فقدان الثقة بالنفس من أصعب المشاكل يلي ممكن تواجه أي شخص


لأنه بيترتب عليها نتائج سلبية كتير ... و آثارها ما بتقتصر ع الشخص نفسه ... لاء بتأثر على كل المحيطين فيه


طبعا السبب الأساسي برأيي " الضعف " و " قلة المرونة " ... عند أول مشكلة قاسية ممكن تواجهه بيشاءم و بيفقد ثقته بنفسه


هاد الشخص كتير ضعيف ... ما عنده القدرة أنه يواجه و يتحمل و يجرب مرة تانية ... لذلك فورا بيقرر الانسحاب و بيتولد عنده الشعور بالفشل و بالتالي بيفقد ثقته بنفسه ... و طبعا بيكون غير مرن ... بمعنى ما بيكون عنده القدرة على التكيف و التأقلم مع الظروف ... و التعامل و التعايش مع مشاكله بالطريقة المثلى .

و طبعا ما بننكر تأثير الأشخاص المحيطين بالشخص ... ممكن يعززوا ثقته بنفسه و ممكن العكس

أما بالنسبة للحل برأيي ... فهو بيبدأ أولا من الشخص ... لازم يكون عنده نية حقيقية بالتغير ... و إذا هو ما ساعد حاله أولا ... ما حدا رح يقدر يساعده

مهما حاولوا الناس يلي حواليه يرجعولوا ثقته المفقودة ... ما رح يمشي الحال إذا هو ما عنده الإرادة .


يعني لازم هو يقرر يخوض تجارب تانية ... نجاح هالتجارب كفيل بعودة ثقته بنفسه أولا ... و بالآخرين تانيا


( لأنه طبعا فاقد الشيء ... لا يعطيه )


مشكور كتير ع الموضوع المهم