عرض للطباعة
خطر ببالي سؤال
بما اننا معظمنا متغربين ....بس الاكيد انو نحنا سوررين حتى لو من برا سوريا....كل شخص ينتمي الي مدينة او قرية
موضوعي انو كل شخص يكتب عن مدينته مو الحالية الي مقيم فيها الي اصله منها ....يكتب عنها ولو كلمات قليلة ...حتى نتعرف على بلدنا اكتر
لان في كتير مناطق مانعرفها بسوريا....
ولكم جميعا الشكر وكل الاحترام.........
بارك الله فيك ماهـر .. موضوع حلو كتير
وأكيد الجميع رح يشارك .. وأنـا لي عودة طبعـاً
مع الـود :z025:
ابدأ انا
انا من قرية صغيرة على ارتفاع 600 متر عن سطح البحر، وعلى هضبة تحيط بها الأراضي الزراعية كما يحيط السوار بمعصم اليد ما منحها منظراً خلاباً، تقع بلدة "الهبيط" في أقصى جنوب غرب محافظة "إدلب"، إذ تبعد عن مركز المحافظة 77 كم، وثمانية كيلو مترات غرب مدينة "خان شيخون"، وذلك على مقربة من الحدود الإدارية الفاصلة بين محافظتي "حماة" و"إدلب"تحدها بلدة كفرنبودة من الغرب وسقيلبية ومن الجنوب الغربي ابو قبيس ومن الشرق خان شيخون ومن الشمال معرة النعمان، وهي تتبع إدارياً لمنطقة "خان شيخون".
تسميتها جاءت من "تهبّط" وانهدام المغاور التي كان يسكنها الناس قديماً»
منطقة زراعية تشتهر بزراعة القمح والبطاطا.. وطبعا الزيتون ...فيها مدارس ومعاهد ومستوصفات ..
احسن شي مافيها مخفر بس ماشاء الله عليهم مابدهم .....24 ساعة متواجدين الشباب
واحلا مافيها الاراضي الزراعية وخاصة ايام الصيف تعطي جمالا خالبا للمنطقة...
بحبها كتير ومن زمان ماشفتا .... اكيد محدا سامع عنها لان مسميها القرية المجهولة....مخباية بين الف قرية....
الصالحية الشام ... للأسف ما بعرف شي :z09: مولود بالكويت وعايش طول عمري بالكويت
روحتي لسوريا عبارة عن 5 أيام بس ... وعشت فيها سنة لما كان عمري 7 سنين تأريبا
King of Nothing
والنعم منك خيو وانشاااء الله ترجع لبلدك بخير وسلامة
الصـــــــالحيةُ جنــــــــــةٌٌ ###### و الصالحونَ بها أقاموا
فعلى الديــــــــارِ و أهلِها ###### مني التحيةُ و الســـــلام
والله ياماهر انا متل اخي مؤيد :z09: مابعرف شي عن سوريا
انا عايشة بالسعودية وصرلي زمان ماشفت ولابعرف شو يلي فيهاا
بس لما حطيت مواضيع عن سوريا وعن المناطق يلي مابيخطر ببال حدا .. صرت اعرف سوريا اكتر ..
في مناطق اول مرة اسمع فيا وغريبة قدرت اتعرف عليها بالمنتدى ..
يعطيك العافية اخي ماهر موضوع جدا رائع هي الطريقة رح نتعرف اكثر واكثر ..
لي عودة تحيتي لك
شكلي ياريماس فتحت المواجع .....ياستي تتعرفي انشااء الله وتروحي سوريا وتسكني هناك وماترجعي لهون
لان تراب سوريا ريحته غير....وانا من جهتي رح قدر الامكان وانتو هون دوركم كل سوريا يعني بلشت بلضيع الصغيرة الي فعلا مجهولة بس اية من الجمال
وننتهي بااخر نقطة بحر بسوريا...... واسف لان نزلو دموعك الغالية......كنت رح قلك محدا يستاهل دمعة من العمر ....بس سوريا تستاهل كل العمر ......... شكرا لمرورك العطر ريماس ......
انا من قرية - جمرين
وهي تابعة لبصرى الشام التي بدورهاتابعة لمحافظة درعا
والتي بدورها تابعة لسهل حوران
وقرية جمرين حسب ماذكر كبار العمر فيها
انه كان فيها سبعة قصور وكانت منطقة استجمام
لملوك وقياصرة روما
ولازالت فيها اثار من تلك القصور
بس انا ولدت بمحافظة الحسكة ارض الجزيرة السورية
وكل عمري قضيتو بالحسكة يعني مغترب مغترب
وبالاخير تغربت فوق الغربة لليبيا
طرابلس عاصمة الجماهيرية الليبية وهي موازية لساحل البحر
الابيض المتوسط
مشكور اخي على الموضوع الرائع
دمتم بالف خير
موضوع حلو بس راح يفتح مواجع علينا والله
:z09: انا من الجسر الابيض-الشام يعني اريب من الصالحية ..انا تركت الشام وانا عندي 14سنة:z09:
رح خلي الصور تحكيلكن عن شامنا
قالها نزار قباني:
لا أستطيع أن أكتب عن دمشق دون أن يعرش الياسمين على أصابعي
http://farm4.static.flickr.com/3174/...9d4deb.jpg?v=0
راح ابدا الذكريات من الأول ..من وقت كنا صغار
http://farm3.static.flickr.com/2280/...g?v=1238423370
والمبنى القديم لجامعة دمشق-بالبرامكة-بعد ما كبرنا شوي ...ذكريااات
http://farm1.static.flickr.com/155/3...g?v=1236541443
محطة القطار - بالحجاز
http://farm1.static.flickr.com/136/3...g?v=1236595011
و هاااااادا القطار رايح عالزبداني أو حلب
http://farm4.static.flickr.com/3221/...g?v=1237470831
نهر وراااا قلعة دمشق
http://farm3.static.flickr.com/2227/...g?v=1238439211
نهر بردى اللي كانو يشربو منو كل أهل دمشق
http://farm4.static.flickr.com/3562/...64242b.jpg?v=0
مية الفيجة اللي بيشربو منها أهل الشام....هلأ
الله يديمهاااا نعمة
http://farm1.static.flickr.com/171/4...g?v=1238594886
مطعم قصر الياسمين -بدمشق
http://farm1.static.flickr.com/170/3...g?v=1236601618
شارع في المدينة القديمة - بدمشق
http://farm1.static.flickr.com/145/3...g?v=1236604155
و هون منطقة قديمة كمان أسمها - القيمرية
http://farm1.static.flickr.com/164/3...g?v=1236596767
و من أحياء المدينة القديمة بتلاقوااامحلات كتير-معارض- لبيع صور مرسومة باليد لدمشق..
