السلام عليكم :

شكراً لكم أخوتي لأستضافتي معكم في هذا الموضوع وأنا حابب عقب على كم شغلة قبل ما أعطي رأيي بالمميزة رورو:

أولاً أنا بتعرفوا أني ما بحب الغلط وبحب كل شي يكون نظامي وكمان ما بحب الكولكة والحكي الفاضي والرد يلي بلا طعمة والرد على كل مشاركة بتصير الي أو لغيري الا للأهمية

ومن شان أني ما بفوت لغير قسمي فأنا وجودي خلال أقسام الموقع بيكون 60% بالأستراحة بس من شان لحق لأنكم بتعرفوا الضغط يلي عليها وكمان لأنو الإستراحة بينزل فيها كتير مواضيع دينية ولازم أقرأها وأتأكد من صحتها
أما باقي وقتي بالموقع فبيكون عند سارة خانم أو بقسم التكنولوجيا أو الأخبار أو الحوارالعام والباقي عن طريق أخر المشاركات
والسبب أنو وقتي مضغوط شوي كمان لأنو ما عندي أنترنت بالبيت وصرلي شي ست شهور مقدم على خط adsl وعلى أساس الشهر الجاية بيكون راكب (وانا بعرف أنو هذا كلام فاضي)

المهم بنرجع للمديرة المميزة رورو:

أي شو بدي أحكي عنها ما شاء من أول ما دخلت على الموقع وهي عم تتميز
وما بنسى المسابقة تبع الأمثال والصور يلا شغلت الموقع كلو فيها
ومن بعدها بدأت تتطور أوضاعها حتى أستملت الادارة وهذا كلو راجع لحرصها على الموقع وإخلاصها بالعمل من أجل الوطن المغتربين

وأنا بدي أعتذر على قصة الموضوع يلي بالحوارالعام وهي بتعرف شو هو بس أنا رجعت وضحت وجهة نظري
وأنا مازلت عند موقفي ولا تزعلي مني (لأنك عديتها اليوم بقسم المشرفين ههههههه)

وأرجو لكي التوفيق والأستمرار ولكم جزيل الشكر والأمتنان ولي عودةإن شاء الله تعالى