بصراحة موضوع مهم جداا ... و فعلا بيستحق النقاش


و خاصة بعد الانتشار المتزايد لهالظاهرة بمجتمعاتنا للأسف ... إذا بدنا نحكي عن الأسباب .. فالأسباب كتيرة


بس أهمها : الاختيار الخاطئ من البداية و يلي بيعتمد على معايير سطحية و مزيفة بالنسبة للطرفين


لذلك بعد الزواج بفترة بيصير طلاق ... طبعا المتضرر الحقيقي من الطلاق هنن الأطفال


الأب غالبا( إذا ما بدنا نقول دايما ) بيتزوج و ما بيسأل عن حدا ... و الأم أحيانا بتتزوج كمان


و الطفل بيضيع بين أمه و زوجها ... و بين أبوه و زوجته .... و طبعا بتكون النتائج سلبية جدااا ع الطفل


أما إذا ضحت الأم و قررت عدم الزواج كرمال ابنها ... بكل بساطة رح تلاقي الأب عند عمر معين قرر ياخد ابنه ( لأنه القانون بيسمحله )


و المشكلة وين ... أحيانا الأب طول السنين الماضية بيكون ما فكر يسأل مجرد سؤال عن ابنه ... بهالحالة ليش بيفكر ياخده بعد هالعمر


طبعا وسيلة انتقام من الزوجة ... و متل ما قلتي المشكلة أنه بمعظم الحالات الزوجين لما بيقرروا الطلاق ... بيبقوا طول العمر حاقدين على بعض


و ما بيلاقوه غير الأولاد وسيلة ضغط و انتقام .... و طبعا هاد بيأثر سلبيا على نفسية الولد ... و هاد التأثير طويل الأمد ... رح يمتد طول حياة الشخص


المفروض يكون في تفاهم .. حتى بحال تم الطلاق ... مو غلط أنه يكون في تفاهم كرمال الأطفال ... و كرمال ما يجنوا عليهم و على مستقبلهم


لازم يكون في اتفاق ... وين رح يعيش الولد ... و كيف رح يحاولوا ما يحرموه من حنية الأب و الأم


المشكلة للأسف أنه صار الزواج و الطلاق لعبة .... ما أسرع الزواج ... و ما أسرع الطلاق ... مع انعدام الحس بالمسؤولية


سوري كتير ع الإطالة ... بس جد موضوع شائك ... و المشكلة للأسف أنه ما في حلول غير عن طريق التوعية من بداية الاختيار


ألف شكرررر لولو ع الموضوع