طبعا البنات

لألك ليش هلئ نحن عنا بالمدرسة في بنات وشباب

البنات بيدرسو كتير بس بيجيبوا مجاميع عالية بسبب التعب اللي تعبوا وطول النهار نازلين على دح بهالكتب يعني دراسة دراسة دراسة

لألكون ليش البنت بتخاف على مستئبلها لأنوا مو أي شغلة بتحسن تشتغلها يعني اذا ماجابت مجموع مستحيل تشتغل اي شغلة


اما الشب فممكن يشتغل بشركة ابو او يشتغل بورشة او اي شغلة يعني بيمشي مع كلوا

والله عنا شباب بالصف بس نفسي أعرف كيف عم ينجحوا هلئ اذا فتحت الفيس بوك رح تلائيون طول النهار عليه

بس مشان ما نظلم الشباب نحن عنا شباب بالمدرسة كتير شاطرين بس لأنون حاطين عئلون براسون

وفي منون جايبين علامات على مستوى الدولة
بس فيواحد بصفي كمان شاطر بس ليش لانو طول النهار اموا ماسكة هالكتاب وراكدة وراه على ادروس وسمع وخود وهات والله المسكين حالتوا يرثا لها وصار معروف عنو بالمدرسة انو غنوج ماما



يعني الخلاصة التنين ازكياء بس ناس بتستخدم زكائها بشي مفيد وناس لأ