يابنات بدي اسألكم ؟

يابنات بدي اسألكم ..كم سؤال ..جاهزين!!.......... اول شي بعتذر لانو اللون اسود والخط صغير بسبب اختفاء شريط التنسيق عندي وليش ماحدا عرف حتى ( دمعة وريماس ماعرفوا) طيب كلو ماشي بنرجع للموضوع .......... بصراحة اذا خطيبك يلي بتحبي اللك بلا حفلة عرس وبنطلع شهر عسل على تركيا بتفقسي الزواج وبتحلقي لعريس الغفلة ؟؟؟........... اذا عم تحلمي يجيكي عريس متل ايزل او مراد علم دار ( رجال رجال يعني )واجاكي عريس مناسب من كل النواحي بس بيشبه مهند يعني( طنط ) شو بتعملي ؟؟............ اذا الدنية مافيا مولات وبحر واركيلة شو بتساوي ؟؟؟............ اذا ارغموكي تقرأي كتاب كل اسبوع او تجلي الجلي كلو لحالك بدون مساعدة شو بتختاري؟؟............. اذا واحد ماشفتي بحياتك وبتعرفي عالنت بس قلك بحبك شو بتجاوبيه؟؟؟......... اذا رفيقتك قالتلك انو هية اليوم تجرأت وحكت مع شب وهية اللي بلشت الحديث شو بتقولي لها ؟؟؟............ اذا مرت سنة عليكي ورمضان قرب والمصحف الشريف لم تفتحيه منذ رمضان الماضي ماذا تقولي لنفسك ؟؟؟؟

راح جوابك بس على الاسئلة يلي بدها اوكي

والله نحنى اللي بنتعذر بسبب عدم التنسيق
مابعرف ليش ماعم يزبط معك ..!!

عجبتني الاسئلة ورح جاوب
بسم الله ..

بصراحة اذا خطيبك يلي بتحبي اللك بلا حفلة عرس وبنطلع شهر عسل على تركيا بتفقسي الزواج وبتحلقي لعريس الغفلة ؟؟؟

لا العرس وجمعة الاهل والاحباب مابتتعوض اما سفرة تركيا بتتعوض .. بتحايل عليه
وبخلي ياخدني شهر عسل ولو بعد فترة من الزواج ههههههههه .. استغلالية بهيك امور:blush-anim-cl:

اذا عم تحلمي يجيكي عريس متل ايزل او مراد علم دار ( رجال رجال يعني )واجاكي عريس مناسب من كل النواحي بس بيشبه مهند يعني( طنط ) شو بتعملي ؟؟

سبحان الله شخصيات المسلسلات التركية مابطيقا لأنو طلعو عن الواقع كتييييييير
فما بتزبط رجال وطنط متل مهند .. ( الله ييسرله ):z066:

اذا الدنية مافيا مولات وبحر واركيلة شو بتساوي ؟؟؟

اركيلة مابقربلا والحمدلله
البحر بخاف منه
بس المولات صعب التخلي عنها :z019:

اذا ارغموكي تقرأي كتاب كل اسبوع او تجلي الجلي كلو لحالك بدون مساعدة شو بتختاري؟؟

على حسب نوع الكتاب بس انا بحب اجلي الصحون لهيك بختار اجلي الصحون:z055:


اذا واحد ماشفتي بحياتك وبتعرفي عالنت بس قلك بحبك شو بتجاوبيه؟؟؟

حبك برص هههههههههه:z018:

اذا رفيقتك قالتلك انو هية اليوم تجرأت وحكت مع شب وهية اللي بلشت الحديث شو بتقولي لها ؟؟؟

لا انا واثقة من رفقاتي وازا وحدة هيك قالت قدامي مابتهمني هي حرة
كل مين الو عقلو بيفكر في .. انا عليي انصحها بس !:z034:

اذا مرت سنة عليكي ورمضان قرب والمصحف الشريف لم تفتحيه منذ رمضان الماضي ماذا تقولي لنفسك ؟؟؟؟

الحمدلله بقرا قرآن :blush-anim-cl:


اسئلة حلوة وظريفة .. بإنتظار كل جديدك أنس
ارقى واعذب التحايــا

http://www.mayyar.com/album/data/media/16/186.gif

:z025:

