتل مابقولو .. بيلوي دراعها فيها ..؟؟

أو ..الاعضم .. لما بقلها أنت طالق ..؟؟؟!!!
وبيفتيها لحالو انو كان معصب ومابتنحسب عليه ..؟؟
او بروح لعند شيخ بكل مرة وبفتيها وبيرجع وبكمل حياتو بشكل طبيعي ..؟؟!! ولا كأنو عامل شئ ...
وأكيد مارح تمر عابرة في نفسية الزوجة ..!!!
وممكن بعد ماتسمعها كتير وكتير .. معت تفرق معها ..
وتوقع الكارثة ..يلي مالها حل ..
وقتها على مين بكون الحق ..؟؟؟

ما رأيكم بهي الكلمة ..؟؟ وماحكمها ..؟؟وهل هي كلمة بهي البساطة ممكن أن نتساهل معها ..؟؟ وما رأيكم بهيك نوع من الرجال ..؟؟
وشو لازم تتصرف الزوجة في متل هيك مواقف ..؟؟
وشو الحل ..؟؟والحد يلي لازم ينوضع لهيك موضوع..؟؟

أتمنى أن تشاركوني آرائكم ..؟؟
لأنها تهمني كثيرا ..
فهذا موضوعي أنا.. و بقلمي أنا .. أنا لولو

تحياتي للجميع

.......................

جميل هو طرقكِ لهذا الموضوع الواسع الانتشار في مجتمعنا ..
و حقيقة نحنا نعاني في مجتمعاتنا من التصرفات الغير منطقية التي تكلفنا امور لا نستطيع تحملها و المؤسف انها في امور تافهة في الغالب..
ولا أعلم حتى متى ينظر إلى المرأة وكأنها سلعة رخيصة تباع بأبخس ثمن لدرجة أن السيارة تكون اغلى منها إذا اشتراها الانسان بماله .. متى تعي بعض المجتمعات والتي مازالت تعيش عصر الجاهلية أن المرأة مخلوق لها حقها وواجباتها وكرامتها ومنزلتها التي كرمها الله بها ..
سؤالي لرجل !!
كيف تتخيل رأي المراه بيمين زوجها ( علي الطلاق بالتلاتي ) الذي اقل ما يمكن ان يقال عنه انه
" رجل تافه " صح !! هاد رئي من نوع الرجال ..
وهل هناك حياة زوجيه اقسى من الحياة مع رجل تافه ؟؟!!
و اكبر ما يمكن ان يقال عنه انه رجل ظالم ..
ولك ان تتخيل نوع الحياة مع زوج ظالم قاسي القلب ..
وكلاهما وصفان رديئان لشريك العمر - واي عمر هذا - ، بل احدهما أمر من الاخر ....!!!
بالنسبة للحكم ..لااستطيع اختي لولو ان افتي لكِ الحكم ..
والحل .. تدخل الاهل وحل الموضوع سريعا..
اشكركي اختي لولو على اثارة هذا الموضوع للنقاش ، لعله ينبه الغافل من الناس الذي لا يبالي بما يقول و يحسبها شطاره و رجوله ان يعرض حياته و حياة اسرته و اولاده للخطر من اجل سبب تافه ...
تحياتي
ريماس

للأسف الشديد هاي الظاهرة بالفعل منتشرة بمجتمعنا
وبشكل كبير جدا وخطير ..
والأخطر من هاد كلو إنو هالناس ولا كأنو عاملين شي ...

اولا هاي ظاهرة سلبية جدا وعواقبها وخيمة
على الفرد ثم الأسرة فالمجتمع بأكملو ...

انا برأيي هاللي بيستعمل هيك ألفاظ
ما خرجو يكون رب أسرة بنوب ...

ياستي من جهتي ازا سمعت حدا عم يحكي
هيك حكي قدامي ..
أول إنطباع رح آخدو عن هالزلمة ..
إنو همجي ... ومتخلف
ورح أتأكد إنو مرتو رخيصة عليه ...
وما بيحترمها بنوب ...

يعني مفكر المرجلة بهالشغلات ...!!!

