بصراحة !! للصراحة انواع على حسب الشخصيات يلي بنتعامل معها فمثلا لا بد من وجود الصراحة المطلقة بين الزوجين .. بين الاخوة لازم تكون صراحة واحيانا تكون اقل من المطلقة
مرات نظطر للمجاملة تجاه صديق او جار او قريب .. يعني على حسب قرب الشخص منا

الصراحة بشكل عام مريحة ( الصراحة راحة ) بس فيه ناس حساسة مافيها تتحمل صراحتنا وطبعا هاد شي جدا طبيعي
يعني انا وحدة من الناس مابحب حدا يصارحني بشي او يعلق عليّ ( بصراحة) من دون مابيعرفني منيح ..
مابعرف بوقتا مابحسو عم يصارحني بحسو عم يغيظني لا اكثر

وعلى العكس تماما بقبل الصراحة من اقرب الاشخاص إلي بيعرفوني منيح كتير وبيعرفو طريقة تفكيري وبيعرفو طريقة تفسيري لصراحتن

مسألة شو الاختلاف بين الصراحة والجرأة والوقاحة ... كل صفة بتحتلف اختلاف جذري عن التانية
مثلا الصراحة حكيت عنا انو تصارح الشخص المقابل بشي مقعول ومحدود ومقبول طبيعيا واجتماعيا ..
الجرأة هي انو نحكي حكي ممكن غيرنا مستحيل يقولو .. مو شرط يكون كلام سيء ممكن يكون كلام حق بس بيجرح شوي
الوقاحة هي بقى منبوذة من جميع الاطراف .. لأنو صفة سلبية مو متل الصراحة والجرأة .. صفة غير اخلاقية ابدا .. والشخص يلي بيحمل هيك صفة بيكون غير محترم وغير مؤدب
يعني ممكن يعلي صوتو على الاكبر منو .. او مايحترم وجود الاشخاص الكبار .. الى غيره من التصرفات

وانا متل مازكرت صراحتي على قد محبتي وقربي للشخص

شكرا إلك كتير صقر
تحياتي ...