هو انا شفت عالساحة رايين حول هالموضوع
الراي الاول بيقول انه ما صار ازمة عنا ازمات بسبب قوة الاقتصاد وقوته كانت اقوى من الهزات العالمية وانا شايف هاد رايي ضعيف لانه ما بيستند على دلائل عالمية ومعايير قوية
الراي التاني بيقول انه ما صار عنا ازمات لانه الاقتصاد عنا لسا باوله او ما عمره شي ولساتنا جدد عالاسواق والبورصة لسا تداولاتها متواضعة جدا
وانا مع الراي التاني لعدة اسباب هلق اغلب الدول الي فيها اقتصاديات مالية متقدمة ونظم ضريبية متقدمة اصابته الهزات المالية كدبي مثلا وازمة ديونها مثال على دولة عربية
وكل الدول تقريبا الي الها صلات قوية مع اوروبا واميركا وخاصة فيما يتعلق بالائتمان كانت على موعد مع الازمة
بينما في سوريا وبسبب العقويات المفروضة اميركيا كانت رادع من الدخول في ازمة كمان هاد رايي (و اله جوانبه السلبية عالاقتصاد في نفس الوقت)
واخيرا الدول العربية بشكل عام اقتصادها خجول جدا وانا بستثني دول الخليج لانه غناها بالنفط عوضها عن الوقوف في طابور الاقتصاد العربي
هاد رايي
وبتمنى شوف اراء الاعضاء
تحياتي