مـــــــــــــــــــــــــــــــــــــــــــــــــ ــــــــاشي الحال

بصراحة اذا خطيبك يلي بتحبي اللك بلا حفلة عرس وبنطلع شهر عسل على تركيا بتفقسي الزواج وبتحلقي لعريس الغفلة ؟؟؟.
ج1 = بقلوا اوكي خلي طلعت تركيا على حسابك وبخلي بابي يعملي عرس يعني ما بروح ولا واحدة علي خصيصا اني دلوعة بابا
اذا عم تحلمي يجيكي عريس متل ايزل او مراد علم دار ( رجال رجال يعني )واجاكي عريس مناسب من كل النواحي بس بيشبه مهند يعني( طنط ) شو بتعملي ؟؟
ج2= ما بقبل لانوا انا ما بحب الرجال البارد او طنط وبضحك عليه وبتمسخر لانوا هداء مو رجال هداء شبه بنت واحلى شي انو تكون رجوليت الشخص ظهرة عليه بس مو لدرجة التسلط
اذا الدنية مافيا مولات وبحر واركيلة شو بتساوي ؟؟
ج3=عادي اقرب جبل وبزت حالي هههه عم امزح والله عادي اهم شي يكون في بيبي يعني البلاك
اذا ارغموكي تقرأي كتاب كل اسبوع او تجلي الجلي كلو لحالك بدون مساعدة شو بتختاري؟؟..
ج4=الكتاب طول الاسبواع اما الجليات كل يوم لا والله كتاب
اذا واحد ماشفتي بحياتك وبتعرفي عالنت بس قلك بحبك شو بتجاوبيه؟؟؟
بقوال بهديك هالغنية كلمة كلمة http://www.youtube.com/watch?v=jDN1Cha-i8c&NR=1
اذا رفيقتك قالتلك انو هية اليوم تجرأت وحكت مع شب وهية اللي بلشت الحديث شو بتقولي لها ؟؟
بقوال شو نوع العلاقة وشلون اذا على الجوال بخليها تترك كل شي اما على نت بسالها شو نوع العلاقة يعني اذا هيك منتدى بقوال عادي اما حب وغيروا انا بكره الحب وعندي اسبابي:z09:ما بحبوا
اذا مرت سنة عليكي ورمضان قرب والمصحف الشريف لم تفتحيه منذ رمضان الماضي ماذا تقولي لنفسك ؟؟؟؟
مستحيل المدراسة استغفر الله تعذيب مع القران منحفظ كتير قران


عم انتظر تعليقك:z036:

دموووعة اجوبتك تدل على شخصية متوازنة ذكية قنوعة ..... متحفظة تفكرين جيدا قبل اتخاذ اي قرار مرحة ..محبة للحياة ......واقعية .

اقتباس:

---

المشاركة الأصلية كتبت بواسطة انس.

دموووعة اجوبتك تدل على شخصية متوازنة ذكية قنوعة ..... متحفظة تفكرين جيدا قبل اتخاذ اي قرار مرحة ..محبة للحياة ......واقعية .

---

ماشي حالي يعني هههههههههههههه
شكرااااا كتير للتحليل الي اغلبه صح
بس عندي نقص بالقناعة :z019:

غروري اجوبتك تدل على شخصية طموحة حنونة محبة للمغامرة عصبية متسرعة .....لطيفة جدا

عن جد صح شو عرفك :z060:

السلام عليكم
اذا خطيبك يلي بتحبي اللك بلا حفلة عرس وبنطلع شهر عسل على تركيا بتفقسي الزواج وبتحلقي لعريس الغفلة ؟؟؟
بدي اعرف بالاول ليش رفض يساوي الحفلة ...اذا فقير ومعتر عادي بس على الله يوافقوا اهلي.
اذا عم تحلمي يجيكي عريس متل ايزل او مراد علم دار ( رجال رجال يعني )واجاكي عريس مناسب من كل النواحي بس بيشبه مهند يعني( طنط ) شو بتعملي ؟؟
طبعا ايزل مهند ما بطيقه
اذا الدنية مافيا مولات وبحر واركيلة شو بتساوي ؟؟؟
عادي وين المشكلة ؟؟؟
اذا ارغموكي تقرأي كتاب كل اسبوع او تجلي الجلي كلو لحالك بدون مساعدة شو بتختاري؟؟
كل اسبوع كل اسبوع؟؟؟انا صحيح بحب القراءة بس ما بحب حدى يجبرني
اذا واحد ماشفتي بحياتك وبتعرفي عالنت بس قلك بحبك شو بتجاوبيه؟؟؟
no comment
اذا رفيقتك قالتلك انو هية اليوم تجرأت وحكت مع شب وهية اللي بلشت الحديث شو بتقولي لها ؟؟؟
تضربي ما اوقحك ههههههههه
اذا مرت سنة عليكي ورمضان قرب والمصحف الشريف لم تفتحيه منذ رمضان الماضي ماذا تقولي لنفسك ؟؟؟؟
الحمد الله عم افتحه ومع هيك برمضان بحس عنجد اني مقصرة كتير الله يغفرلنا جميعا
يسعد مساكم جميعا ومشكور اخي انس عالفكرة المهضومة