وبالنسبة للحكم الشرعي
جمهور العلماء قالوا :
بأنو الطلاق المعلق لايقع ..
يعني إزا قلها
ازا رحتي على بيت أهلك لاترجعي أو انتي طالق ...
فالأرجح أنه لا يقطع الطلاق ... والله أعلم

ولكن الطآمة الكبرى وين ...!!؟
بس يتلفظ بالكلمة الصريحة وهي :
إنتي طالق ...
ولو كان مازحا ...
لقوله عليه الصلاة والسلام
في الحديث الصحيح :
ثلاثة هزلهن جد .. وجدهن جد ..
وذكر منها الطلاق .

يعني ما فيهن مزح ... بس يقول انتي طالق
أصبحت طالق حكما...

ويترتب عليهما أحكام كثيرة ...

إن شاء الله بنذكرها تباعا ...
...........................

مشكلة إجتماعية ... كبيرة وخطيرة
وللأسف إنعكاساتها خطيرة جدا على المجتمع...

مشكورة لولو عالطرح
ولي عودة بالتأكيد
متابع

للأسف الشديد ظاهرة انتشرت انتشار واسع في المجتمع كما تنتشر النار في العشب اليابس
طبعا في نظري الرجل اللي يستعمل هالكلمة عالطالعة والنازلة رجل سخيف وتافه وماعندو أي مسؤولية واحترام تجاه مرتو
انا لو عشت مع هيك رجال ( الله لايقدر ) وقلي ازا عملتي هيك شغلة انتي طالق بالتلاتة بعملا !! اي بعملا وبتطلق بس مابعيش بهيك تفاهة

مرة صار موقف قدامي من احد الاقرباء .. اظاهر كان بين الزوجين سوء تفاهم او مناقشة حادة .. صار يستفز مرتو وقلا ازا سكرتي التلفون بوجهي انتي طالق
طبعا البنت انصدمت وكتمت الغضب .. بس التافه شو صار يعمل بيقلا يلا سكري ازا انتي قوية جد سكري ويلا ..

شوفي التفاهة لوين وصلت والعقل الصغييير قد الفتفوتة .. بإختصار شديد هدول مو رجال هدول ذكور فقط .. مو يعني انو العصمة بإيدو ويقدر يقول انتي طالق
بأي وقت صار رجال !! الرجولة إلها تصرفات وكلام واحترام

بالتالي تأثير سلبي كتير عالأسرة خاصة ازا كان الكلام هاد قدام أطفال .. ومن الأسرة على المجتمع

شكرا لولو طرح مميز حبيبتي

محبتي تسبق تحيتي

اقتباس:

---

المشاركة الأصلية كتبت بواسطة ريماس

جميل هو طرقكِ لهذا الموضوع الواسع الانتشار في مجتمعنا ..
و حقيقة نحنا نعاني في مجتمعاتنا من التصرفات الغير منطقية التي تكلفنا امور لا نستطيع تحملها و المؤسف انها في امور تافهة في الغالب..
ولا أعلم حتى متى ينظر إلى المرأة وكأنها سلعة رخيصة تباع بأبخس ثمن لدرجة أن السيارة تكون اغلى منها إذا اشتراها الانسان بماله .. متى تعي بعض المجتمعات والتي مازالت تعيش عصر الجاهلية أن المرأة مخلوق لها حقها وواجباتها وكرامتها ومنزلتها التي كرمها الله بها ..
سؤالي لرجل !!
كيف تتخيل رأي المراه بيمين زوجها ( علي الطلاق بالتلاتي ) الذي اقل ما يمكن ان يقال عنه انه
" رجل تافه " صح !! هاد رئي من نوع الرجال ..
وهل هناك حياة زوجيه اقسى من الحياة مع رجل تافه ؟؟!!
و اكبر ما يمكن ان يقال عنه انه رجل ظالم ..
ولك ان تتخيل نوع الحياة مع زوج ظالم قاسي القلب ..
وكلاهما وصفان رديئان لشريك العمر - واي عمر هذا - ، بل احدهما أمر من الاخر ....!!!
بالنسبة للحكم ..لااستطيع اختي لولو ان افتي لكِ الحكم ..
والحل .. تدخل الاهل وحل الموضوع سريعا..
اشكركي اختي لولو على اثارة هذا الموضوع للنقاش ، لعله ينبه الغافل من الناس الذي لا يبالي بما يقول و يحسبها شطاره و رجوله ان يعرض حياته و حياة اسرته و اولاده للخطر من اجل سبب تافه ...
تحياتي
ريماس

