شوالحل

السلام عليكم ورحمة الله وبركاته متل مابتعرفو كلكم انونحنا بوقت امتحانات للاولاد وبصراحة حابة نتناقش سوا بهالموضوع يعني ياترى هل انتو مع حرمان الطفل من التسلية واعطاءه مدة ساعة ونصف منفصلة لتكون فترة راحة له وان يكمل باقي الوقت دراسة او انوالمفروض مايكون عندو اي وقت فراغ غير بوقت الاكل والصلاة بصراحة كتير من الاهل اللي حولي بعرفهم محتارين بهالموضوع وخاصة انو مشكلة العصر مع الاولاد بهالايام الكمبيوتر وكرة القدم وعفكرة انا كمان باكتر الاحيان بحتار مع اولادي يعني مثلا ابني الكبير صف سابع محتارة شو بعمل معو لان بصراحة هو واخواتو مابقي اسلوب ماتعاملت فيه معهم انا ووالدهم ترغيب وحوافز وجوائز وترهيب وحرمان وكلو ببعض الاحيان بلا فائدة فانتو شوالحل برايكم ساعدونا لان هي مشكلة الكل غالبا ومشكورين سلفا:ndm:

ايواااا .. اختي جوري رح تخليني اعدل على فكرة الزواج والاولاد ..
حرام عليكي هبطتي معنوياتي هههههههه

بالنسبة للأولاد لازم يكون الهم وقت محدد للراحة .. لأنو ضغط الدراسة مابيفيد
والتركيز بيلعب دور .. يعني لو يدرس ساعتين بتركيز
احسن من دراسة 6 و7 ساعات مع تفكير مشتت

مثلا جربي تعمليلو برنامج .. إنو معك ساعتين تدرس كزا وكزا وبسمعلك
طبعا هو رح ينحصر بوقت محدد .. وكوني رفيقتو .. شجعيه بأنو مثلا
تقليلو لاتخلي فلان يصير احسن منك .. حسسيه بأنو هو كبير

حاكيه كرجل خاصة ابنك اللي صف سابع الله يخليه .. لأنو دخل مرحلة المراهقة
التشجيع المعنوي احسن من الجوائز .. وابتعدي كل البعد عن العنف

بالتالي كل طفل وقدراته .. على الاستعياب
لا تخليهن يتحملو فوق طاقتن .. هاد اهم شي

وبالتوفيق يارب

المحبة للجميع : دمعة فرح

تحتي لك أختي

هلا اختي

من وجهة نظري المفروض يكون عندهم وقت فراغ لان بهيك سن بكون عندهم طاقة لازم يفرغوها ومتلهم مايفرغوها الا بلتسلية

بعدين تتنشط ذاكرتهم ويرجعو يدرسوا

عم تقولي استراحة للاكل والصلاة انا مامعك بهي النقطة لان يادوب يجلسو نص ساعة وماتكفي الهم بشي

لان الهم قدرة على الاستيعاب وبعدها مايعودو يجمعو معلومات

وبلتوفيق انشاء الله

والله انا عم حكيكي عن خبرة عندي اختي صف خامس هالكتني وما لازم تعطيون استراحة ابدا ًلانو مافي وقت للأستراحة وبيكفي التلهاية اكل وشرب وحكي على قلي رفيقي وقلتلي رفيقتي كل شوي تلهاية جديدة وهو اسبوع الفحص وبيخلص ومعون اسبوعين عطلة يعملوا فيها اللي بدون ماتقولي لاولادك على اسمي بعدين بيدعو علي :z027:انشالله يكونوا من المتفوقين
وعلى سيرة الدراسة انا رايحة نام لفيق بكرا بكييير باااااااااااي تصبحي على خير جوري:z023:

شكرا دمعة فرح على رايك وصدقيني انا ماتركت اسلوب ماتعاملت فيه معهم واكتشفت انوحتى الناس اللي حولي بيعانونفس المعاناة الله يعيننا واناسعيدة بتواصلك معي

شكرا لك اخت نانو واخ ماهر على مشاركتكم الحلوة وادعولنا بالنجاح والتوفيق

اختي أنا رح أحكي وجهة نظري كطالب وممكن تكون تجربتي مفيدة الك

أول شي اذا كان الأولاد شاطرين وطول السنة عم يدرسو كل درس بوقتو ومذاكراتهم منيحة ، فما عليكي غير انك تخليهم يدرسو شوي وبراحعوا شوي ، ولا تضغظي عليهم لأنو هيك أولاد مجتهدين بيكونو خايفين على حالهم أكثر من خوفك أنتي

وبعدين لاتنسي ساعات الفجر
يعني اذا بيصلو الفجر وبيعقدو بيدرسوا من ال5 لل8، وبالنهار مراجعة خفيفة وخلصنا ، وخليهم باقي النهار يلعبوا ويساوو يلي بدهم اياه ،
وهي بتكون أحسن من كل دراسة اليوم ،

كمان يوم الأمتحان يفيقو من صلاة الفجر ويدسوا لوقت الأمتحان وان شاء الله بيكونو من المتفوقين

شكرا لك اخ عربي

أختي الكريمة

السلام عليكم

بصراحة لازم يكون لديهم نظام تعليمي وماتعملي عليهم أي ضغط زائد وشوفي أولادك ؟ مثلا أبنك بيحب الكمبيوتر شجعيه عليه وسجليه دورات ليطور نفسه

والله الضغط الدراسة مارح يفيد مو الكل رح يصير مهندس ولا الكل دكاترة ومحامين

حاولي تتقربي منهم مثل أصدقائك وبعدي عن الضرب أو الحرمان

وتابعي أصدقائه وحاولي أمامهم تكوني مثال

ولما يجي من المدرسة لازم تراعوا وضعه مو بس نضغط عليه على الصلاة والدراسة فقط !
لازم نشجعه على الرياضة والكمبيوتر والنزهات ليكون الشخص منفتح على المجتمع

أنا رأي

50% دراسة طبعاً مع وقت المدرسة
30% ترفيه
20% جلسات عائلية ونزهات

والله يوفقكم يارب :)

بسم الله الرحمن الرحيم

قال رسول الله صلى الله عليه واله وسلم

لاتجبروا اولادكم على اخلاقكم

فانهم مخلوقون لزمان غير زمانكم

--

الاولاد الصغار متل العجين الواحد بيشكلهم كيف مابدو

بس بقدر .

وبعدين الاولاد عندهم طاقة كبيرة

لازم يفضيها لان الشحنة الي بداخل الاطفال اذا ما طلعت

رح تسبب للولد ازمة عصبية وبتلاقيه مع الايام

منزوي لحالو

او بتعبير اخ متقوقع

كتر الشد بيرخي والضغط يولد الانفجار

وكل طفل الو صفات وامور مختلف عن طفل تاني وحتى لو كانو

اخوة

بعدين الاطفال بدهم تعب ماهيك

اختي جوري انتي اتذكري شو كنتي تعملي باهلك وانتي صغيرة

وكيف كانت ردود افعال اهلك عليكي

يعني بالعربي الفصيح كما تدين تدان

وهلا المتزوج وعندو اطفال عم يكيل بنفس المكيال

وفهمكم كفاية

دمتِ بحفظ الرحمن