معتقدات سورية (1)

[سارة]

*واذا شفت مقص مفتوح لازم فورا تسكرو ( لانو المقص الفاتح تمو بيعمل خناق )






*وإذا عمل العصفور تحتو على الأواعي يعني جاييكون رزقة (وما لازم تغسل ملابسك شي سنة مشان الرزقة)






*و دلق القهوة رزقة وكمان نفس الحكي خليها مدلوقة لا تمسحها






*و شرب المي بعد القهوة قلة زوء (حتى لو اتشردقت موت ولا تشرب مي )







*و اذا الولد الصغير كتير ابن الشهور عم يضحك لحالو بيقولو الملايكة بتكون عم تحاكيه بس ابصر شو ؟؟؟!!!

* و كمان في اعتقاد انو اذا البنت اول ما خلقت وطوطوها ( يعني دهنوها بدم وطواط ) ما بيعود بيطلعلها شعر بجسمها أبداً (عرفتوا ليش بعض البنات عندهم شعر كتير )

* كمان يلي حامل بصبي بتتباشع واذا حامل ببنت بتحلا






* وإذا الطفل قعد بالصينية وهي عالأرض بيرتعبوا لأنه هاد الولد رح يضيع (ويمكن يتشرد هاد اذا ما طلع حرامي كمان )







* و كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة هدا دليل على انو هالشخص ناقص








*واذا خايف من عين اتصيبك جيب ورقة واكتب عليها اسم الشخص الي خايف من عينو وغزها بالدبوس وانت عم تقراء المعوذات وتقول من عين افلان و تنفخ... وفي حل تاني انك تروح تشيل عيونه وبلا وجعة هالراس







*والي بيعدّ النجوم بيطلعلو تالولات بايدو (بس اذا حسن يحصيهم ما بيطلع شي)







*وبعد ما نخلص صلاة نطوي السجادة مشان الشيطان ما يصلي عليها (خلّيه يصلّي بركدن يتوب ويصير يوسوسلنا بالخير!!)

[MOSTAFA]

ههههههههههههههه
للأسف كتيرر عالم بتقتنع بي هالشي دليل الجهل


شكرااا على مواضيعك المميزة سارة

[سارة]

تسلم
لك المرورك المميز اهلا وسهلا

[DG-SADDAM]

هههههههههه شي حلو كتيير مشكورة