السلام عليكم
هيدي اتصلت ع برنامج بالإذاعه وكان الحوار الآتي:
>>> آلو: برنامج فش خلئك...مين معنا؟؟
>>> أنا أم عبدو...يعطيك العافيه خيوو
>>>أهلين أختي أم عبدو..تفضلي شو مشكلتك..؟؟!!
>>>يعني عبيسرئ...؟؟!!
>>> لاء ..عبيضرب..يبليه بكسر إيديه..ع الريحه والجاي عبضرب ضرب وخبط
آيخر ئتله ماعرفت حالي ئدام المراي..والله العظيم صرت أخجل ئدام خلاني وأصهرتي
شي عيني زرئه http://board.syriarose.com/images/smilies/71.gif..شي عبعرج..شي تمي ورمان..والله انهرى جسدي وعدمت عدمان
>>> وشلون ساكته ما اشتكيتي للشرطة..؟؟
>>>لاء يا لطيف مو خسى..أنا بدخل أبو عبدو عالحبوس والله اذا بشئفني شئف مابفتح تمي..
>>> والله بنت حلال..طيب ماحاولتي تحكي معو وتحلي مشكلتك بالتفاهم؟؟
>>> طيب حكيتي شي لأهلو أو أهلك عن هالمشكله؟؟
>>> أعوذ بالله أنا بخلي حدا يشمت فيني وأجعزو لأبو عبدو بكلمة..
يابو لازم المرة تكون ستر وغطا على جوزا ..هيك تعلمنا
>>> والله فعلاً أصيلة، طيب بهالحالة بدك تاخدي حسبك الله وتتحمليه...!!
>>> لايمت..لوئت ما يسئطني..بلا يمين عملي رعبه ..هو بيدخل عالبيت وأنا بتمسكني الرجفه ..برجف رجف من سناني
وبتتربط إيدي..والله العظيم ما بعرف منين بدا تجيني الخبطة..ئال إشو ئلي انتي متل السجادة العجميه...كل ما دستك بتتجوهري خخخخخخ..انشالله بتتفتئ إيديه هالظالم..
>>> طيب يمكن يكون في حئ عليكي..!!!
>>> ليش يابو..يصحلو..أخدني بنت 12 سنه ..كويسة وزنكيلة ..وبنت عيلة..وأمي طالعتني طلعه بتاخد العئل..http://board.syriarose.com/images/smilies/22.gif
نعني اذا حرئتلي طبخة بالجمعه مرة..أو دخل لائى البيت نشح والولاد ف السئايئ وانا عند الجارة بتخرب الدني.. يعني والله جريمة هي
>>> طيب ما فكرتي بالطلائ؟؟
>>> ييي أعوذ بالله ..كل شي إلا الطلائ لك خاي.. يما يئبرني مافي من طيبة ئلبو وكرمو وجلبو ..بيدخل علي محمل مكمل بحامض وحلو ولفان..
وكل عيد ..كل عيد ...إلي تفريعه خخخخخخ ومانطوي وشحاطه جديدةhttp://board.syriarose.com/images/smilies/24.gif ..والله صرت أخاف من عين الجويرين خخخ
>>> طيب ما دام عندو حسنات وعندو سيئات ..شي بيشيل شي..!!
>>> ييي دخيلك ع هالحسنات ..ربي....يابو بدخل امير بيطلع ملك..لسان زفر.. فوء كل شي عينو لبرا..أنت متل اخوي
خيووو والله تعبت
>>> طيب رحتي شي لجمعيه كف العنف ضد النساء..يمكن يساعدوكي
>>> أي سمعت عنون هدول جماعه خرابين بيوت العالم ..بكرا بئلولي طلئيه.. كرامتك وكيانك وهالحكي الفاضي
لا يبو لا..أبو عبدو تاج راسي وسندي ..يكفني بإيديه ربي.
