هــــدايا ادم لـــــحواء

[kofykofy]

شكرا ساره على مشاركتك لكنى اراك متحامله الى حد ما على الرجل..

المهم انك قلتى فى الآخر أن الكلمة الحلوه اهم من اى هدايا..

انا فى مشاركه طلبت رأى حواء فيما تتوقعه او تطلبه من آدم..

واقولك تجربتى الشخصيه ونظرتى لحواء :

العطور : اقدمها لانها تحبها وأرى انها تستمتع بها وليس معناه ان رائحتها كريهه فرائحتها بدون العطور فى انفى اجمل من اى رائحه.


المجوهرات: معروف أن المرأه تحب المحوهرات والغالى يهدى بالغالى وكل واحد بيهادى حسب قيمته.

الورد : الورد جميل وله معناه واذا اهداه حبيب لحبيب يكون معناه وصاله قريب.. ارق شىء الورد ومش معقول كل يوم
اقدم مجوهرات او برفانات او ملابس.

الملابس: لأنها جميله واحب ان اراها متجدده كل يوم.. اريد ان تكون اشيك امرأه فى العالم لانها مدام كوفى.

دعوات العشاء: للتغير وكنا نتكلم فى مشاركه سابقه عن كسر الملل الجنسى بالخروج من المنزل , اعزمها خارج البيت
لاعوضها الحبسه طول النهار وغيابى عنها.

ادوات المنزل: اعرف انها ست بيت ممتازه وتحب ان يكون مطبخها كامل من جميع وزيادة الخير ..


رسائل كثيره: معناها انى مش قادر على بعدها ولا ثانيه واحيانا بتكون تجهيز لسهره حمراء او اى لون تانى المهم النيه سليمه.



اسمحى لى ياسار ه انتى نظرتى لنصف الكوب الفاضى ..

وعلى فكره التفكير بهذ ه الطريقه مدمر للسيدات.

عايز اقولك نصيحه مهمه جدا انا دايما اقولها لبناتى وزوجات ابنائى.. اشكرى زوجك على أى هديه من أى نوع ولا تنقضى
اى شىء يشتريه بقولك غالى او ضحكوا عليك او وحش..

الراجل وهو يشترى كيلو عنب للبيت يشتريه ليس من اجل اكله ولكن من اجل ان يسمع كلمة شكر , وكلمة الشكر
هذه تشجعه على انه يشترى حاجات تانيه . باكرر الرجل لو اشترى اى شىء بيشتريه علشان يسمع كلمةه حلوه.

شكرا ,, ربنامايحرمناش منك.. ربنا مايحرمناش من مجايبك .. اوعى تكسرى مقاديفه ولو فيه نقد على اى شىء
يبقى بعدين بس بطريقه رقيقه لا تجرح مشاعره ولا تهبط عزيمته من انه يشترى حاجه تانيه..

بالعربى ماتسديش نفسه..

هاقولك مثل من الزوجات الصالحات: واحده فلاحه جوزها ضيع الحمار بتاعة ودخل البيت زعلان ومتنكد..
شافته زعلان وطبطبت عليه وقالتله ما تزعلش نفسك ... دخلتك علينا بثلاثين حمار. هههههه

مش عارف ياساره المره دى مختلف معاكى بس عزائى انك قلتى فى الاخر ان اجمل هديه هى الكلمة الحلوه.

بس برضه مايبقاش الراجل زى مابيقولوا : محنة الوزه بلا بزه.. يعنى الوزه لا ترضع ولادها لانها ملهاش بزاز وعامله نفسها بتحب ولادها.
لابد من الهديه وكل راجل بيجيب الهديه المناسبه ومش ضرورى يكون عامل عامله ياست ساره....
اسف للتاخير فى التعليق النت كان مقطوع.