رسائل تحريضية تصل إلى " جوالات " المغتربين السوريين في السعودية وتساؤل عن دور شركات الاتصال

http://mgtrben.net/viewimages/21e292aa5c.jpg


وصلت عشرات الرسائل الالكترونية إلى عكس السير من مغتربين سوريين أغلبهم يعملون في دول الخليج يطلبون فيها تفسيراً للرسائل التي تصلهم على هواتفهم النقالة بعد أن أحجمت شركات الاتصال عن إعطاء جواب واضح وشاف بخصوصها .

وكان عدد كبير من المغتربين من مشتركي " الاتصالات السعودية " ( stc ) , فوجئوا بوصول رسائل إخبارية إلى هواتفهم , دون طلبهم الاشتراك في هذه الخدمة .

وكانت الرسائل بمجملها تحريضية , ومصاغة بطريقة أشبه إلى النداءات منها إلى الصياغة الخبرية .

وتقول إحدى الرسائل الالكترونية : " أنا سوري مقيم بالسعودية و من عملاء شركه الاتصالات السعودية وتصلني منهم رسائل إخبارية عن سوريا منذ فتره و الرسائل محرضة على نظام الحكم بسوريا بشكل أو بآخر ، و أنا لم اشترك بالخدمه ولم أستطع إلغاءها بأية طريقة ولدى ذهابي إلى الشركة والاستفتسار عن الموضوع قال لي الموظف إنه سيلغيها وأخبرته لماذا يتم إشراكي بخدمه لم أطلبها ، ولم يجد رداً مناسباً لإخباري " .

ويضيف : الرسائل تستهدف فئة الشباب من مشتركي الاتصالات السعودية و تحرضهم على الحكم في سوريا وزرع الحقد على البلد ، ولم تتم إلغاء الخدمة رغم الشكاوى العديدة التي قدمناها .

ويتساءل المغترب السوري في رسالته الغاية من إقحام السياسة , في مؤسسة من المفترض أن تكون خدمية كـ " الاتصالات السعودية " .

وفي رسالة أخرى تلقاها عكس السير من مغترب سوري يعمل مهندساً في الإمارات العربية المتحدة قال فيها : هناك حملة واسعة لتجنيد العديد من الشباب السوري في الإمارات وذلك من خلال شركات الاتصال ومن خلال موقع التواصل الاجتماعي " فيس بوك " حتى أن العديد من الشباب السوري تلقى مبالغ مالية كبيرة لقاء " تجنيده " .

يشار إلى أن سوريا تعيش حياة طبيعية في كافة محافظاتها , باستثناء محافظة درعا التي تشهد بين الحين والآخر احتجاجات وتظاهرات بمطالب خدمية ومكافحة للفساد في المدينة .


http://mgtrben.net/viewimages/7d7a429074.jpg

http://mgtrben.net/viewimages/36b1678aba.jpg

http://mgtrben.net/viewimages/d2fb046bfc.jpg

http://mgtrben.net/viewimages/d0e4473a1f.jpg

http://mgtrben.net/viewimages/f467efd147.jpg

مصدر عكس السير


وانا اصلا استغربت لما كانت امي تجيها رسائل اخبارية من غير اشتراك
مع انو اشتراك بالاخبار عن طريق الجوالات بمصاري
ويلي خلاني استغرب اكتر انهم اكتر شي اخبار عن سوريا
ماعم تجينا اخبار من بلدان تانية وتركيزهم على سوريا اكتر شي
شو الهدف يعني ؟؟؟

