يمه وينك !؟
أنا بنتك .. "ضي عينك " !
شوفي وش قرب المسافه بين أهدابي وبينك !؟
بس يمه إنتي وينك ؟!
يمه قومي ؟!
توني أصحى على الدنيا .. دخيلك لاتنومي !!
من يرتب لي الدفاتر ؟!
من يبدلي .. اهدومي ؟!
يمه بدري .. والله بدري! أتهجاها همومي!
يمه مات!
كل شي كنت أحسه " حي " في هذي الحياة!
" الأمل في رجعة الأحباب "
" صوت الإمنيات " !
وكل شي كنت أحبه ..
مر ..
ودعني ..
وفات !
طفلتك ماعاشت " إحساس الطفوله !
.................... فاقده في هالزمان .. إحساسها !
شافت إن الصبح .. ماتقدر تطوله !
.................... وإزفرت .. ونه ! ورى أنفاسها !
وإحضنت هالليل والورد .. وذبوله !
.................... لين مانامت .. على كراسها !
فيه شي لو قدرت إني .. أقوله !
.................... كان شفت الناس .. حبت ناسها !
يمه ضميني بنام !
خايفه أبقى لحالي عايشه وسط الظلام !
عام مر ..
ومر عام ..
وأنا كل ليله أتمتم : بكره تذبح لي حمام !!
يمه وينك !!
ماتت اللهفه بيدي .. تنتظر لهفة يدينك !
يمه خذيني معك ..
بس أشوفك .. وأسمعك !
ودي لو أقتل بصدري هالسؤال :
يمه وينك !!؟
\\
.
منقول:".
للشاعر المبدع / بركات الشمري
