اقتباس المشاركة الأصلية كتبت بواسطة king-of-nothing مشاهدة المشاركة
ناااااااايس




بس ممكن الزلمة مالو شغل انو الصرصور سقط سهوا ... يا ترا بيستاهل يتسكرلو محلو ..

يسلمو على هالخبرية

King of Nothing






بصراحة أنا برأيي أي بيستاهل طبعا يتسكر محله ...

إذا بتلاحظ تقرير فريق التقصي عن المحل ( كما ورد بالخبر )

بين المصدر أن فريق التقصي الوبائي كشف على محل الحلويات المرخص له منذ نحو 30 عاماً وتبين أن العمال لم تُجدد بطاقاتهم الصحية، وأن المحل يعاني ضيق المكان وانعدام النظافة وخصوصاً على طاولات تحضير الحلويات وضمن البرادات وفي المكان المخصص للمواد الأولية من طحين وسكر ومكسرات وغيرها، كما تبين عدم وجود غطاء محكم لـ "البلوعة".


قمة الإهماااال

يعني بعتقد محلات أطعمة و مشروبات ... لازم تكون بتتمتع بأعلى مستوى ممكن من النظافة

هي صحة ناس ... مو لعبة !!

اوكي ممكن يكون الصرصور سقط سهوا ... بس ما بيصير يكون في حشرات بهيك محل أساسا !!

لو في نظافة و انتباه لكل التفاصيل ( البلوعة مثلا ) ... ما كان في صرصور ...

هلأ ممكن نلاقي مبررات ... و نقول شو ذنب صاحب المحل ؟؟ حرااام ...

بس كمان شو ذنب العالم ياكلوا كاتو بالصراصير !!! و تتأذى صحتهم !!!

أنا بعتقد يلي بدو يفتح هيك محل بدو يكون على قدر عالي من الوعي و المسؤولية و الضمير ... و إلا لا يفتح !!

مع احترامي الشديد لوجهة نظرك ...

تحيتي