نور ...لديك عزة نفس عاطفية صريحة اجتماعية صبورة حالمة ذكية

مرسي اخي انس اعتبره مجاملة ولا شو هههههههههههه
صبورة... مو كتير بس عم حاول كون صبورة قدر الامكان
لدي عزة نفس...ومع هيك بتنازل كتير مشان اللي بحبهم

يابنات بدي اسألكم ..كم سؤال ..جاهزين!!
اي جاهزين الله يستر :z019:

.......... اول شي بعتذر لانو اللون اسود والخط صغير بسبب اختفاء شريط التنسيق عندي وليش ماحدا عرف حتى ( دمعة وريماس ماعرفوا)
اي والله شي غريب هيك عم يصير معك :z026:

طيب كلو ماشي بنرجع للموضوع ..........
تيب رجعنا للموضوع:z032:

بصراحة اذا خطيبك يلي بتحبي اللك بلا حفلة عرس وبنطلع شهر عسل على تركيا بتفقسي الزواج وبتحلقي لعريس الغفلة ؟؟؟...........
لا شو افئس الزواج يبعتلك الهنا الهي :blush-anim-cl: .. انت ئلتا عريس الغفلة يعني مابتزبط افئسا ابدا هههه
بحبو كتير والامور الدنيوية مابتهمني طول ماهوي بجنبي :cloud9:
بس انا بشطارتي رح اكولك عليه واخليه ينفذ التنين :showoff:


اذا عم تحلمي يجيكي عريس متل ايزل او مراد علم دار ( رجال رجال يعني )واجاكي عريس مناسب من كل النواحي بس بيشبه مهند يعني( طنط ) شو بتعملي ؟؟............
عقولة دمعة فرح مافي شي من هالشي بالواقع لهيك انا مابحلم الا بخطيبي وبس .. سيد الرجال والله :inlove:

اذا الدنية مافيا مولات وبحر واركيلة شو بتساوي ؟؟؟............
مولات ماتئربلي عليها ايواا :pirate2:
البحر بحب اتنفسو بس مابحب اغطس فيو بيخطرلي شي معلاء من الي بالبحر يتحكرش اجري من تحت وانا طبعي بخاف من الصرصور فكيف بالبلاوي الي بالبحر ولي ياإمي :compress:
اركيلة ماعمري جربتا الله يخلصنا منها من الدنيا

اذا ارغموكي تقرأي كتاب كل اسبوع او تجلي الجلي كلو لحالك بدون مساعدة شو بتختاري؟؟.............
ليش من شو بيشكي الجلي يابعدي .. اما الكتاب مابحب انجبر عليه لفترة معينة لانو بمل
بحب باوقات استمتع فيا بالقراءة حسب المراااء
اما الجلي مجبرة فيو واحسن مابدي مساعدة حدا ولا منية حدا

اذا واحد ماشفتي بحياتك وبتعرفي عالنت بس قلك بحبك شو بتجاوبيه؟؟؟.........
بقلو تحبك حية بسبع رووس ياحئ كل راس يئرصك من ئرنة

اذا رفيقتك قالتلك انو هية اليوم تجرأت وحكت مع شب وهية اللي بلشت الحديث شو بتقولي لها ؟؟؟............

بئلا تضربي شو دبة تئلي حالك وليه .. من باب الموانة يعني

اذا مرت سنة عليكي ورمضان قرب والمصحف الشريف لم تفتحيه منذ رمضان الماضي ماذا تقولي لنفسك ؟؟؟؟
الحمد لله كمان مابقطعو بس بوجه نصيحة لكل مين فكر يهجر القران
حطو ببالكن انو هو شفاء للصدور من كل حقد وضغينة
رجعو للقران فإنه يأتي يوم القيامة شفيعا لاصحابه


موضوع كتير حلووو اخي انس
دائما مميز بطرحك
يعطيك العافية
تحيتي لك

يا متوحشة يا ريماس (بقلو تحبك حية بسبع رووس ياحئ كل راس يئرصك من ئرنة )

ريماس ...مثابرة تجاهدين وبشراسة غريبة للوصول لهدفك ...متفتحة ...واثقة ...وافعية ....سريعة البديهة ...............حنونة...

