نسب خيالية .. المشكلة يادكتور انه بتلاقي اغلب الشباب اللي يترددو على هيك مواقع يعتمد عليهم ومثقفين وواعين وخلوقين !!
يعني انت بتعرف انو الشب مو متل البنت .. وللأسف هالشي صار عادي بين الشباب

بالنسبة للبنات ميولهم عاطفي وبيختلف عن الشباب بس هاد مو معناه انو مابنخاف على بناتنا ...

هلأ الاحصائيات هي بصراحة مو سبب كافي لعدم زواجي من شاب عن طريق النت لأنو متل ماذكرت بالبداية ماعم ينعرف الشب ! بتلاقيه فعلا مؤدب وعين الله عليه بس بيتردد لهيك مواقع
وهالشي بين الشباب صار عادي وطبيعي وممكن يصل لفترة معينة ويبطل الدخول لمواقع إباحية نتيحة ملل .. لأنو بيجوز دخولو لهيك مواقع كان مجرد فضول ومعرفة وهاد الشي المهم اللي اغلب
اُسرنا بيفتقدوه .. فبتلاقي الشب عم يعلم حالو بحالو وغالبا التعلم يكون خطأ

وانت بتعرف مجتمعات الشباب هالأيام وعلى شو بيدور حكيهن طول فترة السهرة مع الشلة !

كوني بنت فرح قول وجهة نظري من ناحية البنات سواء متزوجات او لأ
البنت عاطفية وازا بلشت تستخدم النت بمرحلة المراهقة ودون مراقبة ونصح وتوعية من قبل الاهل اعتبر البنت ضاعت بكل ماتعنيه الكلمة إلا من رحم ربي
بتلاقيها مفتقدة لحنان وكلام حلو وحب واهتمام من اهلا .. فبتدور عليه بأماكن تانية .. وطبيعي رح تنخدع بس ماحطت ببالا هالشي .. كل اهتمامها انو تلاقي حدا يهتم فيها
ويغازلها ويخاف عليها وتشعر بالامان معو من دون ماتدرك شو رح يصير بعدين .. النهاية المتوقعة اللي بنعرفا نحن

بالوقت نفسو فيه كم هائل من شباب وصبايا قلوبن طيبة وعشرتن حلوة لما تتعرف عليهم من خلال النت ..

مع النسبة الكبيرة هي مافيني احكم !!

بالأخير انا بعرف ناس تزوجو عن طريق النت وحياتن ماشية على اتم وجه وهالشي مابيجي الا بشروط معينة اهمها الصراحة والتفاهم والاحترام

طرح مهم جدا جدا ولي عودة بأذن الله للمشاركة اكثر

لك تحية من القلب دكتور