نكت ظريفة
سألو حمصي: شو أخبارك مع الصيام؟ رد والله لولا الوضوء كنا متنا من العطش
مسافر حمصي في المطار عمبيفتشو امن المطار ام لقو معو بودرة بيضة فقالو شو هى اوعى تكون جمرة خبيثة فقالون الحمصي: وحدوالله ..هروين
كان في ولد حمصي غبي ساله الاستاذ مين من الحيوانات يصحينا على صلاة الفجر فقال الولد:بابا
فيه حمصي جاب له أبوه شريط إسلامي بدو ياه يعقل!! بعد أسبوع لقاه متحجب
وفي واحد حمصي بخيل عم يحترق بيتوقام علم للإطفائية على الجوال وفصل الخط
ال ليش الحماصنة بطلوا يزرعوا جوز؟؟ لأنهم صاروا يستخرجوه من المكدوس
محششين بدهم يفجروا مبنى، حطوا القنبلة اول طابق و طلعوا تخبوا عالسطوح!!!
قال في مرة واحد حمصي عم يحشش قام وقع من الطابق العاشر قام هو و واقع صار يقول يا رب آخر مرة، يا رب رح أصلي يا رب رح أصوم..... قام وقع على عربة قش لما وقف قال يا زلمة وقت يكون الواحد دايخ شو بيخطر بباله شغلات
ليش الحماصنة لما بحكوا تليفون بلبسوا جزمة؟؟ عشان ما يخِبصوا بالحكي !!
ليش السمسم غالي في حمص...... علشان بيلموه من البرازق !!!!!
كان في واحد حمصي بفيئ كل يوم مرعوب.. بيحلم أنو في سيارات شحن كبيرة عم تدعسو فراح لعند الشيخ وحكالوالقصة
فكتبلو حجاب وقلو حطو تحت راسك وانت نايم.فحطو ونام وصار يحلم أنو كل ماتجي سيارة وتوصل لعندو تلف وترجع !!!!!!
صار عندو فضول يعرف شوفي بالحجاب ..... فقال لحالو رح شوف شو مكتوببالحجاب .فتح الحجاب ولاقى مكتوب (أنتبه تحويلة(
حمصـي للعـظـم
في إثنين حماصنة واقفين على جسر حمص
رايحين على الشام كل مايوقفو باص
يقول لهم : ما في محل
وهيك انتظروا شي ساعتين
:حتى آخر شي وقف باص قالهم الشوفير
في مقعد واحد
إذا حابين واحد بيقعد على المقعد
والثاني بيركض وراء الباص
بس ليتعب ينقر لي على الشباك
قالولو أوكي ماشي الحال
والله طلع واحد على الكرسي
والتاني بلش يركض وراء الباص
وبعد شي ساعة دقلو للسائق على الشباك
اطلع السائق برفيقو
لقاه نايم
قال : ما حلوة نزعجه
قام ضل مكفى السائق إلى الشام
والثاني اللي عم يركض عم يدقدق على الشباك
هيك حتى وصلو عل الشام
قام فوراً نزل السائق و بلش يعتذر من اللي راكض
وقلو والله بعرف أنك تعبان
بس شفت رفيقك نايم و ما حلوة منّي أنو إزعجو
قام قلو : مو مشكلة بس أنا ما كنت عم دقلك لأني تعبان
قلو السائق : لكن من شان شو كنت عم تدقدق طول الطريق
قلو : لأنو يا غشيم , كان بدي ياك تنزلني بالنبك
عاشت حمص والحماصنة
حمصي إجتو بنت سألتو مرتو: شو بدك تسميها؟؟ قال: نورا على اسمعمتي هيفاء.
حمصي سألوه: شو أصعب شي بالدنيا؟؟؟ قال: إنك تحلق دقنك وانت عمتعلك علكة..
حمصي سافر على أمريكا وهو راجع عالشام شاف بالمطار مراية يللي بيوقف قدامها بتقلو كل شي عن حالو..
وقف قدام المراية قالتلو: انت بهاء من حمص وطيارتك بعد نص ساعة...
راح لبس خليجي ورجع... قالتلو: انت بهاء من حمص وطيارتك بعد ربع ساعة...
رد راح غير لبسو وصبغ شعرو ورجع. قالتلو: انت بهاء من حمص خليك عمتستهبل راحت عليك الطيارة.
حمصي انخطفت حماتو راح عند مرتو قلها: أمك انخطفت وبدهون فدية 100 ألف ليرة يا أما بيحرقوها بالبنزين وصرلي من الصبح داير بالحارة من بيت لبيت عم اجمع تبرعات..
قالتلو: وقديش جمعت؟؟؟
قلها: صار معي شي 50ليتر بنزين.
حمصي حبسوه لأنو قتل 25 واحد. بالمحكمة سألو القاضي: كيف بتقتل 25 زلمة؟؟؟ جاوب الحمصي: كنت ماشي بالسيارة يا غافل إلك الله فجأة عطل الفرام وقدامي منحدر, وعلى يميني ماشي زلمة لحالو وعلى يساري شي 24 ولازم روح يا يمين يا يسار انت لو محلي شو بتساوي؟؟
قال القاضي بروح يمين ادعس واحد أحسن ما ادعس 24.
قلو الحمصي: وانا كمان هيك قلت رحت يمين قام الحيوان راح عالطرف التاني قمت لحقتو ودعستون كلون.
حمصي ما عميقدر ينام قالتلو أمو روح عد للمية.
وصل للخمسين نعس كتير.. راح غسل وجهه ورجع كمّل
واحد ربح مليون ليرة راح لعند مرتو عميخبرها قام إجتها أزمة قلبية وماتت.. قال: الحمدلله يا ربي شلون بتبعت الخير دفعة وحدة..
حمصي قال لأبوه حابب كمل دراستي بره... قلو: خلي امك تفرشلك بالجنينة بس تغطى منيح لأنو برد..
حمصي بالجيش اسمه ثابت
كل ما يصرخ الضابط ثابت يقول : نعم سيدي !!!
الضابط يقول للحمصي: ياابني ما انتا ,أنا قصدي اثبتوا .
علم الضابط ان الوزير رح يزورهم وقال : أكيد ثابت بيفضحني ادام الوزير ، فأحسن لي ابعته اجازه .
يوم وصل الوزير صرخ الضابط : ثابت
صرخوا الحماصنة كلهم : مانو هون سيدي طلع اجازه
نكت من الشعب الحمصي المخضرم
مرة حمصي وقع على الأرض قالولو أجت سليمة
قالهم خليها تتفضل
مرة واحد حمصي طلعلو جني آم
غنى طلع البدر علينا
حمصي راح يشتغل شوفير تكسي في الصين
كل مايأشر له واحد يقول له : ما أنا لسه من شوي نزلتك
حمصية عايشين في شقة... و كل شهر بطردوا واحد... ليش؟
عاملين ستار أكاديمي
اثنين حمصية ,خطر ببال الأول يقول حكمة فقال:قلي من تصاحب أقول لك
من أنت, فقال التاني من تصاحب ؟؟ رد الأول من انت؟؟؟
حمصي راح للمستشفى قاله الدكتور لازم تسوي اشعه
قاله: وين الاشعه، قال الدكتور: اطلع الطابق الثاني وأشر له على المصعد
دخل الحمصي المصعد وشاف المرايا والانوار قام افتكر أنو هاي هي الأشعة
قام قلع تيابو
وقف المصعد وانفتح الباب شافته الممرضه وصرخت
قال الحمصي: لا تقولي سرطان !!
حمصي حيران سأل امه: ماما بس يكبروا صحابى مع مين بدي إلعب؟؟