بصراحة اذا خطيبك يلي بتحبي اللك بلا حفلة عرس وبنطلع شهر عسل على تركيا بتفقسي الزواج وبتحلقي لعريس الغفلة ؟؟؟...........
ما بقبل يعني منأجل العرس بين ما يدبر التنتين لكا شو انا قليلة
اذا عم تحلمي يجيكي عريس متل ايزل او مراد علم دار ( رجال رجال يعني )واجاكي عريس مناسب من كل النواحي بس بيشبه مهند يعني( طنط ) شو بتعملي ؟؟............
طبعا ايزل لكا بدي واحد يكون رجال يقبر قلبي واحس بأمان معو ويخاف علي مو مواحد اقعد مسحلو دموعو وراضي
اذا الدنية مافيا مولات وبحر واركيلة شو بتساوي ؟؟؟............
اركيلة.... مو فارقة
بحر.... بحب اتمشى جنبو بس ما بطيق المي يعني عادي
اما المول بنتحر بسرعة ×( وبعدين بنصحك ما تسأل هاد السؤال للبنات بعدين بينجنو)
اذا ارغموكي تقرأي كتاب كل اسبوع او تجلي الجلي كلو لحالك بدون مساعدة شو بتختاري؟؟.............
بصراحة ما بعرف اجلي , بس بحب اقرأ كتير بس اذا حدى اجبرني بعمل العكس بعني ما بقرأ
بس يالله شو بدي اعمل ما بعف غير اقرأ يعني بختار الكتاب
اذا واحد ماشفتي بحياتك وبتعرفي عالنت بس قلك بحبك شو بتجاوبيه؟؟؟.........
والله بشرشحو ايوا انا مو سهلة ويعني اقل شي بعملو ما بعود برد عليه
اذا رفيقتك قالتلك انو هية اليوم تجرأت وحكت مع شب وهية اللي بلشت الحديث شو بتقولي لها ؟؟؟............
طبعا اذا رفيقتي من المقربين الي كتير طبعا بنصحا وبقلى تلغي الموضوع من الراسا وتعملو ديليت وبهدلا اذا اطر الامر لانو بطبيعتي ما بحب هل شغلات
اذا مرت سنة عليكي ورمضان قرب والمصحف الشريف لم تفتحيه منذ رمضان الماضي ماذا تقولي لنفسك ؟؟؟؟
لا الحمدالله بقرأ قرآن بس يعني مو متل برمضان مشان هيك بحس حالي مقصرة


شكرا انس
يالله عم استنا تحللي شخصيتي .....بسررررررررعة

اذا خطيبك يلي بتحبي اللك بلا حفلة عرس وبنطلع شهر عسل على تركيا بتفقسي الزواج وبتحلقي لعريس الغفلة ؟؟؟...........ما بتوقع اني اترك حبيب عمري مشان عرس او سفره لبرا بتوقع العلاقه اعمق من هدون الشغلات

اذا عم تحلمي يجيكي عريس متل ايزل او مراد علم دار ( رجال رجال يعني )واجاكي عريس مناسب من كل النواحي بس بيشبه مهند يعني( طنط ) شو بتعملي ؟؟.الرجال البحبو بعيوني بيسوى كل رجال العالم وهو تاج فوء روسهم كلهم


........... اذا الدنية مافيا مولات وبحر واركيلة شو بتساوي ؟؟؟...........المولات مو رفقا انا وهي والارجيله اعوذ بالله من غضبه والبحر عادي بعبي المغطس وبضحك على حالي


. اذا ارغموكي تقرأي كتاب كل اسبوع او تجلي الجلي كلو لحالك بدون مساعدة شو بتختاري؟؟............



ولو كانو التنين سوى وين المشكله بجلي وبقرء



. اذا واحد ماشفتي بحياتك وبتعرفي عالنت بس قلك بحبك شو بتجاوبيه؟؟؟.........