---

مشكورة غاليتي على كلامك الجميل والواضح جدا
والابداء برأيك
قد أسعدني مرورك تحياتي لك

اقتباس:

---

المشاركة الأصلية كتبت بواسطة ابو عمر

للأسف الشديد هاي الظاهرة بالفعل منتشرة بمجتمعنا
وبشكل كبير جدا وخطير ..
والأخطر من هاد كلو إنو هالناس ولا كأنو عاملين شي ...

اولا هاي ظاهرة سلبية جدا وعواقبها وخيمة
على الفرد ثم الأسرة فالمجتمع بأكملو ...

انا برأيي هاللي بيستعمل هيك ألفاظ
ما خرجو يكون رب أسرة بنوب ...

ياستي من جهتي ازا سمعت حدا عم يحكي
هيك حكي قدامي ..
أول إنطباع رح آخدو عن هالزلمة ..
إنو همجي ... ومتخلف
ورح أتأكد إنو مرتو رخيصة عليه ...
وما بيحترمها بنوب ...

يعني مفكر المرجلة بهالشغلات ...!!!

وبالنسبة للحكم الشرعي
جمهور العلماء قالوا :
بأنو الطلاق المعلق لايقع ..
يعني إزا قلها
ازا رحتي على بيت أهلك لاترجعي أو انتي طالق ...
فالأرجح أنه لا يقطع الطلاق ... والله أعلم

ولكن الطآمة الكبرى وين ...!!؟
بس يتلفظ بالكلمة الصريحة وهي :
إنتي طالق ...
ولو كان مازحا ...
لقوله عليه الصلاة والسلام
في الحديث الصحيح :
ثلاثة هزلهن جد .. وجدهن جد ..
وذكر منها الطلاق .

يعني ما فيهن مزح ... بس يقول انتي طالق
أصبحت طالق حكما...

ويترتب عليهما أحكام كثيرة ...

إن شاء الله بنذكرها تباعا ...
...........................

مشكلة إجتماعية ... كبيرة وخطيرة
وللأسف إنعكاساتها خطيرة جدا على المجتمع...

مشكورة لولو عالطرح
ولي عودة بالتأكيد
متابع

---

أخي المحترم أبو عمر
مشكور على مداخلتك الراقية وكلامك الجميل راق لي حضورك

تحياتي لك

اقتباس:

---

المشاركة الأصلية كتبت بواسطة دمعة فرح

للأسف الشديد ظاهرة انتشرت انتشار واسع في المجتمع كما تنتشر النار في العشب اليابس
طبعا في نظري الرجل اللي يستعمل هالكلمة عالطالعة والنازلة رجل سخيف وتافه وماعندو أي مسؤولية واحترام تجاه مرتو
انا لو عشت مع هيك رجال ( الله لايقدر ) وقلي ازا عملتي هيك شغلة انتي طالق بالتلاتة بعملا !! اي بعملا وبتطلق بس مابعيش بهيك تفاهة

مرة صار موقف قدامي من احد الاقرباء .. اظاهر كان بين الزوجين سوء تفاهم او مناقشة حادة .. صار يستفز مرتو وقلا ازا سكرتي التلفون بوجهي انتي طالق
طبعا البنت انصدمت وكتمت الغضب .. بس التافه شو صار يعمل بيقلا يلا سكري ازا انتي قوية جد سكري ويلا ..