اي والله مزبوط كلام رورو

ونحنا نفس الشي كمان عم تجينا هالرسائل

بس اجمالا هالاخبار اكيد مكذوبة وملفقة والدليل هو هالحركة المشككة

وهاد التحريض مارح يجيب نتيجة وان شا الله يكون الجميع صاحي لهالنقطة المهمة

حركتن هي مشككة وبدن يثيرو اعمال شغب عنا الله لايوفقن

مشكوورة ريماس على طرحك الرائع

جاااري اللطش هع

يسلمن عيوني

أنا ما وصلني شي
غريب هالخبر
لاني كل رفئاتي و اهلي و اخوتي ما عندهم خبر

الله يستر .... بالكويت مافي مسجات لهلأ


King of Nothing

فتون الشركة بتكون stc اتصالات السعودية سوا وغيرها
اخواتي ورفقاتي كلن عم تجيهم رسائل ومجانية كمان
وماحدا مشترك
مع انو اخبار اشتراك لازم تدفعي مصاري
بس هالمرة مجاني وماعم تجي اخبار الا لسوريا بس
بقى ليش ؟؟؟

بس الحمدلله هالرسايل ما عم تنفع مع هدول الناس المشوهين نفسياً
لانه شعبنا اوعى من هيك بكتير وماله غبي لحتى يصدق هيك شي
الامور واضحى متل عين الشمس
والله يدم الامن والامان ببلدنا ويخلي رئيسنا بشار الاسد \موكذب ولا نفاق بس فعلا الله يخليه للبلد\
ونحن ما رح نقلد تقليد اعمى شعبنا مثقف وواعي وفاهم كلشي .............

اي ريماس انا خطي stc و بصراحة ما وصلني شي لا انا و لا سمعت بهيك شي على الاطلاق
لا رفئات و لا اهل و لا بأي مكان

ما فهمت وين المشكلة هالاخبار معظمها انا قرأتها على القنوات الاخبارية واي خبر من هادول الاخبار موجود على وسائل الاعلام المختلفة والاعلام الرسمي لا يتمتع بالشفافية والمصداقية ولا احد يصدقه وهذا يدل على وعي الشعب يعني مسرحية الاسلحة بالجامع العمري انا ما شفت حدا ع وسائل الاعلام العربية والعالمية صدقه حتى المحسوبين علي عظام رقبة حزب البعث الحاكم ما صدقوا هالحكي
وعالم كتير قالوا اخراج سيء جدا اسوا المحققين يعلموا ذلك
شي بيقولوا فتح الاسلام شي بيقولوا لبنانيين شي فلسطينين شي مدسوسين الشعب مل من هالحكي وبيعرف هالمسرحية يعني عملها قبلهم الاعلام الليبي
ومسرحية المدسوسين قالها فبلهم علي عبد الله صالح انو في غرفة بتل ابيب تدير الثورات حكي مستهلك من زمان وفاضي

فعلا هلا اتصلت برفيقي وسئلته لانه خطه stc
انا خطي موبايلي وقال انه عم تصله هيك رسايل واهلي كمان نفس الشي عم تصلن هيك رسايل
هي بس من شبكة الاتصالات السعودية stc

يمكن عم ينتقمو من السوريين لما هزمناهم 2 صفر بكأس اسيا 2011

ضحكتني وانللي اجابتك مقنعة كتير :z027:
والله يافتون مابعرف بس الاغلبية عم تصلهم
تقدري تتصلي وتتاكدي
انا بالمدينة وعم تجينا رسائل اخبار من الشركة الاتصلات وبالمجان من غير اشتراك
والاخبار كلها عن سوريا
يلي استغربتو لما صار مظاهرات بلبيا وبمصر وبتونس
مااجتنى رسائل اخبارية عنهم
وقت سوريا اجتنى اخبار على جوالتنا
واختي من شوي بعتت رسالة لشركة مشان تلغي الاخبار
ماردو لهلاء وعم يبعتو
بس اقنعني رد وونللي :z027:

ياجماعة خلي يكون عندكم وعي اكثر وادرسو الامر
تصرفات يلي عم تصير عم توحيلنا اشياء كتيرة
لازم مانغفل عنها