لو ما بعرفو شي طبيعي بحكيلو الجمله المشهوره تبعيت اختي حبتك حيه بسبع روس





اذا رفيقتك قالتلك انو هية اليوم تجرأت وحكت مع شب وهية اللي بلشت الحديث شو بتقولي لها ؟؟؟.........
ممكن بحكيلها انو غلط لانو بنظري غلط

... اذا مرت سنة عليكي ورمضان قرب والمصحف الشريف لم تفتحيه منذ رمضان الماضي ماذا تقولي لنفسك ؟؟؟؟ شي طبيعي بلوم حالي وبحاسبها بس الحمد لله رب العالمين بقرء قران مو بشكل مستمر واكزب عليك بس بشكل مقبول وبتمنى اني استمر بالقرائه بشكل يومي والله المستعان على هاد الشي




تحياتي وودي رهام

قبل ماتسألني اخي انس انا برحب فيك بما انك عضو جديد انا ما كنت موجودة لما صرت اخ جديد النا لهيك اهلا وسهلا فيك وانا بإذن الله رح جاوبك بكل صراحة وبدون كذب
يابنات بدي اسألكم ..كم سؤال ..جاهزين!!.......... اول شي بعتذر لانو اللون اسود والخط صغير بسبب اختفاء شريط التنسيق عندي وليش ماحدا عرف حتى ( دمعة وريماس ماعرفوا) طيب كلو ماشي بنرجع للموضوع .......... بصراحة اذا خطيبك يلي بتحبي اللك بلا حفلة عرس وبنطلع شهر عسل على تركيا بتفقسي الزواج وبتحلقي لعريس الغفلة ؟؟؟

لا اناما بحلق للعريس بس بقنعو انو احلى الشي العرس بالنسبة للبنت وبلاها روحة تركيا
........... اذا عم تحلمي يجيكي عريس متل ايزل او مراد علم دار ( رجال رجال يعني )واجاكي عريس مناسب من كل النواحي بس بيشبه مهند يعني( طنط ) شو بتعملي ؟؟

ولي على امتي والله بضل ببيت اهلى ولا باخد واحد متل مهند ايييع


............ اذا الدنية مافيا مولات وبحر واركيلة شو بتساوي


انا البياع اللي بحارتنا بيكفيني وأركيلة لا بطيقا ولا بطيق اللي بيشربها لانها بتقرف بس البحر اسمحلي مافيني بلا ابدا كتير بحبو


؟؟؟............ اذا ارغموكي تقرأي كتاب كل اسبوع او تجلي الجلي كلو لحالك بدون مساعدة شو بتختاري؟؟


انا من دون ما حدا يقلي لازم اقرا دايما لانو الكتاب رفيقي الدائم وبحب مجلة العربي الشهرية روعة كتير منوعة بنصحكون فيها بس العربي الكبير مو الصغيرر هههه.............


اذا واحد ماشفتي بحياتك وبتعرفي عالنت بس قلك بحبك شو بتجاوبيه؟؟؟........


انا ما بحكي مع شباب ما بعرفون عالنت


. اذا رفيقتك قالتلك انو هية اليوم تجرأت وحكت مع شب وهية اللي بلشت الحديث شو بتقولي لها ؟؟؟


بقلها الله لايعطيكي العافية شو غبية ما لقيتي تحكي غير مع شب عالنت يعني بهدلة مرتبة بس رفقاتي ما بيعملوها حبابين


............ اذا مرت سنة عليكي ورمضان قرب والمصحف الشريف لم تف تحيه منذ رمضان الماضي ماذا تقولي لنفسك ؟؟؟

بحياتي ما عملتا الحمد لله كل يوم لازم اقرأ قرأن وخاصة بعد المغرب والعشاء
و
اخيرا انا بشكرك اخي انس عالاسئلة الظريف تحياتي الك اختك نانو؟

جودي ..مرحة ..عنيدة قليلا ...تفكرين كثيرا...طيوبة ...متكتمة ..واثقة

رهام ...هادئة... حالمة ....واثقة ....طموحة ..لديك ثقة بنفسك...سريعة البديهة وجوابك قريب

نانو ...صبورة ولكن دمك حامي ...لديك ثقة زائدة بقراراتك..تملكين خيال واسع ..اجتماعية ...متميزة

اقتباس:

---

المشاركة الأصلية كتبت بواسطة انس.

جودي ..مرحة ..عنيدة قليلا ...تفكرين كثيرا...طيوبة ...متكتمة ..واثقة

---

عنجد هدول صفاتي:z019:
شو عرفك؟؟؟؟