شوفي التفاهة لوين وصلت والعقل الصغييير قد الفتفوتة .. بإختصار شديد هدول مو رجال هدول ذكور فقط .. مو يعني انو العصمة بإيدو ويقدر يقول انتي طالق
بأي وقت صار رجال !! الرجولة إلها تصرفات وكلام واحترام

بالتالي تأثير سلبي كتير عالأسرة خاصة ازا كان الكلام هاد قدام أطفال .. ومن الأسرة على المجتمع

شكرا لولو طرح مميز حبيبتي

محبتي تسبق تحيتي

---

حبيبتي دموعة مشكورة على الابداء برأيك ومشاركتي موضوعي
اسعدني مرورك وكلماتك
تحياتي لك

طبعا الاخوان تكلمووو بشكل عام ومشكورين

لكن الحكم فيها ان هالكلاك شرك

لان الحلف بغير اللة شرك

وأشكــــــــرك على طرحــــــك الرائع ..
وابداع بلا حدود
وبأنتظــار تميــــــزكِ القادم ..
دمتي ودام عطــائك وتميـــــزك

تحياتي لك ورأيك ولحضورك اخي الكريم نمر
أفرحني قدومك ومشاركتك بموضوعي المتواضع
فشكرا جزيلا لك
تحياتي وفائق احترامي لك

(( ان لم تستطع أن تحترم المرأة
فدعها لمن هو أرجل منك ))
الرجولة هي الأخلاق

شكرا ع الموضوع

اهلا وسهلا بك اخي الكريم
وشكرا على مرورك في متصفحي المتواضع
نورت
تحياتي

بسم الله الرحمن الرحيم

فَإِذَا بَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ فَارِقُوهُنَّ بِمَعْرُوفٍ وَأَشْهِدُوا ذَوَيْ عَدْلٍ مِّنكُمْ وَأَقِيمُوا الشَّهَادَةَ لِلَّهِ ذَلِكُمْ يُوعَظُ بِهِ مَن كَانَ يُؤْمِنُ بِاللَّهِ وَالْيَوْمِ الآخِرِ وَمَن يَتَّقِ اللَّهَ يَجْعَل لَّهُ مَخْرَجًا

في هذه الاية الكريمة يوجد شرط للطلاق وهو

اشهاد شهود ذوي عدل

وفي موقع اخر من القرأن الكريم

الطلاق مرتان امساك بمعروف او تسريح باحسن

--

واذا طلقتم النساء فاشهدوا عليهن شاهدين ذوي عدل

صدق الله العلي العظيم

الطلاق يا اخوان ليس كلمة تقال ولا باي حال من الاحوال

وان كان الرجل كثير الثرثرة والكلام عن الطلاق انما هو لغو

ويحاسب عليه لاته ليس لعبة هو يلعبها وليس هو اداة تجريح

لقول رسول الله صلى الله عليه واله وسلم

الرجل الصالح اذا احب زوجته اكرمها

واذا بغضها لا يظلمها

ومن هذا الشاهد الفعلي لرسول الرحمة يستدل

ان الطلاق له شروط وشروط قاسية ويجب ان تطبق بحذافيرها

وليست كلام يقال وللاسف راحت الناس بالظاهر وتركت لب الجوهر من حيث المضمون

والمكمون من درر سيد الكون روحي له الفداء

فالطلاق يجب ان يتم ضمن مفايهم التعاليم السماوية
وليس ضمن مفاهيم الناس العادية

فمثلا قال لي احد المحامين وهو صديق
ان رجلا يسهر كل يوم خارج مزله ويترك زوجته واطفاله

لان اصدقائه كل يوم يسهرون وهو مجبر على السهر معهم
وفي احدا المرات وهو يهم في الخروج من المنزل قالت له زوجته

انت كل يوم تسهر خارج المنزل -- ياريت كان الطلاق في يدي لطلقتك

فقال لها الرجل اذا انا اجعل العصمة بيدكِ

فقالت الزوجة لزوجها انت طالق

فضحك وذهب الي اصحابه وهو يضحك فسالوه عن سبب ضحكه فقص عليهم ما دار

بينه وبين زوجته
فوثب صديقي المحامي وقال لقد وقع الطلاق فعلا فصعق الرجل من هذا الكلام

