فور ب : فور يو

المقادير لشخص واحد :



1- بيض عدد 2
2- بقدونس مفروم : شوية
3- بندوراية واحدة صغيرة مقطعة ناعمة .
4- ملح وفلفل .
5- بصلة بيضة بتقرش






- نأتي بالبيض ونحطون بطنجرة صغيرة ومنعبيها مي لحتى ينغمرو ..
- منشعل الغاز تحتون .... ومنحط معلقة صغيرة ملح حتى يتقشروا بسهولة (سر الخلطة)
- بس تغلي المي بدك تعير الساعة 10 دقايق وتنوص النار .
- بعد عشر دقايق اطفي الغاز وكب الميات وطلع البيضات سخنين علم يلهلبو .
- قشرون بدون ما تفتح المي عليهون حتى يضلو سخنين .. لاتخاف بيتقشرو بسرعة بتطلع القشرة قطعة وحدة بسبب السر .

بعدين جيب صحن وسكينة وبلش قطعون بالسكين .... جيب البندورات الناعمين والبقدونس ... وادلقون فوق البيضات .... رشة ملح حسب الرغبة ورشة فلفل حسب الرغبة وبعدين بنحط شوية بصل مفروم ورشة زيت بلدي حسب الرغبة ومحبة طعمة الزيت بالاكل

بس خلصت ( صفي الجلي اغلظ شي ) وصحتين وهنا .... ظريفة كتير للمغتربين وأزواج الموظفات
يقول ابن سيبويه عن سبب التسمية ب: فور ب لان لها اربع مكونات تبدأ بحرف الباء : ب يض
ب قدونس
ب صلة
ب ندورة

هههههههههه
يبعتلك الهنا نسيت البطاطا المسلوقة كمانة ولو بكون بصل أخضر بتطلع اطيب ^_^
قلك على سر تاني لتقشير البيض بسهولة :لما تطلع البيضة من مية السلق دغري حطن بمي مصقعة تلج لثواني
وبعدين قشرن بسهولة تامة
يسلمو كتير لزيزة
تحياتي ............

عفكرة البطاطا كمان بتبدى بل (ب) يعني ما رح تنتزع تركيبة الإسم :z019:

مبلى بتصير فايف ..ب

شكرا انس عمنعذبك معنا بهالوصفات :z019:

ولايهمك قريبا طريقة صنع الفلافل