بصراحة بظن هاد الموضوع بهالزمن صار ضيق كتير ويمكن فينا نقول انوا محصور ببعض المدن ياللي تتمسك ببعض التقاليد ياللي بتعتبرها جزء من الدين وهي عارية عنه ، والتعقيدات ياللي عم يحطها أهل البنات سواء بهاد الأسلوب من الزواج أو غيره هو ياللي عم يودي لهالحالات ، ولكن بالنسبة إلي وهاي صراحة وصدق ، أخواتي ولا وحدة منون أخدت مهر ولاطلبنا هاشي ، الشي الوحيد ياللي طلبناه من أزواج أخواتي انوا يجهزولون على قدر استطاعتون ولا حددنا أي شي ، لدرجة انوا آخر وحدة من أخواتي يمكن ما اشترت غير خاتم الخطبة والزواج لاغير ، وبالتالي الموضوع مرتبط بعادات وتقاليد اكتر مانو مرتبط بالدين ، وما بظن بهالزمن ضل هيك خطبات إلا في نطاق ضيق عند الناس ياللي برأي الشخصي مو قادرين يعيشوا الحياة الاسلامية القديمة الصحيحة ياللي ما كانت فيها المرأة تتخبى أو تنسجن ببيتها ، وطبعا هاد الموضوع بيرجع لقدرة الاهل على معرفة كيفية التربية ، لانوا برأي البنت لما تكون تربيتها صحيحة سواء مسلمة أو غير مسلمة يحق لها أن تعيش حياتها لتعرف أكثر عن ياللي عم يدور حولها وطبعا هاد لازم يكون ضمن نطاق تربية أخلاقية صحيحة موشي يوديها لطرقات ؟؟؟؟ لاسمح الله ، وبالتالي يمكن عدم تلاقي الناس وفقدان الثقة سواء بالنساء او الرجال هو السبب في التوجه لهيك حالات ؟؟ رغم انو هاي الطريقة بكتير من الاحيان بتودي لنهايات مو مليحة وانا بعرف كتير من هالحالات ياللي يتفاجأ فيها الزوج بأنو مرتوا كان عندها حياة مختلفة عن ياللي هو متصورها وبنفس الوقت هاد الواقع معكوس على النساء كمان .



وبالتالي وبصراحة أنا شخصيا ما بآمن بهيك طريقة لانو اختيار الزوجة لازم يكون اختيار شخصي وما حدا يتدخل فيه من العيلة إلا لا سمح الله إذا كان هنيك شي بيسئ للشخص ذاته ولعيلته """"""

وأنا شخصيا خطبت لوحدي رغم انوا كان والدي عايش الله يرحموا ،،، بس طبعا بداية الخطبة لانوا من الواجب يجي الأهل ؟