ابكيك ياوطن وادير الخد مااريد شامت فيك يواسيني
معود على الفراق وتظل طفل عليك النوم يجافيني
احسك طير عالاغصان مهما اتوه تظل الحانك عليك تدليني
احسك ارضي وسماي واحسك عروقي فيك تنبض شرايني
احسك مثل هالروح ويم ما روح تظل ساكنا فيني
فطمت العين على ثغرك وكثر اوجاعك تشب نياريني
اشتاقلك وانا فيك اشحال لاصار دمك مخاويني
ترابك ذهب بالصيف ومحلى فيك امطار تشاريني
اليوم القمر لا غاب ناطره ولا رياح البعد ترميني
احضنك ونا المحزون واشوف اطفالك امل يناديني
تدري مااهاب الموت واخاف بغير ارضك الآجال توافيني
رزقي على المعبود وخبزوماي فيك راضي ويكفيني
سامحني يوم القاك بعد غيبة بحضن دافي لاقيني
تدري غصب عني لاجل الله واجل اهلي وعيون فيك تغليني
اغنيلك لاجل ما نامولا ترضى بغير اشواقك تهل عيني
غالي وزينة الاوطان وخاينك يخوني ظلم مندس يسميني
اساله بالله يا وطن او بربه اذا هو ماعلى ديني
من حرق الانفاس لاجل تبقى ربوعك زهور ورياحيني
اساله عليش الشعب محروم يهاجر وهو كانز ملايني
اسال قصوره برمضان كم طفل جوعان زاده يبكيني
والعيد فرحة الاسلام كم خاطر ام مكسور بحرقته يكويني
كذاب فعل وقول فاسد ظاهرك وباطنك يعاديني
اساله بالله ياوطن اوبربه هبل ماهقيته على ديني
هابيل قتل قابيل ومقابره جماعيه يشوهني ويرميني
مو على شرعي يدفني يخاف الناس تلومه وتطريني
اناالشعب ياوطن ومافي غيرك فيك يعزيني
ياوطن انا الشعب اريد احميك واريدك دوم حاميني
تحملني على الكفوف وعلى راسي اجعل ترابك يناشيني