وقال له انت جعلت العصمة بيدها وهي القت عليك يمين الطلاق

فارتبك الرجل وما عاد يعرف مايفعل
فقال له المحامي يجب ان تدفع زوجتك كفارة او تتزوج واحد غيرك ثم تعود اليك

----

بالله عليكم الى اين وصلنا
امن دستور رب العالمين عز وجل الى دستور مدني يحلل ويحرم كما يشاء

هزلت ورب الكعبة

متى كانت العصمة بيد النساء واين الاية الكريمة التي تدل على ذلك

اليس في القرأن اية تقول فاذا طلقتم النساء

اين اية واذا طلقتن الرجال

اللهم لا تؤاخذنا بما فعل السفاء منا ولا تأخذنا بجريرة غيرنا

اللهم امين

ولا حول ولا قوة الا بالله العلي العظيم

وحسبي الله ونعم الوكيل

ودمتم على طاعة الله ورضاه

دمتم بحفظ الرحمن

أتفــق مــع أخــي السكــون فــي كــلامـــه
ولا يــوجــد أي تعــليــق آخـــر .

هذه الظاهرة اثرت على الكثير من الأسر وشتت اطفالها الرجل لا يهمه شيئ يتزوج ويطلق تقع العاقبة على رأس الزوجة والاطفال فتصبح الزوجة مطلقة وبالمجتمع حرف ساقط الذي لا يرحم فهذا النوع من الرجال لا يستحق ان يطلقوا عليهم صفات الرجال وعار عليهم ان يقحموا عائلتهم برجولتهم السخيفة السلام عليكم وشكرا لطرح هذا الموضوع الهام

شكرا اخي الكريم انس على مداخلتك الرائعة
نورت

مشكور على المرور اخي الكريم جمال
تحياتي

اهلا فيكي عزيزتي ايلف .. مشكورة على المشاركة الجميلة والحضور الأجمل
صدقت فيما قلتي .. تحياتي لك ولا تحرميني طلتك

والله هادالموضوع حساس كتير وشكرا لطرحوا لانها ظاهرة عنجد سيئة جدا لو بس منفكر شوي بيلي عم نحكيه

يبدو انو الشباب وصلو للجواب الا وهو

التخلف الجهل والغباء والتفاهة

مشكورة لولو على الطرح

خلي يحكي كل يوم ميت مره ويحلف بالطلاق اد ما بدو لانو متل التو لانو الكلاق الو شرووط واسباب وما بيصير هيك لازم يصلي وما يكون زعلان ولا غضبان ولا في بنفسو اي شي

1- كلمة يبغضها الرب سبحانه وتعالى والجهلة يحلوا لهم ترديدها
2- رأيي الشخصي انسان فاسق فاجر
3- لايكن التساهل معها
4- اذا المرأة بتعرفه قبل الزواج المفروض ما توافق عليه واذا من القلة لازم تحط العصمة بيدها وبقى خليه يحلف ليشيب راسه
5- المفروض رجال الدين يفهموا الناس انه لفظ شنيع يضع صاحبه بالشبهات واحيانا في الحرام لذا يجب التوعية والمقاطعة للشخص ان لزم الامر

إذا كان الرجل من أهل دوما .. فلفظه دارج ولا يقع بسببه الطلاق وإلا بينخرب كل بيوت العالم بدوما
إذا ماكان من دوما ... فهو ليس برجل إن اتخذها سبباً للسيطرة أو لفرض مركزه كرب أسره أو لأي سبب آخر ... أما إن قصد منها التهديد للطلاق فعلاً .. فذلك لعمري سبب سيعود على كلا الزوجين بندمٍ شديد .. وعلى الأولاد بفاجعة لن تُمحى مهما مرّ عليها من الزمن ... يضرب هيك رجال ... ولكن حسبكم .. قد تدفع الزوجة زوجها لهذا اللفظ كل يوم مائة مرة ... لأنها من اللواتي يكفِّرن العشير ... كمان تضرب هيك مرة .. يعني يضربو هيك تنين ... أما شرعاً ( ونأتي للكلام الجاد ) .. فإن كثيراً من العلماء ( شيوخ بالمساجد ) يلفظون لفظة ( طلاق ) متفرقة حرفاً حرفاً في موعظتهم عن الطلاق ، حتى لا يتعود هذا الشيخ على أن يستسهل أن يلفظها

