راح الغرام وكل شيً طويناه
كلً تقفى وابتعد في سبيله

لحظة عناد اللي بنينا هدمناه
في سيل هجرً مارحمنا في سيله
...
كلً تناسى والغلا مانسيناه
بقلوبنا ثابت ولحدً يزيله

من يوم فارقته على البال ذكراه
من وين ما راحت عيوني تخيله

لوابتعد ما فكر القلب يجفاه
ولا كنت افكر يهتويني بديله

آيست من شوفه وحبه وطرياه
وآيست من عقب البطى شوفتي له

لا شك بالصدفة تلاقيت وياه
من بعد غيبات السنين الطويله