اقتباس المشاركة الأصلية كتبت بواسطة FE(light)W مشاهدة المشاركة
أخي أراميس أنا ساكنة مع بابا وماما ببيت عربي،
وجدي وتيتي ساكنين بالبيت يللي بجنبنا،
وفي عندهن شغلات أديمة لساهن بيستعملوها لهلأ عند الحاجة:

هادا بابور الكاز بتطبخ عليه تيتي إزا فضيت أنينة الغاز على غفلة:



وهادا الكاز بيشعلوه لما بتنطفى الكهربا:



وهادا منأل الفحم دائماً بيكون شغال جوات المربع بالشتي وبأرض الديار بالصيف،
تيتي بتغلي عليه أهوتها، وبتشعل منو سيچـارتها، وأحياناً بتشوي عليه لحمة شأف،
وجدي بياخد منو فحمات لأرچـيلتو:



كل هالصور من چـوچـل لأن ما عندي كاميرا صور الشغلات بالبيت.





أختي فيو لايت ...


أول شي برحب فيكي عضوة جديده معنا بأسرة ملتقىالمغتربين السوريين


وتاني شي برحب فيكي بهالصفحه هي ولتقديمك ما أستطعتي لنا من تراث تيتا وجدو


بحييكي على اختيارك لهالموضوع


وبتمنى منك يا ريت ولو فيا غلبه إزا بتقدري تصوريلنا هالاشيا يللي في بيت تيتا


لحتى نضمها هون بهالموضوع


وتكون ملك الملتقى الغالي



وطبعا راح تكون هالصور دخلت التاريخ



وراح تكون في مقدمة محركات البحث على جوجل وغيرة



يعني كل شخص حب يكتوب شي عن التراث راح بيلائي هالصور



شكرا لمرورك الكريم


وتحياتي لكي وتقييمي للصو الأثريه





Aramees