مصطلحات , حلبية

اللهجة الحلبية
امتازت اللهجة الحلبية عن غيرها من اللهجات السورية بأنها فريدة من نوعها ولا يوجد لها مثيل على الإطلاق
واليكم بعض المفردات الشائعة الاستعمال
جدبه : يعني مجنونة
سكرتون: يعني خزانة
أبوس روحك : للمدح
ورصاص : يعني دعاء بالموت وأيضا يبلاك بقتلك يعني دعاء بالقتل والضرب
لاتجقجق يعني لاتدوس على الماء ( هي إذا كان الأرض مغسولة)
بتاتا يعني البطاطا (البطاطس )
مجأجأ ...... مرطب
عوجه .... كوع
خلق .... عالم
و كلكم تعرفون أغنية فيروز ( شئد في خلق عالعوجة تنطر خلق )
كما امتازت اللهجة الحلبية .. بأدوات إشارة خاصة فينا .. يعني العرب كلهوهن كوم.. ونحن كوم تاني .. وهنن
كوهنه ... للمذكر القريب
كيهنه .. للمؤنث القريب
كوهاك .. للمذكر البعيد
كيهاك .. للمؤنث البعيد
كوهاكيي .. لجمع المذكر البعدين
كيها كين .. لجمع المؤنث البعدين
كوهنن .. لجمع المذكر القريب
كيهنن .. لجمع المؤنث القريب
وطبعا للسهولة في اختصارات كمان
اختصار المذكر القريب . . كو
اختصار المؤنث القريب .. كي ههههههه الله وكيلكون هي بس مفردات الإشارة
.. بس مشان تصدقوا شقدلهجتنا نحن الحلبية غنية ..
روح قلبنا نجقجق
ومن الأختصارت أيضا
تاااا بدل من تعال
رووو بدل من روح
ما راي بدل من مالي رايح
أبخالتي بدل من ابن خالتي
شأساعه بدل من شقد الساعة
أشلك فصتون يعني بالشامي شو بدك فيون
ونانتي يعني جدتي
وكمان : جنق ... هي الصحن
فرتيكه .. هي الشوكة
خوليه .. هي البشكير
أرمغان .. هي الهدية
جمجايه .. ههههههههه هي يعني معلقه السكب المقعرة
أستنوا لسا ماخلصت اشبكن في كمان
خيت وخيتو --- يعني أختي
خاي وخيو ---يعني أخي
جلق --- دمه ثقيل
اشبك --- سؤال استفسار
وجع --- دعاء بالألم
خوته --- معه صراع
فلته --- واحد شاطر
كرتاية ----> سكجا يلي بتدخل فيها اكندرة
أنضرة ----> الكندرة
باذنجان----> بانجان
دي بقا ----> لك لك
علوّا .... أي يا حبذا

كوهنه ...
كيهنه ..
كوهاك ..
كيهاك ..
كوهاكيي ..
كيها كين ..
كوهنن ..
كيهنن
هو بس سؤال مع احترامي لكل اهل حلب متأكد انو حلبي مو ياباني او صيني او هيك شي؟

حلبي ام الرور حلبي وبحت كمان


لسا في كتير خيرات الله



يسعد صباحك وجمعة مباركة

صباح النور وجمعتك خير وبركه

مصطلحاتنا غير شكل
نطقا احلى من الكتابة
يسلموووووو ماهر
بعض هالمصطلحات بتستخدموها انتو كمان
مثل كوهاكي هههههههههههههههه

يسلمووووووووووووووووووو ماهر :z025:

ههههههههههههههههههههههههه
بصراحة مالازم اضحك عليها لانو هي لغيتي بس انا بحكي هيك ابدا بس بسمعا لما انزل ع سوريا

تحياتي

هلا والله نورتو حياكم الله


صح ريماس متل كوهاكي بس مين قلك ولوووووو


انا لهجتي مو معروفة ابدن بس اقرب شي للادلبية واكتر كلمة استخدمها ( اشو)

لك ضيعتنا كلها ضايعة مو موجودة على الخريطة ضلت على اللغة