حرام عليكم تتمهزاوا وتقولوا انو هادي مؤامرة مانكم شايفين شو عم يصير بدرعا وانتوا فاضين بس لطق الحنك وهالحكي الفاضي يعني واذا اجت رسائل بدها تغير الي عم يصير على ارض الواقع بكفي سذاجة لسا عم تجي رسائل وما بعرف شو من الحكي الفاضي والله والشباب السوري واضح انو ما بيعرف الا المسخرة والحكي الفاضي هداك التاني قال اسيا قال روحوا دافعوا عن درعا اكثر من 60 قتيل هاد الي منعرفوا غير يلي ما منعرفوا الله اعلم في وانتي مديرة يا انسة ريماس والله خالد ما بعرف كيف سامحلك تكوني مديرة والله انتي مثال للفشل والفاشلين عم تدافعيلي عن قاتل اذا انتي الواعية المثقفة هيك عم تحكي ما بعتب على العوام مانك شايفة القتل والاعتقالات والقصف بالطيران اكيد انتي شايفة بس شكلها المخابرات السورية عرفانة كيف مظبطك الك ولغيرك وبدك تفصليني من هالموقع فصيليني اصلن انا ما بيناسبني انشر بموقع بيستهزأ بارواح السوريين مانك سمعانة النداءات الي بتجي من درعا استغاثات الامهات والثكالى حرام عليكن حرام لسا رسائل واشاعات كل الي عم نشوفوا على ارض الوقع اشاعات بكفي والله الي ماتوا بدرعا ما بيستحقوا مننا هيك اصلن درعا رح تبقى وصمة عار في جبين كل سوري كيف خذلناهم لك حتى بالدعاءلهم بخلنا عليهم اللهم انصر اخواننا في درعا اللهم بعزتك وجلالك انصر اخواننا في درعا اللهم منزل الكتاب مجري السحاب هازم الاحزاب احقن دماء اخواننا في درعا
عار علينا ان نقول نحن مسلمون عار عليك يا شيخ النابلسي والبوطي ويا مشايخ العشائر عار عليكم
والله سنسأل عن كل قطرة دم نزلت في درعا عار عليكم يا علماء سوريا يا مفتي سوريا
يا علماء الشام قوموا قوة رجل واحد علماء حلب انصروا درعا انصروا اخوانكم
االله على الظالم
وبالفعل شعب اذا ضرب الحذاء براسه صاح الحذاء باي ذنب اضرب
اللهم اني ابرأ اليك منهم ومن اقوالهم
قال شباب مثقف قال
حسبي الله ونعم الوكيل

اقتباس:

---

المشاركة الأصلية كتبت بواسطة hussam-86

حرام عليكم تتمهزاوا وتقولوا انو هادي مؤامرة مانكم شايفين شو عم يصير بدرعا وانتوا فاضين بس لطق الحنك وهالحكي الفاضي يعني واذا اجت رسائل بدها تغير الي عم يصير على ارض الواقع بكفي سذاجة لسا عم تجي رسائل وما بعرف شو من الحكي الفاضي والله والشباب السوري واضح انو ما بيعرف الا المسخرة والحكي الفاضي هداك التاني قال اسيا قال روحوا دافعوا عن درعا اكثر من 60 قتيل هاد الي منعرفوا غير يلي ما منعرفوا الله اعلم في وانتي مديرة يا انسة ريماس والله خالد ما بعرف كيف سامحلك تكوني مديرة والله انتي مثال للفشل والفاشلين عم تدافعيلي عن قاتل اذا انتي الواعية المثقفة هيك عم تحكي ما بعتب على العوام مانك شايفة القتل والاعتقالات والقصف بالطيران اكيد انتي شايفة بس شكلها المخابرات السورية عرفانة كيف مظبطك الك ولغيرك وبدك تفصليني من هالموقع فصيليني اصلن انا ما بيناسبني انشر بموقع بيستهزأ بارواح السوريين مانك سمعانة النداءات الي بتجي من درعا استغاثات الامهات والثكالى حرام عليكن حرام لسا رسائل واشاعات كل الي عم نشوفوا على ارض الوقع اشاعات بكفي والله الي ماتوا بدرعا ما بيستحقوا مننا هيك اصلن درعا رح تبقى وصمة عار في جبين كل سوري كيف خذلناهم لك حتى بالدعاءلهم بخلنا عليهم اللهم انصر اخواننا في درعا اللهم بعزتك وجلالك انصر اخواننا في درعا اللهم منزل الكتاب مجري السحاب هازم الاحزاب احقن دماء اخواننا في درعا
عار علينا ان نقول نحن مسلمون عار عليك يا شيخ النابلسي والبوطي ويا مشايخ العشائر عار عليكم
والله سنسأل عن كل قطرة دم نزلت في درعا عار عليكم يا علماء سوريا يا مفتي سوريا
يا علماء الشام قوموا قوة رجل واحد علماء حلب انصروا درعا انصروا اخوانكم
االله على الظالم
وبالفعل شعب اذا ضرب الحذاء براسه صاح الحذاء باي ذنب اضرب
اللهم اني ابرأ اليك منهم ومن اقوالهم
قال شباب مثقف قال
حسبي الله ونعم الوكيل

