شو بتقول للي ببالك؟؟??

[Jude]

مابدي قلك شو بني ..شو الي جرالي بهالدني..
.بدي معك ابدا العمر ..اول سطر بالولدني..
ولا بدي احكي شو حصل ..شو الي كسر فيي الامل..
والي قلب ضحكي زعل ..غربني ياما وردني..مابدي قلك شو بني..

خدني معك ..خدني بأيدك عالفرح..خدني معك عمطرح المافي جرح..
خدني معك باب القلب لمى انفتح ..خلاني حدك انحني ..
خدني معك كل الي من قبلك مضى ... خدني معك وهم ومرء وحزن انقضى .
.خدني معك بدي معك عيش برضى ..خدني على العمر الهني..ما بدي قلك شو..


انت ومعي بحبك انا قد المدى انت ومعي.....انت ومعي ما بدي من بعدك حدى
انت ومعي قلبي الي عالحب اهتدى ..عايش معك احلى دني..
انت ومعي بشعر انا بشمس الدفى...انت ومعي خوفي الي ما ليني اختفى...
انت ومعي ايدك عطف وقلبك وفى..جنت ورود مزيني.ما بدي قلك شو بني..


مابدي قلك شو بني ..شو الي جرالي بهالدني..
بدي معك ابدا العمر ..اول سطر بالولدني
ولا بدي احكي شو حصل ..شو الي كسر فيي الامل..
والي قلب ضحكي زعل ..غربني ياما وردني..مابدي قلك شو بني..

[انس.]

كان العمر كلو صفا ..... كنا سوا ليل وسهر
والنور عم يمشي حفا.... ويفارق غصون الشجر
أنت وأنا ونسمة جفا .....هبت على الحلم انكسر
قنديل هالليل انطفا ..... وين القمر؟ ما في قمر
ياشوق يحرم الغفا ..... يامرقص دموع البشر
يا حب لمحة واختفى.....ما عاد شفتلو أثر
يا برد عم يلغي الدفا .... يا دموع عم تمحي الصور
حكمة وما كنا نعرفا ....أنو القدر هو القدر
شو صار يا درب الهوى ......... يا زارع بقلبي التعب
مش هم ما عدنا سوا......... ولا هم نبرم ع السبب
المهم من بعد الغرق ......... ننسى العذاب يللي مرق
بعدك يا قلبي يللي احترق...... مغروم حرقان باللهب
من وقتنا الكون ابتدا .......... كانو اتنين بهالدني
وما كان في غيرون حدا....... ولا ينطفي الحب الهني
قلبون على الشوق اهتدى ........صارت سنة تسرق سنة
تا صار يوسع هالمدى ......... . والبعد يكبر بالدني
ما ضل بالوردة ندى.......... ولا في غصن عم ينحني
وبقيت وحدي ما عدا......... أحلام عمر الولدنة
لاصوت حتى ولاصدى ...... .ينده ويسأل شو بني
شو صار يا درب الهوى ....... يا زارع بقلبي التعب
مش هم ما عدنا سوا........ ولا هم نبرم ع السبب
المهم من بعد الغرق ........ ننسى العذاب يللي مرق
بعدك يا قلبي للي احترق ..... مغروم حرقان باللهب

[ريحانةُ الجنّه]

اشتقتلك

[دمعة فرح]

البعد أذاني