هاد الموضوع الكلام فيه بيطول ... و في تفاصيل كتيرة


بس بشكل عام أنا بعتقد أنه هالنمو البطيء بيرجع لأسباب بنيوية بتتعلق ببنية الاقتصاد السوري ... ابتداء من البيئة التشريعية و التنظيمية


يعني على الرغم من التطور يلي صار بالبيئة التشريعية و التنظيمية ....

لسا ناقص إصلاحات و تعديلات كتير .... و بالتالي لسا في مشاكل بهاد الخصوص


لسا في جمود واضح بالهياكل الإنتاجية لمؤسسات لقطاع العام ....


يمكن الشي المنيح يلي صار ازدياد مساهمة القطاع الخاص يلي وصلت نسبة مساهمته بالناتج ل 70%


و طبعا لازم ما ننسى مشكلة كتير مهمة و هو تدني القدرات و الامكانيات التقنية و بالتالي ضعف الاعتماد ع التكنولوجيا المحلية ...



بالإضافة طبعا لضعف الموارد من القطع لأجنبي ( باستثناء قطاع النفط )


و هاد كله طبعا بينعكس على ضعف الاستثمار وبالتالي ضعف إنتاجيته


هلأ صح في نمو .. بس هاد النمو يلي عم يصير هو نمو هش ... لأنه غالبا بيعتمد على عوامل غير مستديمة

( مثلا المساعدات الخارجية أو أموال قطاع النفظ يلي صار عنصر رئيسي من عناصر الدخل القومي )


لذلك النمو عم يكون بطيء ....

نحنا بحاجة لإصلاحات جذرية بتتناول بنية الاقتصاد الأساسية بكل ما فيها ...

نحنا بحاجة للإصلاحات يلي بتضمن ازدياد الاستثمارات بالقطاعات الاقتصادية الحيوية


ويلي بتضمن الاستفادة من التطور التقني بكل القطاعات ...


بهالحالة بعتقد ممكن نحصل على نمو قوي و حقيقي و بمعدلات عالية


طبعا ما حدا بينكر الإصلاحات يلي تمت ....

بس هالإصلاحات لسا ما وصلت للأمور و المشاكل الجوهرية يلي بيعاني منها اقتصادنا


طبعا هي وجهة نظري ... و متل ما قلت هاد الموضوع كتير طويل و متشعب


مشكور كتير ع المرور