---

اولا اخي الفاضل حسام ياريت يكون كلامك اكثر لباقة ومارح اجادل من يعتبر نفسه يعلم بما يدور حوله
وهو في الحقيقة سفيه ويتفوه بالتفاهات والعلاك والحكي الفاضي
ولكن سأرد عليك بما اراه دفاع عن ماكتبته عني
ازا انت عم تشوف انو نقلنا للاخبار هو طئ حنك فرجينا شي من رجولتك ونخوتك وروح على درعة احسن ماتجي لهون عالملتقى
وتتشاطر بس بالحكي
بدنا نسمع اخبار عنك بعكس السير انو رحت لهونيك ولا يهمك ماحدا رح يحط هالخبر غيري
نحنا بدنا فعل مو حكي .. حاج بقا اعد هون وحاطط دابك وداب هالاخبار
هون انت عم تقول
روحوا دافعوا عن درعا اكثر من 60 قتيل هاد الي منعرفوا غير يلي ما منعرفوا الله اعلم
هاد يلي بتعرفو
ممكن اعرف شلون عرفتو ولا سمعت بس هالخبر شو يلي اكدلك هالخبر ؟؟
يعني انت عم تسمع هالاخبار ونحنا عم نقرا
مافي فرق بينا اوكي

هون انت كاتب
اكيد انتي شايفة بس شكلها المخابرات السورية عرفانة كيف مظبطك الك ولغيرك وبدك تفصليني من هالموقع فصيليني اصلن انا ما بيناسبني انشر بموقع بيستهزأ بارواح السوريين

انت بتعرف كلامك هاد على شو بيدل للاسف
بيدل على جهلك وصغرنة عقلك
ومين قلك انو نحنا عم نستهزئ بارواح السوريين
ولا هلاء انت طلعت يلي مافي متلك وهامك ارواحن
نحنا معن قلبا ورحا وعقلا وعم ندعيلن الله يفرج عنن وانا لو كنت شب ماكنت تشاطرت متلك بالحكي بس
كنت رحت واتضامنت معن

عار علينا ان نقول نحن مسلمون عار عليك يا شيخ النابلسي والبوطي ويا مشايخ العشائر عار عليكم
وعار عليك اخي الفاضل حسام لانو ماشفنا غير حكي
ولاتقول الدعاء فقط
لانو انت شب وعايش بسوريا ودرعا لازم تكون قريبة منك ولو بعيدة حتى بتقدر تروح وتفديهم بالدم

وانتي مديرة يا انسة ريماس والله خالد ما بعرف كيف سامحلك تكوني مديرة والله انتي مثال للفشل والفاشلين عم تدافعيلي عن قاتل اذا انتي الواعية المثقفة هيك عم تحكي ما بعتب على العوام
واذا اتتني مذمة من ناقص فهي شهادة لي باني كامل
اخي حسام بتشكرك كتير على اطرائك
اي بعتبرو اطراء مو ذم تعرف ليش
لانو بكلامك هاد حسستني بقيمتي والفشل الذريع ليس ماتقيمه انت
احترامي لك ولشخصك

تحيتي