وصرت أغار أنا منها عليها
خطا نفسي وأنا أتحمل خطاها


وأغار من امها حتى وأبوها
وأغار من الذي بأمره ولاها


وأحسد اللي تبره بالرعايه
وأحسد اللى بأحاسيسه رعاها






وأحسد الريح لاحرك شعرها
واحسد عيون غيري لا تراها

وأغار من القمر اذا شع نوره
خذت نور القمر وأصبح ضواها

وأحسد الشمس اذا بانت عليها
أشعتها تسبب في أذاها

وأحسد الأرض لا داست عليها
أثر خطواتها يحي ثراها

وأغار من النجوم اذا طعلت
وشافتها وعيني ما تراها

واغار من الهدوم اللي لبستها
عساها ما تجرحها عساها

وأغار من الخواتم في يديها
وساعته وكل اللي معاها

وأغار من القلاده في نحرها
وأغار من الشعر لمن كساها

وأحسد اللي سكن بالبيت معها
ولا أبالغ أنا احسد قصراها

وأحسد القلب لاقام يتمنى
لأن القلب ما يصبر بلاها

وأغار من القصيد لا قرتها
ولو هي قصتي وأشكي جفاها

وتشمل غيرتي حتى المرايه
يحق الها بشوفتها تباها

نعم وأغار حتى من الوساده
وأحسد افراشها ويا غطاه
ا
لا يامن يساعدني عليها
يوصلني هو النفس ومناها

عجزت أعالج جروحي بروحي
وأنا ان طولت يذبحني هواها