أشتريت منهم
http://farm1.static.flickr.com/132/3...g?v=1236595311
نافورة خان -أسعد باشا
http://farm2.static.flickr.com/1118/...g?v=1236615634
محل بالبزورية
http://farm2.static.flickr.com/1338/...g?v=1238499676
محل بس للمخلل !!!!-باب سريجة
http://farm2.static.flickr.com/1086/...g?v=1238499283
و محل بس للزيتون!!!! -باب سريجة
http://farm1.static.flickr.com/186/3...g?v=1236526706
باب مدخل قصر العظم ....ترااااث
http://farm2.static.flickr.com/1356/...g?v=1238499674
غرفة من القصر ....غرفة المعيشة
http://farm2.static.flickr.com/1376/...g?v=1236616752
منطقة الروضة
http://farm1.static.flickr.com/169/3...g?v=1236603463
وبعدها بيجي شارع المالكي و أبو رمانه ومن بعيد باينجبل قاسيون
http://farm1.static.flickr.com/175/4...g?v=1238594529
ووراااه بيجي شارع الجسر الابيض-ذكرياااااات
http://farm1.static.flickr.com/148/3...g?v=1236603921
و كمان هاي صورة تانية - الجسر الأبيض ..
بعرف راح تقولواا وين الجسر؟
مافي جسر بس هيك \أسم المنطقة
http://farm1.static.flickr.com/165/3...g?v=1236539916
جامع بالجسر الابيض- شوفوا البحرة اللي بالجامع ...
وين الماااااي اللي بالبحرة؟
http://farm1.static.flickr.com/177/3...g?v=1236615195
و اللي نزل عالشام أكيد راح سوق -الصالحية
http://farm1.static.flickr.com/138/3...g?v=1236805830
و هون مدرسة لسه لهلأ فاتحة -بالصالحية
http://farm1.static.flickr.com/142/3...g?v=1236527226
وهون آخر شارع الحمرااا ورااا الصالحية
http://farm3.static.flickr.com/2178/...g?v=1238439762
سوق - الحريقة...
http://farm1.static.flickr.com/162/3...g?v=1236697615
واذا رحتوا عالشام لازم تروحوا سوق - مدحت باشا
رووووعه فيه كل شي
http://farm2.static.flickr.com/1294/...g?v=1238599344
ومسجد الحنابلة في دمشق
http://farm1.static.flickr.com/166/3...g?v=1237385914
و هون ... حي أسمه حي الشركسية في دمشق
http://farm1.static.flickr.com/173/3...g?v=1237303038
صورة بالليل لشارع النصر و قصر العدل
http://farm1.static.flickr.com/184/4...g?v=1237402940
و هلأ أحدث شي بالشام أفتتاح - بيت الأوبراااااا
http://farm1.static.flickr.com/123/3...g?v=1236541918
و فندق فور سيزونز دمشق ...كمان جديد
http://farm3.static.flickr.com/2405/...g?v=1238422955
وهاااي صور ة جمعت الأثنين ...التكية السليمانية (قديم) و فور سيزونز(حديث
http://farm3.static.flickr.com/2359/...g?v=1238440299
والله شو ماحكينا وحطينا صور ماراح نوصف الشام وجمالا
الله يرجعنا بالسلامة ويرجع كل مغترب لبلدو
الغربة صعبة :z09:
والنعم منك خي السكون احلا ناس وشرفني معرفتك اكتر واكتر
زرت حوران مرة يمكن وانا عمري 4 شهور هيك ستي حكيتلي
شكرا على مشاركتك العطرة واللطيفة
وبعينك الله ليبيا بتضل احلا من هون
ومن شوفك بسوريا انشااء الله عن قريب
وترجع سالم لاهلك واحبابك
ياهلا والله بااحلا دانة شرفني معرفتك
على فكرة منطقتكم كتير حلوة
كمان زرتها مرة وحدة من شي اربع سنين
واحلا مافيها ناسها واهلها الطيبين
شكرا للمشاركة وشكرا للصور............مو انا الي فتحت المواجع انتي الي فتحتيا بهيك صور
يالله انشااء الله بنشوفك بلشام ....وتطبخينا من اكلاتكم الطيبة