دمعه انتى نموذج للناس الكويسين المجتهدين.

لكن هناك ناس بتكسل ترد بكلمه واحده على المشاركات.

الموضوع كله احنا عايزين نمنع الاحباط اللى بيصيب الناس المبدعه الذى بذلت جهد للبحث او خلق موضوع..

وفيه مثل شعبى : بيقول اللى مايجيش باللين يجى بالتيل.

اللين = يعنى الزوق. والتيل = يعنى الغصب.

ومثل آخر بيقول اللى مايتحلش بالعقل يتحل بالجنان.

وبعدين انا ذكرت اسماء مواقع وكلام حقيقى وليس خيالى فعلا موقع مثل حضرموت يمنع نسخ اى مشاركه قبل ان يكون
لكى 50 تعليق.

وهناك اشياء كثيره لو تركت لزوق الناس ما تتحلش..

وبعدين ماذ1ا يعنى ان موضوع عدد المشاهدات 60 والذين اشتركوا او علقوا 1 واحد أو اثنين..

بماذا يفسر كاتب الموضوع هذه اللامبالاه انها تؤلمه نفسيا فعلا...

احنا هدفنا استمرار المبدعين فى الابداع وليس المشاركين بكلمتين شكر لما يحنوا على المبدعين.

يعنى يبقى شخص غير مبدع وكمان مكسل يقول كلمة ولو على سبيل النقد.

انا مبسوط من ردك طبعا وليس معنى انك تعارضينى انى ازعل منك..

ياريت يدخل اى انسان ويقول انا ماعجبنيش الموضوع.

يبقى الكاتب عرف سر اللامبالاه..

وهناك موقع اخر فعلا اذا حاولتى تنسخى الموضوع يشترط التعليق.

يعنى اعتقد ان كلمة شكراً مش هاتشل ايده ولا تجبله السكر ولا الضغط انما ممكن
تجيب الضغط لكاتب موضوع ممكن يكون اخذ منه وقت ساعتين لتحضيره ولا يجد اى تعليق.

على فكره السلبيه فى حياتنا هى سبب تأخرنا يعنى احنا نعانى من السلبيه..

معظم الناس ليس لها بطاقات انتخابات ولايصوتون فى الانتخابات وتجدهم اكثر الناس نقداً للنظام.

انا باحاول اعمل نظام يمنع الموقع من الهبوط.. هناك مشاركات قيمه ومواضيع قيمه لم تجد أى تقييم.