موضوعك اختي لولو موضوع حساس وله اكثر من جانب او سبب لهذه التصرفات في العلاقة الزوجية انا اعتقد ان الزوج الذي يستخدم هذا الاسلوب في علاقته الزوجية هو رجل ضعيف وضيق الافق وليس عنده المقدرة لحل اتفه المشاكل العائلية فيقوم بكبت هذه المشاكل عوضا ان يحلها باعتبار ان استمرار هذه العلاقة بشكل رسمي بيده اي العصمة بأيدو وانا متاكدة ان هذا النوع من الرجال ليس لديه السلطة في الحياة الاجتماعية اي المجتمع لهذا لا يوجد غير زوجته ليمارس عليها هذه السلطة و تكون هي ايضا ضعيفة الشخصية لتجعله يضغط عليها اوممكن وضعها لا يسمح لها بالابتعاد عنه (الخوف من الطلاق ونظرة المجتمع المتخلف للمراة المطلقة) فهي مطرة ان تتحمل هذه الحياة المذلة فيتكرس هذا ىالاسلوب ضمن العائلات وينتقل من الأب الى الابن وهكذا وتكون نتيجته هذه البيئات المتخلفة لان هذا الاسلوب يجر معه اكثر من شى منها تحكم الاخوة الذكور باخوتهم الاناث بكل شي إن كان على صعيد التعلم او العلاقات الجتماعية وهكذا والغلط بيجر معو غلط وتخلف ومجتمعات متخلفة وضيقة الافق مثل مجتمعاتنا العربية وياللأسف على هذه المجتمعات التي تركت علوم الدنيا وحصرت الحياة بشيئين هنن انا الرجل يلي مصير المراة بأيدي والمراة الواجب عليهاتنفيذ اوامر الرجل ............... وعذرا على الاطالة

9







9

:z025::z025:

أنا برأيي هذا الحكي حرام لأنو هيك بيستغل زوجته يعني ما بيستاهل تكون العصمة بأيدو يا سيدي يحط حالو محل مرتو ما بينكسر خاطرو
يعني هدول الناس انا بحتقرن
الموضوع بستاهل النقاش بتستاهلي تقييم عليه

شكرا لولو لموضوعك الجميل والمهم ...

اعتقد هذه الكلمة تعبر عن ضعف القائـــــــل ...

ضغف المنطق ... فيستقوي على امرأة باللامنطق

وضعف العاطفة الحقيقية ...التي يفتقدها الرجل الشرقي

عموما ...فمن يحب ..حقا يصون حبه

ولا يبحث عن زلة ليهدم اسرته ...

ناهيك عن الظلم التاريخي للمرأة الذي يعتبره الرجل

جزءا من رجولته الغريبة والعجيبة

وحتى من الناحية الدينية ...مرفوض لأنه " من اراد ان يحلف

فليحلف بالله او ليصمت " ...وهذا حديث شريف كما اذكر

شكرا لووولو الصغيرة

والموضوع موضوعك بالفعل ...بدون ما تخانقينا:z027:

مشكورين جميعا على المرور والابداء برأيكم
تحياااااااااااااااااتي

:z023:

تحياتي للجميع أما بعد شكرا على الموضوع الجميل وبصراحه هيك رجل بكون تافه وماعندوا شخصيه ولايستطيع التفاهم مع الطرف الأخر لذلك بإختصار إذا وضع في موقف حرج يخرج منه بهذه الكلمه وللأسف يوجد بعض الأسر قد وقعوا بها وهم لايدرون
وشكرا

لو كان القرار بيد الزوجة هل يرضى الزوح ان يعامل بنفس المعاملة بالتاكيد كلا لهذا نصيحتي للمتهورين ما لا ترضاه لنفسك لا تطبقه على الاخرين

مشكورين يعطيكون ألف عافية


تحياتي
:z025: